各位新家長小心

ff7477

我發現年年都有人問學校好唔好,年年都有一班自稱有子女讀緊但話學校差又唔轉校既家長,請小心因為有好多子女入唔到而週圍唱等你地d多選擇的父母揀其它,佢地後補就有機會入.
平心而論,學校有幾個老師差d,但亦有很多好的,而溝通方面就要自已主動d同老師傾,因一個帶十個八個,個個父母交左個細路返學就一了百了等匯報,d老師鐵人都唔掂,教學方法傳統d,認字一流,想要童真祗玩樂就唔好入啦,(但都有得玩,仲幾開心.)至少d細路返到屋企係想再返學而不是唔返學.(個別家長教子方式另計),又話哂係名校都吃香d丫,想要活動家長可以自己攪,唔駛又要等學校呀,樣樣等學校攪掂?負責任啦各家長,做個好榜樣d仔女睇好唔好
對唔住各位,如有難受請多多包容.

leungkafai

UID80040及UID523433最愛惡意中傷！

may827

有時見到d post真係好擔心同驚架！！所以搞到心大心細唔知讀唔讀好。

shirley0331

唔該哂ff7477 ,都安心D~

愛麗C

一句講晒, 呢間真係一間好有heart既好學校, 經過幾個月既時間同聖誕聯歡會後, 老師做既一切所以家長都有眼睇, 真係無後悔過選呢間學校.

50136255

我有兩個小朋友讀聖心, 大家可放心, 我無需要假扮家長, 因為無咁己既需要, 以下是我對聖心的意見. 在此分享, 只想給大家多一些資料, 自己也嘗過選擇學校, 希望可以幫到有需要的家長, 間間學校都有好有唔好, 有人鐘意有人唔鐘意, 希望大家客觀一點, 唔好話我只講聖心的好處或唔好處, 以下只是個人意見, 只作參考, 如有問題可到親子皇國PM我, 因我不是常常登入教育皇國這邊.

為何我會選聖心:
因為近我家. 而且聖人口啤好 (我相信大家都是因為這點而選聖心) , 哥哥入了聖心後, 覺得可以接受, 未致於要轉校, 附近唔知邊間好, 為了節省交通費和交通時間 (聖心校車費比較便宜, 是因為他們是用大旅遊巴, 而且是和聖心小學一齊搭車) , 所以妹妹都讀了聖心, 如經濟許可, 我會選一間好一些的.

缺點

1. 太傅統, 家長同小朋友都一定要跟學校的做法, 自己沒有選擇權, 沒有家長教師會, 就連買校服想要大小小, 老師都會話修女唔鐘意小朋友穿太大而拒絕給你大一點的, 要家長買剛剛好的.

另好像寫"t" 字, 老師話一定要好像十字架咁, 下面不可灣上來的. 我的小朋友也問我點解, 因看圖書時也有不同的字體, 為什麼一定要這樣呢?

2. 行政及做事方法守舊, 用大量人手做簡單的東西. 例如家長會派5張通告, 他們會分5次派, 唔會一次派5張. 做事千篇一律, 好像在工廠大量生產咁, 但就可能是這樣, 便可訓練出服從性高的小朋友. 但小朋友就欠缺創意了. 在過去的一個學期, 都沒有舉辦任何親子比賽或親子美勞活動, 例如聖誕咭比賽, 中秋節花燈比賽等,其實這類比賽大多數幼稚園都有, 但聖心就沒有. 同埋K1-K3做的中秋節和聖誕節美勞都是同一款的, 這會令我懷疑到學校沒有花心思在課程設計上, 我的女兒讀K1, 做一些簡單的勞作如貼圖寫線條是適合的, 但我的兒子讀K3, 其實可以做一些難一點的手工如剪紙和晝圖晝.


3. 學校收生太多, 有時老師真的會照顧不到. K1, K2, K3 上下午班各150多人, 共900多人. 50人一班, 同一級3班在同一大課室上課.  但會分組, 即是可能一班去了上美勞, 其他兩班便會一起用課室.

4. 師資一般, 只有一位本地英文教師和一位普通話教師, 其餘的老師不是全都識英文. 你可能會問點解我知? 因為在interview 時, 我說我的小朋友有些中文字是唔明白的, 因在家中有時會說英文, 於是老師便用發音不準的英語跟的小朋友說話.

另老師不夠大體, 好像我有一次去學校問東西時, 開們的老師衝口而出講了 "咩今日咁多人來的?" 其實我唔介意, 因知道她無心, 而且她好繁忙, 但就真係唔夠大體.

5. 學校的玩具, 教具比較舊. 以及食物質素一般, 尢其是生日會, 一年開6次, 收費$590, 有玩具和零食. 玩具很快便壞了, 而且破了便會很易弄傷手.  零食不很健康, 有不知什麼牌子的朱古力, 糖果, 薯片等等.

6. 學生太多, 多數都是搭校車, 校車起碼有12架, 多是大旅遊巴, 同聖心小學同一校巴, 但只有一個媬母,只是花在放學上車的時間相信都不下於20分鐘.


優點:

1. K1開學不足3個月便寫字, 如喜歡小朋友識字, 可以選聖心

2. 小朋友回家常常念經

3. 小朋友服從大人

4. 學費平, 減了學卷只要給300元

5. K1開學老師會有1-2次主動打給家長交代在校情況

misslo3000

Totally agree with "ff7477 ".  (Sorry I cannot type Chinese... very slow... )

I also do not understand why a few parents kept saying something bad about the school.  To be very honest, the school is not that traditional. The kids have hot pot at school.  Swimming lesson, dancing. story telling.....Traditional?  No heart?  

