心裏很不寧靜

lebon

星期六收到根德園的信，只是waiting......

自問當天仔仔表現超水準，超額完成所有任務，竟然只是waiting，真是百思不得其解。之後，開始對面試的結果失去信心，究竟評分標準是甚麼？

meia

Me too. 只可以說句, 上主自有最好的安排.

阿老師臨走仲話希望有機會教我個女, 攪到我有d開心架,
阿女又真係表現唔錯, 都係 waiting.

hangyodon

原帖由 lebon 於 11-11-28 09:56 發表
星期六收到根德園的信，只是waiting......

自問當天仔仔表現超水準，超額完成所有任務，竟然只是waiting，真是百思不得其解。之後，開始對面試的結果失去信心，究竟評分標準是甚麼？ ...

人生先係啱啱開始
唔好唸咁看前看啦

wanabe

唔好唔開心, "the best is yet to come"!

我囡囡IN KV都好多波折, IN果日唔舒服去唔到, 跟住改咗第二個時間, 點之到咗改果日佢病到入咗院. 好彩KV都俾我地再改時間, 而最終我地都有去到. 雖然最後佢都係on waiting, 但係我地一啲唔開心都冇, 因為我同爸爸都覺得呢個係上天安排.

Hope for the best!

porporchi

其實我interview時, 因為要答老師問題, 都不知道我小朋友表現如何

其實我估好多小朋友都會答到問題, 因為d 問題都唔深, 反而就係因為咁多人答到, 唔知校方用什麼去決定收邊d 學生

我覺得家長問答題o個度都會計分,. 因為我答時, 老師不斷寫野, 所以有時未必係小朋友問題, 可能係自己既答案未必係老師/學校所期望

有句說話好真既, 就係唔係自己小朋友唔叻, 只不過學額有限! 我去年我小朋友N班全軍覆沒都很失望, 不過而家睇開了!

ecsharon

開始時我都覺得點解囡囡in得唔錯...都係waiting or rejected...不過諗深一層呢d係一個緣份...而且waiting唔使比留位費...到有位先諗要唔要幾好呀...

Lenatsang

我都想講下, 其實真係e+ d 小朋友好叻, 眼見自己個小朋友表現唔錯, 只係有其他小朋友會很更叻, 亦如此同時, 我深感未來的小朋友真係會好大壓力, e+ 我地的小朋友只係2歲, 透過interview 已有咁大競爭, 我唔敢想像後面的路可以點行?

pangps

我都好失望.... 我個女in時所有tasks做哂，有唱歌有拍椅有玩top有thank you.... 都係waiting.... 好唔開心，仲係0903大女.....
可能我答得唔好，問點解選根德，我只答想搵間教中文教得好的學校...... 沒有提獨立自理等............... 唉，唔開心... 好有挫折感

lebon

完全同意！我的感受正是如此，才會心裏不平靜......

其實根德園收仔仔與否，不是最大問題，而是令我感到仔仔往後的日子將會很難行。

反觀自己，兩夫妻收入不錯，職業佳，但仍買不起一個自住單住、生BB又要和人爭床位、現在仔仔讀書又要爭學位......活在香港，很辛苦。最近還聽見很多小朋友讀書壓力大，要輕生，我也為他們的父母心痛。

只能嘆一口氣，繼續生活，這便是香港！

cow1303

係呀, 家長見到小朋友interview表現好, 真係好期待有offer, 每當希望越大, 失望同樣越大.
如果小朋友表現麻麻, 收waiting都甘心. 相反, 表現好都收waiting好唔開心.
不過只有老師自己知要收咩學生.
所以我個人好喜歡PC個interview, 關埋門interview, 家長唔會知小朋友的表現. 到最後唔會為咗冇offer而令內心唔舒服/不甘心.

lebon

還有一點想抒發，小學派位制度又是令人沮喪。首先是自行收生，即是世襲制。跟著，竟是與學習能力無關的大抽獎。我真的很難相信學生是學業前程不是靠實力，而是靠世襲和抽獎運氣。於是，不服這遊戲規則的家長們又要繼續為兒女們努力，報私立、報直資，然後一連串的面試、擔心、失望、不明所已......

香港的教育制度，我以前不會仔細思考，但現在有切膚之痛。

bopui0607

希望越大, 失望越大, 邊個唔想小朋友讀叻學校呢 ? 可惜世事如此, 振作吧 ! 唔好懷疑自己小朋友既能力, 相信他們 !

