迦南(九龍塘金巴倫道)的視學報告很差

smalleatb

看過迦南(九龍塘金巴倫道)08年的視學報告, 發現都幾差, 學校好像都很混亂, 幸好沒有交留位費.

http://www.edb.gov.hk/FileMana ger/TC/Content_6605/Cannan_Kln Tong.pdf

BBR

係,學校比好多野你返屋企學,但學校唔會點教,我一D都唔認同佢地教學的方式,課程深唔代表好,要小朋友夠時間吸收至得,最慘係深得黎學校又唔會點教,係要靠家長自己返屋企教,反而比好多時間比小朋友响學校玩,而且學校的教學方式不能令小朋友視野廣闊,太過局限於課本

stone940828

不單是迦南...民生都唔係咁好,
其實去年ge視學報告,被評優良ge都係得幾間.

但睇返今年民生同迦南入讀ge學生仍很多,
所以由家長自己判斷清楚,
對呢份視學報告對自己ge心理影响有幾多,
如果影响大,就唔好入讀la.

我自己就會問返而家在該校就讀ge家長同小朋友意見,
以上我所講ge2間學校,
我都問過小朋友返學e情況.......大家都好開心呀!
好鍾意返學,我自己就比較重視小朋友是否開心上課.

BBR

基本上幼稚園返學係玩,咁小朋友一定開心,我個女返迦南時都無話唔開心,只係你同佢講唔駛返學佢會更開心,但轉左學校後有時佢唔舒服我叫佢唔好返學佢就會同我講唔好,因為佢好想返學,放假時又會掛住返學,咁個分別就响lee到law,其實迦南都係止於某兩三間多人考,可能我自己教過幼稚園,所以對於佢地教學內容不太認同,我覺得一間好幼稚園應該係會令小朋友開心外,重要令佢地樂於學習同曠闊視野,因為幼稚園係小朋友第一階段的入學前準備,攪唔好就令佢地入小學時唔識咩叫學習,可能要花上幾個月時間去適應. 我好開心我個女宜家讀緊個間雖然唔係咩名校,但佢地可以令到小朋友有自信心表現自己,令小朋友喜歡學習新事物,留意身邊時事,而且會教高班小朋友幫助低班比佢地知咩叫互相幫助,重會有方法令小朋友學野時客易入腦.一間好學校除左係要令小朋友開心返學外,重要識同佢地開腦,教佢地多思考,樂於學習.

welcomewoe

My son is n-1 study. I say Cannon is okay for learning and teaching. Of course, you cannot expect everything depends on school. Because your kid is study 3hrs everyday in school. Every parent must being follow even famous KD.

BBR

其實最主要係佢地教學方式我唔認同,响K2(我個女3歲多)開學時小朋友開始寫好深的字,好似"姊,爸,媽,哥,妹,弟...."小朋友隻手仔都未夠力,點可以咁樣?我聽到好多家長都投訴,其實真係對小朋友好大影響,好多家長重話為有揸住佢地隻手做(咁做功課的意義已經無左),跟住就派好多字咭比小朋友,當然又係好深的字"復活節,聖誕節,樹林,積木,讀書,學校,燒烤,黃葉......好多好多,我問學校佢地係米日日都有同小朋友讀,佢地答我唔係,係我地自己返去同小朋友讀,咁......我點解要比佢讀幼稚園,我自己教都得啦,好多家長可能認為無問題,但我覺好大問題,佢地比得D野出黎小朋友學,唔係應該有責任令小朋友學識?(當然家長返屋企都要溫,但唔係佢地口中自己返屋企教),唔係深代表好,要深得黎但小朋友識至ok law,小朋友返幼稚園除左係玩之外都要開始學曉認真學習同學習的意義,我之前同某小學校長傾過,佢地都話迦南佢地眼中唔係一間有名同好的幼稚園,反而啟思好過佢,所以我立即同個女轉左幼稚園.當然各有所好,好多mami認為佢好,但我個人就好睇學校各方面配合得好唔好.我係全職媽咪,個女我自己親自湊,日日返學放學都會去了解學校係點教小朋友,我唔會要學校教識哂佢所有學的野,因為上到小學我地都要同佢地溫,但係"溫"唔同"教",學校應該係"教"我地"溫",而唔係我地"教"學校"溫"
P.S. 我去過參觀佢地上課一個鍾,個一個鐘佢地係全情玩(分組活動,每日有一個鐘頭)玩玩具,畫圖晝,剪紙,串珠日日如是,我真的不太認同咁樣安排上課時間

