德望校車服務已改善, 問題已解決..

Loihei

其實想知其他地區的校車服務是否一樣差呢?
或只有將軍澳區呢?

YuChing0731

今日我已經將topic改名, 以切合實際情況..

個女同我講, 校車同家長接送是同一時間, 最後才到保母車, 擺明是對保母車趕盡殺絕, 以維護校車利益.

如果我地自組成功, 就算返到屋企同校車差不多時間, 我都寧願個女搭保母車, 唔想幫襯呢間"衰運"公司

有同事知道我向學校投訴, 又係呢度開討論topic, 問我驚唔驚影響個女架?  哈, 就要問家長犯罪是否要仔女去坐監啦...

我問個女, 個女非常支持我, 仲叫媽咪要堅持落去, 我真係感動啦

YY_BB

我都極力支持你地, 加油, 我相信天主係有眼既!

噚日親自返學校一趟了解情況...眼見學校對面馬路停泊左兩架警車, 站著兩個警察, 另外加多五個咖啡仔...我問其中一個咖啡仔, 究竟係附近居民報警定係小巴專線司機報警叫佢地唻....得咖啡仔親口證實係學校親自報警, 當時聽到, 整個心粉碎....學校既所作所為, 真的令人氣憤!

之後校車一路離開, 忽然見到獄長連同校車公司負責人密密斟, 我見有門外家長錄影放學情況, 被獄長見到, 示意嚴禁錄影....影放學都唔見得光, 佢地既行為, 真係有目共睹!

雖然我知校車公司畀回佣學校係合法途徑, 亦知全港學校好多都係咁做....但獄長咁落力去幫助, 去包庇, 去維護校車公司, 真係好想知佢私下有無收D乜野利益啊!

家長心平氣和同學校, 校車公司, PTA, 校長, 獄長等等去傾談有關校車既改善空間, 以上各方面都懶理家長, 直頭可以話當我地死既咁....但校車公司少左幾十個學生坐校車, 向學校OR獄長施少少壓力OR畀少少微言, 就要出動到警察唻維持秩序....可笑兼可恥至極啊!

你地條線一定要齊心, 團結就是力量, 就算坐褓姆車既小朋友放得點遲, 最終都係會早過校車返到屋企架! 同埋自組到點到點既褓姆車服務之後, 我地D女返學時就可以瞓晏D架喇....一於抗爭到底!

原帖由 YuChing0731 於 10-10-9 11:45 發表
今日我已經將topic改名, 以切合實際情況..

個女同我講, 校車同家長接送是同一時間, 最後才到保母車, 擺明是對保母車趕盡殺絕, 以維護校車利益.

如果我地自組成功, 就算返到屋企同校車差不多時 ...

YuChing0731

原帖由 梁太2010 於 10-10-10 12:35 發表
其實., 有這麼多的不滿, 大可以不讀., 大可以轉校., 何必這麼大的怨氣而夾自己的女兒在中間呢~~~

我唔知你係咪校巴公司或係獄長的人, 咁樣就叫人唔好讀, 你係什麼人自己心知肚明啦!

明眼人睇出問題係校巴公司同學校度, 唔係家長同學生度, 我只是想學校正視問題, 如果我覺得間學校唔好, 當初就唔會叫個女讀啦, 相信很多德望家長都同意, 學校確實有很多很好的地方, 很多老師都有愛心同耐心, 雖然每班稍為多人, 但老師真的能觀察到每個小朋友的優點同弱點, 個女係到度讀確實見到佢不斷進步, 我地都係想學校好, 唔好將校譽敗係呢間校巴公司度...

仲有唔通唔讀校巴公司就會即時知錯, 即時改過咩? 問題咪始終係到, 始終解決唔到..

你去寫信比曾特首, 佢都會派有關人士作出回覆(至少interim reply), 呢d係機構及政府部門回應投訴嘅正常步驟, 最後做唔做到都會有substantial reply, 唔通佢唔覆你, 做唔到你嘅要求你就要移民返大陸咩...

係正常人既話應該係建議學校同校巴公司交涉, 要佢地改善, 唔係叫人唔好讀...

對於有d心懷不軌嘅人唔該唔好挑撥離間

[ 本帖最後由 YuChing0731 於 10-10-10 16:55 編輯 ]

funnyhan

我好同意yuching的說法, 校長和ms cheung時常要我們多作忍讓, 要我們不要投訴, 因為投訴是想迫使校方妥協等等...但校方時常站在被動位置, 又不在家長學生方面想想, 其實令家長好心痛。公道自在人心, 我不明校方要把上學定於7:30am, 我們女女要6:20上校車, 7:00就回到校, 原因是要接中學的學生, 為何學校時常要遷就安順校車, 他們對我們家長態度不好, 有次我朋友去電詢問有關校巴問題, 那位阿叔說:你們打來問這問那, 問問問你們未鬼"答"啦, 真係真係令人好氣憤, 我們家長都是對事和有修養, 但校方一路沒正視校巴問題和處理家長反映的意見, 我們做家長唯有在這裡反映意見, 好讓其他人知道我們情況, ""不是單單說一句:那你可以唔讀,"" 我相信用"新加入國民"來留言的, 我相信你的居心何在...但我好認同yuching的說法, 我好早知道good hope一班有40-43人不等,我們覺得不是問題, 而且老師可留意所有同學長短處, 老師好有愛心, 這是事實。最後, 請校方請勿再call police意圖趕駕車來接放學之家長, 這好令家長不滿和繼續和學校對抗。

YuChing0731

原帖由 梁太2010 於 10-10-10 22:33 發表
第一)  我不是校方 or 校巴公司 的 人.
第二 ) 我也是 " 德望 " 的 家長.
第三 )  不要 用 有顏色 的 眼鏡 看我.

