真係好唔開心

pocoyo123

今日同亞仔去一間學校INTERVIEW, 明年重讀K3, 選這間學校係因為近屋企, 而佢又有I位, 諗住佢係一間包容性比較大的學校, 知道我們的小朋友真正需要, 怎知都令我好失望, 我一去到學校, 就先到校長室, 個校長一坐低, 就問亞仔點解出年唔上小學, 要重讀K3, 我就好老實咁同佢講, 話亞仔現讀S位, 已評估, 健議亞仔重讀K3, 之后再上主流小一, 我又比埋評估報告佢睇, 點知佢即話我地已有的個I位小朋友出年會上K3, 我話我亞仔係讀普通位, 佢又話呢D小朋友一定有些特殊需要, 咁對老師好大壓力喎, .......跟住講左一堆藉口, 我都想發火, 我問佢咁你係咪唔收, 唔收我搵另一間, 佢即話你搵定都好, 我好唔客氣問佢, 你地K3有幾高程度呀, 使唔使讀唐詩呀, 佢話都要+下數, 寫下雙字詞咁....我同佢講係咁呀, 我個仔現在都識, 你考下佢先啦, .............咁嘅學校校長, 睇都未睇過我亞仔D功課, 就話唔識教, 真係收都唔使客氣

Torres

好明白你心情, 這情境正是我們S位家長最激氣私時候! S位又叫我地出去, 出到去又咁徬徨, 令到我地咁難受! 你唔好放棄, 再去找過一間啦, 總有一間學校可以隔合我們的小朋友! 我未入S位前, 入讀過一間東華三院既幼稚園, 佢唔洗INTERVIEW, 有位就叫我去註冊, 一註冊完,我即刻同班主任講,  佢有自閉証, 又講了阿仔不斷都有私人訓練, 又沒有激烈行為, 老師不之幾接受, 仲話返咗學會好D! 所以, 可能找一間普通D的學校, 可能壓力會少D!
加油啊, 再搵過啦, 一定有位架! 我好羨慕你走得喇, 我阿仔唔知幾時呢...

BeBe媽媽

就算讀緊I位,都唔代表學校會包容多D.....唉.....最多佢地唔可以叫你走姐!

someoneelse

試找一些幼“兒”園式的吧！

crystal媽咪

不如你試下這樣是否行得通;
你去interview 時, 校長問點解唔讀小一, 要讀多一年k3, 可唔可以講, 我覺得佢個底未打得好, (如:數學概念/社交方面/語言方面.., 當然你睇返自己小朋友有咩弱項才說)

佢問之前讀邊間, 不如是但作一間唔同區的, 就話之前的學校老師流動率高 / 街坊話你地的學校d小朋友讀得好開心....

唔係要教你講大話, 不過既然講真話無學校收, 倒不如講個[唔會對人有傷害的大話].
我有朋友的囝囝in學校時話重讀係為打好個底, 想個囝做大仔(當然無同學校講小朋友的問題), 都有學校收, 問題係你遇唔遇到咁解.

pocoyo123

CRYSTAL,
我都有咁諗, 唔提讀過S位, (反正亞仔唔係好睇出有自閉), 只係話佢言語DELAY小小就算, 但我C6話唔好, 做人唔可以咁, (唉....)無計, 現再去搵,
PS, 其實果間學校都係唔出名呀, 我諗住佢都唔選人啦, 點知都係咁, AND 我住呢區無乜全日學校, 我又唔想佢讀HALF DAY, 因上小學又全日, 好難攪, 真的好頭痛..............

Capricorn2521

我都係估吓估吓.....有D疑問。

如果你講大話，咁學校會吾會問你攞返以前學校D 學習報告/成績表 來看呢? 如果小朋友真係入咗去讀，你知啦，童言無忌，會吾會爆反出來呢?

kelvin_hmlau

我都覺得唔老實可能會衍生其他問題, 到時可能會仲煩.

社交班有個媽咪係超級叻, 個仔讀完兩年S位, 幫個仔搵到幾間K3收,

仲搵到間2x人一班的津貼小學. 其間無隱瞞一d  過去.

baubaulee

Hi,

I want to know the name of those Kindergartens, would you please help me to ask the 超級叻媽咪?  My son has behavioural problem, he cannot follow the class rules and loves to challenge teachers.  He joins some course in Steps, really hopes it can help.
I get many complaints from school since K1, do want to find another Kindergarten for him.

Thanks !!!

kelvin_hmlau

當然可以幫忙聯絡, 但她家住在美乎, 孩子都係讀附近幼稚園, 相信地點未必啱你.

其實她的叻不在找學校, 係在教養方面, 不時比到一d 意見同鼓勵. 令我知道每個自閉兒都有艱難時刻, 亦都有辦法克服.

baubaulee

Thanks !!

Mei Foo is suitable for me.

Cheers,

原帖由 kelvin_hmlau 於 10-12-13 17:27 發表
當然可以幫忙聯絡, 但她家住在美乎, 孩子都係讀附近幼稚園, 相信地點未必啱你.

其實她的叻不在找學校, 係在教養方面, 不時比到一d 意見同鼓勵. 令我知道每個自閉兒都有艱難時刻, 亦都有辦法克服. ...

kelvin_hmlau

係 facebook 問緊, 問到 PM 你呀.

IJai

算 la
此處不留人
自有留人處

fatpam

Hi,

I also want to know the name of those Kindergartens, would you please help me to ask the 超級叻媽咪?

Thanks!

milk323

我都試過, 因為間NURSARY唔係咁好, 所以K1時搵學校轉. IN左間本身都有I位的, 又係諗住佢會包容D, 事先打去問左仲有冇位, 佢話都有所以約上去IN. 一路IN 得好地地, 當然我個仔都係一般掛住自己玩, 間中應下老師咁啦. 後來我提到佢有少少自閉傾向, 個老師即刻面口變晒, 又話唔夠資源照顧佢, 又話夾硬收對小朋友唔好, 我同佢講佢而家O個間真係好唔得, 催谷小朋友, 你呢度點都會好D, 佢都係推, 又話問下校長覆返, 咁佢梗係冇覆啦. 唯一一樣就係佢介紹我排I位(我本身排緊E位的), 佢話唔駛排好耐同埋講左D好處俾我聽. 我就即刻返屋企搵資料同埋CALL社工轉排I位. 結果好好彩真係9月有I位, 而家佢真係進步左好多. 所以,雖然當日個老師的反應令我好傷心, 覺得俾人歧視, 但係都多謝佢的意見我先咁快入到I位.
祝你小朋友都快D搵都間O岩佢的學校啦

BeBe媽媽

I位而家好似排得好快喎，應該唔洗點等吧？
我剛嚮11月幫我仔搵k1，講到明仔係有自傾，點知老師話唔似丫，咁我再強調有，又比埋評估紙佢睇。（呢間係普通無i位幼稚園）
最後因我仔唔望人，佢地又無乜考野，點知當曰下午就打嚟話收…其實我而家一路仲擔心緊，唔知9月開學亞仔讀成點？
我最怕被叫退學（半曰上午）…希望我無幫個仔簡＞安排錯啦！（退而家i位，轉排e位）
實在想快點離開而家呢間學校。