[ 本帖最後由 BBR 於 08-12-11 10:45 編輯 ]

JESSTIFF

咁又吾一定預左學校教吾晒喎, 根德園我貪佢真係攞得返屋企的(書呀,功課呀, except每兩周一次3本課外書係比家長同小朋友睇),小朋友全部都識讀,因老師在校有教(吾識都只因佢自己吾記得),吾係預你家長在家內教.  測驗考試前係老師在校同小朋友溫, 相反是不會通知家長何時進行測驗考試, 免小朋友有來自家長的pressure.  每次書包帶回來的,都幾乎是已完成作品,堂課,默書...不是未完成、要家長做的東西.  所以好多家長喜愛kv都係因為家長很舒服的.  當然不少家長亦不鬆懈,比好多野小朋友讀,去學.希望他們更上一層樓而已.

原帖由 welcomewoe 於 08-12-11 09:38 發表
My son is n-1 study. I say Cannon is okay for learning and teaching. Of course, you cannot expect everything depends on school. Because your kid is study 3hrs everyday in school. Every parent must bei ...

BBR

我都覺得幼稚園應該係咁,比得小朋友學佢地就有責任去教,我地最多係同佢溫,而唔係浪費時間比小朋友响學校玩,每日重複去做分組活動(內容唔變),應該要分配得好好,有玩有學習,不能太偏向一面,我個女間學校同你個間一樣.

原帖由 JESSTIFF 於 08-12-11 11:31 發表
咁又吾一定預左學校教吾晒喎, 根德園我貪佢真係攞得返屋企的(書呀,功課呀, except每兩周一次3本課外書係比家長同小朋友睇),小朋友全部都識讀,因老師在校有教(吾識都只因佢自己吾記得),吾係預你家長在家內教.  測驗考 ...

s204oxox

i didnt see too -ve form the report. y so reactive.

cy36baby

原帖由 smalleatb 於 08-12-10 22:16 發表
看過迦南(九龍塘金巴倫道)08年的視學報告, 發現都幾差, 學校好像都很混亂, 幸好沒有交留位費.

http://www.edb.gov.hk/FileMana ger/TC/Content_6605/Cannan_Kln Tong.pdf  

點差法...?? 邊點?

JESSTIFF

原帖由 BBR 於 08-12-11 11:47 發表
我都覺得幼稚園應該係咁,比得小朋友學佢地就有責任去教,我地最多係同佢溫,而唔係浪費時間比小朋友响學校玩,每日重複去做分組活動(內容唔變),應該要分配得好好,有玩有學習,不能太偏向一面,我個女間學校同你個間一樣.
...

BBR

其實唔係話差,係學校有好多要改善的空間 2.5, 2.6, 2.7.
而第3點就係建議學校改善的地方,其實我一直都覺得迦南課程安排比較亂,無咩主題,所有野都過於依賴課本同家長,令小朋友唔識多角度思考. 其實好難巨體講學校有咩問題,我個人只可以話迦南同我個女宜家讀緊個間好大分別,宜家個間可以令小朋友開心返學之外更令我個女好鐘意學習,諗野會好多時好全面,例如好簡單的環保問題,佢唔單只係知道費物利用咁簡單,係知道廢物所帶來的問題,邊D可以分類,叫小朋友帶垃圾返學跟住同佢地出去校外分類放去分類箱,我個女會成日提我小用膠袋,D膠樽要分類,廢紙拎去邊.......,但這些迦南就好難做到(因為我個朋友個女重讀緊迦南,佢話我知無)

[ 本帖最後由 BBR 於 08-12-11 14:13 編輯 ]

xanax1mg

我bb讀緊迦南n1, 我覺得好好, 亦好滿意.