說真的., 你可能 未試 過 更差 的 校車., 我 試 過 !所以我轉來德望.
我也只想 家庭 和 學校 好 而 ...

你是"新加入國民", 仲係首次發言, 相信你很少上來bk, 以前有些topic曾有d"心懷不軌"嘅人, 用新嘅名去撩事鬥非, 結果比人踢曝, 跟住就人影都唔見, 見你好似咁幫學校同校巴公司, 如果係德望家長依正路都唔會咁唸, 你又有冇係受影響嘅家長同學生唸呀?

咁你即係唔滿意以前嘅學校先轉嚟, 唔係因為德望係好學校先轉嚟啦...我係因為德望係好學校先叫個小朋友嚟讀架, 我仲推薦比d同事叫佢地d小朋友考入嚟讀架, 由頭到尾冇話德望唔係好學校, 我只是對佢地係處理校巴事件有不滿, 時代係進步嘅, 就算而家香港政府都唔可以停留係官僚時代啦...

你究竟有冇睇哂成個topic架, 如果有睇就唔應該問我究竟學校同PTA有冇給我回應, 同回應咗什麼...

我只係想知道, 點解校巴公司服務咁差(當然唔係每條線都係), 點解唔可以改善, 我曾經有提議要求PTA幫忙跟進, 但都冇回覆, 情況都係咁, 我只係要個合理解釋, 如果係合理嘅話我睇唔到點解我唔接受, 但學校反而係呢個時候突然改變放學政策, 係即日兼即時做, 事前並沒有透過任何途徑通知家長, 你認為合理嗎? 難道叫自己小朋友分辯是非錯對都唔啱嗎? 唔通我叫小朋友去認同校巴公司同學校處理嘅方法嗎? 錯漸漸變成合理化, 小朋友做錯事長輩要求佢去改, 佢都可以有樣學樣, 話之你死, 當聽不到睇不到, 我驚將來佢真係唔識分錯定對呀...

希望你同你嘅小朋友係德望唔會遇到唔開心嘅事, 如果唔係又要轉校真麻煩

funnyhan

昨天放學3:00放學, 但我要3:25等所有校巴走晒才能夠看到班學生由樓梯行落黎, 我在3:15在學校門口打去校務處, 我詢問為何開學階段你們可以同步給自行接送家長, 可以接走小朋友, 不用等校巴走晒才給自行接送家長的女女安排最後, 最慘那些校巴的學生一部一部停泊在校內, 一班學生一個一個上校車, 為何不讓自行放學學生走先??那不但令自行放學學生不用呆等, 又可以疏散駕駛人士和褓姆車...但學校那位小姐說由於開學是採用那個方法, 但有關負責校巴老師主任都是決定採用之前放學方法, 講到這裡, 我對學校.老師.主任真有d失望, 為何不可以分流進口, 我感相信分流接放學可令學生快放學, 家長褓姆又可快走, 又可疏散人, 好處多為何又安排舊制度, 我知校方有留意這投訴, 希望校方認真處理這問題吧! 給予家長學生有滿意答覆!

p.s. 接放學家長可以的話請帶備多一套衣服or底衫在車內替換, 因她們在校內等到全件底衫濕透, 天氣轉, 小心生病!

karenlyk

我唔係德望家長,睇咗呢個post,覺得小朋友好陰公,日日都要乾煎等車,做小朋友生意應該以小朋友利益為大前提,何解會有這種冇良心公司存在?

希望你哋的問題可儘快解決.

funnyhan

我相信學校到目前為止都沒有採取可以同家長解決的方法, 更希望家長勿在這裡發言投訴, 但不滿問題仍然存在。請學校可以與我們家長溝通一下, 好嗎?

YuChing0731

其實如果能真正解決問題, 我真不介意學校或PTA有冇回覆我, 原本我都以為問題只是在校巴公司度, 沒想到發展落去學校方面都出現問題, 最後成三輸局面..

從生意角度來看, 校巴公司想用最低成本達最高利潤是無可厚非, 但搵錢之餘亦都要有責任良心, 我地家長唔介意比多少少車費, 只是希望學生們能得到合理服務(已經唔係要求優質服務), 車費是加了(原本加幅達25%, 後來開學後才更正是7.3%), 但服務卻差了...

只是希望學校能以學生利益為前題, 早日檢討校巴服務和放學制度吧!