Lenatsang

題外話, 有一天去飲宴, 席上有位在某香港大學的教育部教授, 他說朋友也是經濟教授.

他小女小5時, 有條問題問, 80年代, 請試分析香港的鑽石山, 深水po, 大埔, 鰂魚涌, 這些地區, 對香港經濟有什麼影響? 後來那個經濟教授, 忍不住去學校投訴, 說自己都不識做這樣的功課, 後來升小六時,就自己離校去國際學校...

所以教育真悲哀

Cutemom0808

原帖由 lebon 於 11-11-28 09:56 發表
星期六收到根德園的信，只是waiting......

自問當天仔仔表現超水準，超額完成所有任務，竟然只是waiting，真是百思不得其解。之後，開始對面試的結果失去信心，究竟評分標準是甚麼？ ...

我也曾經經歷過類似經歷，覺得自己小朋友好叻，佢現實係好多小朋友一樣叻，當天超水準表現不只你小朋友一位，而學位就只有這麼多，而且老師收生標準亦可以同我地想像的有很大差別

放心，好的在后頭

[ 本帖最後由 Cutemom0808 於 11-11-28 11:13 編輯 ]

ronniedad

原帖由 lebon 於 11-11-28 10:44 發表
還有一點想抒發，小學派位制度又是令人沮喪。首先是自行收生，即是世襲制。跟著，竟是與學習能力無關的大抽獎。我真的很難相信學生是學業前程不是靠實力，而是靠世襲和抽獎運氣。於是，不服這遊戲規則的家長們又要繼續為兒女們 ...

呢D就係所謂O既終慘階級喇, 除左自己盡力做好外, 只能自求多福, 而家有時會諗番咁多年交o既稅(我非常願意交的, 呢個係基本公民義務.)我地真係能夠有咩福利呢? 房屋? 醫療? 教育? 基本O既保障乜都無, 真係唔知為乜..................唉! 大家加油吧!

dolphinmama

樓主,請問KV是你的第幾選擇?你唔開心,係因為冇得讀KV,還是不甘心自己的孩子被婉拒?

當年,我又係到左報幼稚園時,見人報我又報的心態,報左一間可以網上download表格的kg,可以話係漁翁撒網,由於我對該校的認識係零,結果就算仔仔的表現我認為係good,但都係得個reject結果,收到信的一刻,我個心實晒,連c6都唔開心,因為覺得自己個仔好慘,俾人拒絕左..........

但由於該校根本唔係我們想要的kg,所以不快的感覺很快消失了!

接著是kv,我們只係收到waiting,講真,waiting都好過reject,但我喊左出來,成個星期都唔開心,又怨自己呢樣個樣,因為從一開始,我就係入kv,所以那種失敗的感覺真係呢家想返起都仲戚戚然!

所以,請樓主想清楚自己唔開心的原因是什麼,如果都唔係得kv一個目標,那又何需傷感?要是真的喜歡該校,那便做點事情,如寫寫求位信啦!

記住,你的情緒會影響孩子,他/她不是失敗了,而是有另一個更適合的環境等待佢!

Cutemom0808

原帖由 ronniedad 於 11-11-28 11:05 發表
呢D就係所謂O既終慘階級喇, 除左自己盡力做好外, 只能自求多福, 而家有時會諗番咁多年交o既稅(我非常願意交的, 呢個係基本公民義務.)我地真係能夠有咩福利呢? 房屋? 醫療? 教育? 基本O既保障乜都無, 真係唔知為乜... ...

响HK要過得好，一係做有錢人，一係做窮人

tanglulu

don't be upset, i think KV is not just looking at interview performance, but they also look at other factors.....my girl answer over 90% of the task and sing.......still waiting, you are not the only one and KV is not the only school!

hope is  always there!!!

lebon

kv都可說是我心儀的學校，所以失望一定有，不過不是非讀不可。而不甘心，是因為沒想過那樣超水準的表現仍是WAITING，所以無奈、感嘆，心裏較難平靜。

經過和你們分享之外，心已舒服多了。

各位，努力！互勉之！

taimun

每次面試之後,如果囡囡做到佢應有水準,喺我心目中已經一百分,收唔收我真係所謂.  我咁諗唔係代表佢真係好叻又或者係我對佢冇期望,只係既然父母/小朋友可以做嘅已經做左,而決定權又唔喺我地手,咁就睇下佢同間學校/老師有冇緣啦!