緊張肥媽咪

講真迦南都係間好一般既學校，比我寧願揀又一村喇，因聽出黎啲評語，又一村會好佢好多。

BBR

因為通常好多人見到間幼稚園响九龍塘就會覺得一定係名校好學校 ,講真迦南真係一間好普通幼稚園,我朋友個女响東區個間讀,响公屋同居屋裡面,D小朋友個個日日流住兩條鼻涕返學,學校又無要求佢地帶口罩,於是D小朋友成日互相傳染,佢個女成日病,加上好多屋村小朋友讀,個個說話好粗俗,成日屎屎尿尿掛住响口,老師又惡,但佢無辦法因為佢住响附近唔想個女咁遠返學.但佢真係怕左

原帖由 緊張肥媽咪 於 08-12-11 17:17 發表
講真迦南都係間好一般既學校，比我寧願揀又一村喇，因聽出黎啲評語，又一村會好佢好多。

BBrianma

每間學校都會有正面同負面的評語,
實在沒有標準答案.
迦南一直不是本人的首選,因為交通並不理想.

直到小兒入讀他們的playgroup之後,
我對該校的印象分提高了很多,
亦可以其餘時間,見到就讀的小朋友上下課,
他們都很開心,我見過有些小朋友,
會走上前擁抱老師,我想這是小朋友開心的表現吧!

亦因為這樣,都認識了好幾位家長,
評語相當高,小朋友鍾意返學,反而放假會唔開心.
課程深唔深? 我諗因人而異吧!
至於回家同小朋友學習的課程,
我見他們很享受啊!直情當作親子活動.

其實每個家長對學校的評語有時會互走極端,
有時真係人夾人緣,可能所謂"唔係果柸茶".

所以最好自己親身走幾轉, 看看學生返學放學的情形,
一般友善的提問,家長們都會回答.

[ 本帖最後由 BBrianma 於 08-12-11 20:18 編輯 ]

BBR

每間學校都有佢地fans,亦會有人唔鍾意,而迦南係我自己親身經歷,而自己又教開幼稚園,所以同其他幼稚園拍埋,迦南真係比下去.而且佢地每間分校的質素真係好參差.我個女返佢地playgroup時我都覺無問題,但一上到K1,K2就真係覺得唔好,不過都成年幾前的事,我女K2開學2個月後我同佢轉校,我老公初頭都話我,一黎佢覺得間間幼稚園無咩分別點解新個間每個月要比多幾千,點知幾個月後佢同我講個女學野學快左,學校所教的同迦南好大分別所以我的決定是對的,宜家K3佢地幼稚園個個小朋友都考到很好的直資同私校,很開心自己無決定錯.

stone940828

我都幾鍾意九龍塘迦南,
都係因為交通問題放棄左,
但都有朋友選擇了這間學校.
希望你地揀左呢間學校ge小朋友,
返學開開心心啦!

原帖由 BBrianma 於 08-12-11 20:10 發表
每間學校都會有正面同負面的評語,
實在沒有標準答案.
迦南一直不是本人的首選,因為交通並不理想.

直到小兒入讀他們的playgroup之後,
我對該校的印象分提高了很多,
亦可以其餘時間,見到就讀的小朋友上下課,
他們都很 ...

stone940828

以你為例,你讀落之後對學校ge不滿,
到你轉左校之後覺小朋友唔同晒,
對你而言,呢個選擇已經係非常正確.

而有d小朋友在原校繼續升讀,
佢地d家長又可能會覺得k2 ge 時候,
自己ge小朋友又突然唔同晒, 佢可能又會諗,
點解你唔比小朋友一同在這學校書呢?
所以.....唉! 真係要搵返"自己柸茶"先得.

係呢,你可唔可以分享一下,你小朋友轉左邊一間學校,
同埋除左直資同私校之外,在統一派位方面又如何?

小朋友剛準備完幼稚園,又要開始諗小一問題,
所以都希望知多幼稚園升小一ge野,
在此先多謝你ge分享.

原帖由 BBR 於 08-12-11 20:49 發表
每間學校都有佢地fans,亦會有人唔鍾意,而迦南係我自己親身經歷,而自己又教開幼稚園,所以同其他幼稚園拍埋,迦南真係比下去.而且佢地每間分校的質素真係好參差.我個女返佢地playgroup時我都覺無問題,但一上到K1,K2就真 ...

hyto

ＭＥ　ＴＯＯ！
ＩＮ完之後覺得學校都係同普通幼稚園差不多，而且地點都係一個問題囉！所以，無留位！
祝各位小朋友讀得開心，開心真係好重要。

我都幾鍾意九龍塘迦南,
都係因為交通問題放棄左,
但都有朋友選擇了這間學校.
希望你地揀左呢間學校ge小朋友,
返學開開心心啦!