Nelly@Huang

有人話佢係新校巴公司 ????? 究竟新定以前個間 ?????

Loihei

呢個星期校車服務好像比之前好好多了. 我女女坐19號校車, 現在, 返學準時6:50am. 放學仲放早左3:50-4:00pm. 相比九月時已經有進步了.

YuChing0731

原帖由 Nelly@Huang 於 10-10-15 15:18 發表
有人話佢係新校巴公司 ????? 究竟新定以前個間 ?????

今年呢間"安順"是新校巴公司, 舊個間叫"寶發勁", 但佢地都係用噃哂寶發勁嘅車, 初時該公司訂19路線是每月$850, 比舊公司上學年$680貴了25%, 但奇怪在其餘兩條將軍澳線是收$730, 惟獨19路線收$850, 起初我仲以為因為可能校巴公司安排了一架又新又大又舒適嘅校車比小朋友, 成本貴所以就貴過人, 點知原來係架極殘極舊又要兜路嘅校車, 仲衰過舊年, 後來可能有家長投訴為何收得貴過其他將軍澳線, 在沒有理據支持下才收噃同其他路線一樣價錢..

好開心學校和校巴公司都有正視問題而令校巴服務有所改善, 我們家長絕對有誠意同學校溝通, 我地所做嘅絕對是以學校和學生利益為前題, 看著初時學校愛理不理真是很痛心, 希望校巴公司真的是有誠意去改善, 而不是三分鐘熱度罷

[ 本帖最後由 YuChing0731 於 10-10-15 20:06 編輯 ]

dora媽

我個女都話校車放學有時超載!!好惊,好惊!

原帖由 Schoolbus26 於 10-9-8 12:45 發表
校車差差差, 無論時間, 態度是極差, 我個女舊年是話放1:00pm時或3:00pm, 56分鐘車程到, 而今年schedule 是54分鐘到, 以為好左2分鐘, 我個女而家要1個20分鐘才到, 仲有個校車保母仲差, 舊年個個都有禮貌, 同有講都有 ...

穎晴媽咪

若學校同校車公司真係有誠意去改善固然最好,
只怕佢地係因為見到 5A 線有十幾個學生由十月
份開始改搭褓母車, 佢地唔想19 號線有樣學樣又
轉搭褓母車而採用緩兵之計, 即係短暫將校車於放
學時的出車次序稍作調動, 等我地以為佢地真係解
決左問題, 等到若干時日輪到其他路線既家長投訴,
學校又轉番將 19 號線「一車行兩轉」兼又再擺到
最後至出車呀, 我當然希望呢樣野唔會發生啦！

遲放呢個問題暫時當解決左, 但其實最令我地一班
家長憂慮既反而係個司機既駕駛態度真係好駭人,
之前已經講過佢係一期接學生果兩次經典作, 其實
係其他站同樣出問題, 有家長講呢位司機試過至少
三次係一期接左 d 學生後, 一開車就掛住同褓母傾
計, 傾到直頭唔記得左要係下一站茵怡花園度停車,
就直駛去第二期度接學生, 之後先匆匆忙忙折返茵
怡接番 d 學生, 最新一單發生於今個星期一, 佢係
二期停左車俾學生上車, 當一位小朋友準備登上車
廂之際司機突然開車, 當時在場既家長都俾佢呢個
舉動嚇左一跳, 佢對路面行車安全的意識可以講係
非常薄弱, 其實搭佢駕駛既校車一樣令家長提心吊
膽囉 !!

原帖由 Loihei 於 10-10-15 16:40 發表
呢個星期校車服務好像比之前好好多了. 我女女坐19號校車, 現在, 返學準時6:50am. 放學仲放早左3:50-4:00pm. 相比九月時已經有進步了.

YuChing0731

從其他家長得知, 學校在放學政策方面已作出調節, 校巴公司亦有改善, 校巴放學時已提早離開學校, 確實呢幾日小朋友回到家時跟往年差不多, 問題困擾多時終得到解決, 總算放下心頭大石..

在此多謝學校協助解決問題, 相信學校是重視學生和家長, 之前因事件遲遲未得到回應, 因而對學校同PTA產生誤會, 如有冒犯本人在此致歉..

此外, 由於各人對事件的了解程度不同, 故有不同意見實屬正常, 若事情令家長們困擾, 本人十分抱歉

事情已得到解決, 原本想delete個topic, 後來發覺係唔得嘅, 唯有改topic以切合實際情況, 本人以後亦不會在此發言..

Nelly@Huang

恭喜妳.......問題已解決..

原帖由 YuChing0731 於 10-10-16 08:41 發表
從其他家長得知, 學校在放學政策方面已作出調節, 校巴公司亦有改善, 校巴放學時已提早離開學校, 確實呢幾日小朋友回到家時跟往年差不多, 問題困擾多時終得到解決, 總算放下心頭大石..

在此多謝學校協助解決問題, 相 ...

ohmama

雖然事不關己, 但我很八卦, 好像追電視連續劇般看事態發展.

恭喜家長及學生, 事件終於完滿解決.