我想查證一下關於真道書院的消息

celaine

我唔想對學校有誤會, 希望你地可以幫我查證一下, 我有朋友的囝囝0係真道書院讀, 她們說有家長義工見到, 有學生打交, 老師可以不理, 直到有家長報警, 學校先處理, 如果家長冇報警, 學校都可以不理, 另外D老師好主觀, 如果有學生打過交, 以後無論個學生比人打定打人都好, D老師一定覺得係果個學生唔啱, 根本唔會查清楚件事, 太不講理啦....

peppergin

I replied this in another thread..so copy here for discussion also:

小兒明年會入讀真道。我在小一選校階段才上BK的。在BK也看了不少留言。唔知點解，覺得「真道」確比較惹火。但總的來說，我覺得批評的都欠缺理性和公道。

像收生程序，各校都有自己的一套啦，人人又都不會只報一間。學校的理念很合你杯茶，又面試成功的，就皆大歡喜啦！但每間學校在收生近結尾時，都會再找候選學生補上有人放棄的位置傢啦！間間都無人鬧，但真道就會比人鬧！

學校有人打交，老師唔理？ 可信程度也十分低。我估不是老師唔理，是理的方法不合某些家長的期望啫。如果真道是看重學生自知，自覺，自省，自學，會唔會老師想少用權力壓迫學生悔改認錯，而希望輔導学生能自行化解爭執？我們那些少爺小姐們，解決難題的訓練，不在學校進行，還在那裹？

學校是社會的縮影，學生打架也是平常事吧！間間學校無人查問打架事件，真道就有人提「學校有人打架」？下下要報警，會否浪費警力？

當然，我是毫不知情的局外人。但記得教有四位天才兒女的教育家蘇緋雲博士，曾分享她是怎樣教孩子自己解決爭玩具的，就是收掉所爭的玩具，讓相爭者自行解決怎樣分享，再一同問她取回所爭玩具。她是不須要參予解決和用權力的。 孩子也漸漸不爭玩具了。

可能家長考慮入真道這類比較採用新思維的學校，也要考慮自己的態度能否配合，及給予學校一定的信心吧！

原文章由 celaine 於 08-1-3 00:59 發表
我唔想對學校有誤會, 希望你地可以幫我查證一下, 我有朋友的囝囝0係真道書院讀, 她們說有家長義工見到, 有學生打交, 老師可以不理, 直到有家長報警, 學校先處理, 如果家長冇報警, 學校都可以不理, 另外D老師好主觀,  ...

jlmammy

I also want to know what happened. Can any existing Logos' parents share the case with us.

iwff

其實我都有聽過真道學生打交一事, 係我朋友的朋友讀緊後來都已轉校。雖然我小兒不是讀真道, 但都關心是什麼一回事, 希望現在讀緊真道的家長可以多加解釋, 會否當中有所誤會, 讓將會入讀的家長都可安心。

iwff

jlmammy

iwff, can you share what you heard from your friend?

原文章由 iwff 於 08-1-3 14:33 發表
其實我都有聽過真道學生打交一事, 係我朋友的朋友讀緊後來都已轉校。雖然我小兒不是讀真道, 但都關心是什麼一回事, 希望現在讀緊真道的家長可以多加解釋, 會否當中有所誤會, 讓將會入讀的家長都可安心。

iwff ...

DS1

My kid is with the school for 5 years,never heard anything like what you mentioned. Not even saw any student fight with each other.  Is a rumour and is also not making sense at all.

KenBaBa

Dear Celaine,

Thanks for your information and enquiry.

首先，基本上我係冇乜野可以回應，因為我未有聽聞過。

不過，都有可能會去查問一下學校有冇「家長/家長義工見到學生打交報警」紀錄及詳情。

現在只就你整篇報導來分析，講「事實」的其實只是三句:「有家長義工見到，有學生打交，有家長報警」。其他的，都屬一些人云亦云、妄下判斷、並不公道、未必有根據的推論，比如:「老師可以不理, 直到有家長報警, 學校先處理」、「如果家長冇報警, 學校都可以不理」、「另外D老師好主觀, 如果有學生打過交, 以後無論個學生比人打定打人都好, D老師一定覺得係果個學生唔啱, 根本唔會查清楚件事, 太不講理啦....」等等。

作為家長，在選擇學校、教育子女方面，都要審慎持平！

yiwa

我是08小一準家長, 呢個傳聞我未報考真道前都聽過, "聽朋友嘅朋友講xxxxxx", 但可唔可信呢? 我覺得:

1). 小朋友打交, 間間學校都有, 我們都是這樣長大的.

2). 老師唔理,我覺得無可能. 我們把小朋友交了給學校, 出了事學校如何向家長交代? 睇唔到則無得好講.

3). 現今有D父母確實太過份, eg.最近有一小學生在學校玩, 受了傷(唔記得斷手定斷腳), 家長竟然控告學校, 硬把責任推給學校......(最近記性唔好, 唔記得D細節)

4). 最重要係自己如何管教子女, 要他們知道打交是魯莽行為, 以及不能解決問題.

celaine

很多謝你地各人的意見, 我都會再問多D讀緊既家長.... 希望有up-date的資料...

CnLola

Hi celaine

你所講的若然屬實，都只是單一事件，無需太擔心．曾聽過真道家長講，小朋友試過將八達通遺留在校，一星期後都冇人貪心取去．相信真道的學生及家長都好有質素．

真道的負面消息比其他直資學校多好多，唔知點解 身邊十個有八個人聽到你小朋友要讀真道，都叫你唔好：”真道學生好曳；又話識教統局的人話個校長做唔到野”．再想問明原因，結果都冇實質事件講到．最離譜的一個同我講，”真道亂加學費”咁好彩我知道08年是開校以來第一次加學費 ．各樣負面消息，不少來自一些津校的教師，亦有人云亦云．其實唔清楚的人，真係唔好再發放咁多未經証實的消息．

軒Mother

真道的負面消息比其他直資學校多好多，唔知點解我做咗四年家長,我都唔知點解
CnLola,今個學年我仲係交緊舊學費,未有"加價"

原文章由 CnLola 於 08-1-4 10:17 發表
Hi celaine

你所講的若然屬實，都只是單一事件，無需太擔心．曾聽過真道家長講，小朋友試過將八達通遺留在校，一星期後都冇人貪心取去．相信真道的學生及家長都好有質素．

真道的負面消息比其他直資學校多好多，唔知點解 身邊十 ...

deniset

軒媽：
唔知做乜無端端好多時一有小小事都講得好大，往往啲人又喜愛借題發揮，講到什麼安心不安心，真係關心真道的人就不會在這裡囉料。唉！我哋千幾個家長都未驚過，難道事事都要向外人解釋？

原文章由 軒Mother 於 08-1-4 18:44 發表
真道的負面消息比其他直資學校多好多，唔知點解我做咗四年家長,我都唔知點解
CnLola,今個學年我仲係交緊舊學費,未有"加價"

軒Mother

deniset,
絕對同意!我自己就從來都無擔心過,因為我哋做家長嘅只需要為自己一個或幾個孩子擔心,但校長/校方就要為過千同學擔心, 佢哋咪仲煩!
如果家長成日都"嫌三嫌四",孩子又點會對學校有認同,有歸屬感?

原文章由 deniset 於 08-1-4 22:48 發表
軒媽：
唔知做乜無端端好多時一有小小事都講得好大，往往啲人又喜愛借題發揮，講到什麼安心不安心，真係關心真道的人就不會在這裡囉料。唉！我哋千幾個家長都未驚過，難道事事都要向外人解釋？

...

[ 本文章最後由 軒Mother 於 08-1-5 12:26 編輯 ]

Samy

I asked my daughter and my son that no flighting case.

安安琪琪

真道咁惹火係因為它太出名，所謂樹大招風，我只是問一句，那一間學校學生從不打架，話有你都信唔過啦。

在真道５年，是有學生打架，但打架並非黑社會開片那種，瘀就硬有，但不至於斷手斷腳。其中一家長講得好好，唔記得邊位，真道唔係唔理，只是唔係跟家長所希望的方法去理，受傷學生家長好想打他孩子的學生被嚴重處分，但事情亦要兩面睇，校方了解後處罸被告未如原告學生家長的要求，於是就話學校處理不善，學校唔理等等，真係無辜。

這些例子在這幾年都見過幾次，有轉校亦有留底，留底條氣就唔多順。其實咁樣生活下去都唔開心，人生路途漫長，何必執著，唔係放生真道，係放生孩子，放生自己。

安安琪琪

KenBaBa

原文章由 安安琪琪 於 08-1-14 02:35 發表
... 人生路途漫長，何必執著，唔係放生真道，係放生孩子，放生自己 ...

^曾小姐^

我朋友個女都讀緊,佢講過佢個女小一時候,班中有位同學被另一個同學蝦,咁被蝦同學家長即刻搵班主任投訴,班主任反而叫佢唔好投訴,因為蝦佢果位同學屋企好有錢
我朋友話果度d家長淨係識投訴,連英文老師都一年內轉咗三個,簡直係有錢大晒

big-boy

Dear: ^曾小姐^
"連英文老師都一年內轉咗三個", Could you ask you frined to confirm what year (07-08 or ??) and level (DS1, FS1 or ??). THX

20101101

Well, it's admission time again.

軒Mother

我屋企都好有錢,好有財寶

原文章由 ^曾小姐^ 於 08-6-29 02:02 發表
我朋友個女都讀緊,佢講過佢個女小一時候,班中有位同學被另一個同學蝦,咁被蝦同學家長即刻搵班主任投訴,班主任反而叫佢唔好投訴,因為蝦佢果位同學屋企好有錢
我朋友話果度d家長淨係識投訴,連英文老師都一年內轉咗 ...