The teachers are very experienced.  (of course, they are old but it means that they have experience in handling kids which is very important).  The class size is big but the kids are able to learn new things very very well even my daughter is shy, she has great improvement.  She loves going to school and she learns a lot from th teacher.  She could get used to the new environment within a week.  

I have no regret asking my daughter to study in this school.

But, if you mindset is like "kids should not learn much at kindergarten and kids should be 100% care free, no homework, no discipline, no writing, only PLAYING", this school is not your choice.

ff7477

回復 50136255 的帖子

高手喎呢位家長,明贊暗踩,一句講哂食得咸魚抵得渴啦.

ff7477

50136255 發表於 12-1-8 00:23
我有兩個小朋友讀聖心, 大家可放心, 我無需要假扮家長, 因為無咁己既需要, 以下是我對聖心的意見. 在此分享 ...

高手喎呢位家長,明贊暗踩,一句講哂食得咸魚抵得渴啦.

babyislove

本討論區歡迎各位家長自由發表意見，但懇請大家保持冷靜、互相尊重的討論氣氛，請勿作出人身攻擊或侮辱性的言論。多謝大家合作!

版主 babyislove

50136255

回復 ff7477 的帖子

其實只是分享一下, 沒有高手或不高手的, 如你是要說我是高手的, 那是你想得太嚴重了.  至於你所說的 "食得咸魚抵得渴" , 我某程度是認同的, 所有我沒有幫小朋友轉校, 只想在這裡分享一下!! 謝謝回覆.

呠呠蕉

多謝提醒大家

sasa......

ff7477
學習接受不同意見吧!
否則你比聖心的老師及制度還要封閉~

我仔讀緊K2，
K1時坦白說問題不大，
K2寫字的確係深，著重機械式抄寫，欠缺創意活動。
部份老師有愛心，但學校作風守舊，不接納家長意見，
學校課程及行政欠透明度，連最基本的每月/主題評估都無。

老實說，有想過轉校，但自己小朋友係一向比較難適應，
亦唔想佢無哂D朋友仔，所以先唔轉校比佢讀到畢業，
但我仲有個細的，唔考慮聖心了。

50136255

回復 sasa...... 的帖子

絕對同意sasa的觀點!

HahaB

我大女讀緊K1, 坦白講, 我覺得佢讀得好開心喎, 以前N1時就成日唔肯返學, 而家轉左去聖心K1, 佢幾眼瞓都會主動起身返學! 證明佢好鐘意間學校!

我俾佢讀聖心, 某程度上係一種情意結, 因為我自己都係讀聖幼同聖小的, 我自己覺得, 聖心對我整個讀書生涯發揮好大作用, 亦幫我打左一個幾好既基礎。不過我當初見咁多負面批評, 都真係有點擔心, 始終我當年在聖心, 都已經係N年前嘛.....好多野都會變呢....

無可否認, 聖心的確係好傳統的學校, 但佢地已經比以前活動左好多, 多左好多野玩, 平日茶點時間, 又偶然會模擬去餐廳買野食, 新年又摸擬行花市等, 其實都幾有趣! 將生活融入教育, 雖然呢一點好多學校都有, 唔算咩稀奇事, 但至少聖心有做到! 唔係坊間所講, 一咪讀讀讀, 寫寫寫~

至於親子勞作, 老實講, 我見身邊朋友成日都要同小朋友一齊"交功課", 好辛苦, 而絕大部份功課都係家長做多過小朋友做.....佢地好多都話寧願自己閒時同小朋友玩, 都唔想咁刻板去為交功課而親子.....對我來說, 學校有無呢D親子活動或親子勞作其實唔緊要, 因為只要家長有心, 有時間, 時時刻刻都可以親子一番~

至於聖心多功課, 無錯, 的確係比出面學校多, 人地填緊顏色, 佢地就已寫緊生字, 人地學造句, 聖心已經係作緊一篇文...(我講小學), 在家長眼中, 係好辛苦, 無哂時間玩, 但我作為過來人, 在這種密集式的學習中成長,我又唔覺得係一回事, 可能因為身邊個個同學都一樣在拼搏, 整個學習環境都是如此, 我從來唔覺得自己讀書特別辛苦過人...(因為個個同學都一樣嘛)!

反而有一樣野, 我覺得要多謝聖心, 就係多得當年咁密集式的功課及測驗, 所以我真係自小已習慣「多野做」, 呢一樣野對我長大後出來打工好有幫助! 可能我比較變態, 我唔係要做死D仔女, 但我始終認為, 若小時候連這小小功課都無法應付, 長大後如何應付更繁重的工作量呢! (以上只是個人在聖心的一點經驗及感想, 不代表所有人心聲)

晴晴熙熙

我大女都係今年讀緊K1,佢鍾意返學,仲多過返興趣班.....細佬今年都會跟埋家姐一齊讀聖心

tiksze0328

同意haha bb既講法,我本人係聖幼 小 中 畢業 ,學校由少幫我打左一個幾好既基礎,
更同意你呢句"若小時候連這小小功課都無法應付, 長大後如何應付更繁重的工作量呢"
所以我俾囡囡返聖幼讀  而一開始我亦知道學校會有好多操作式既習作 亦知道囡囡既小肌肉發展ok可以處理咁多寫字  我先俾佢讀聖幼

我自己都係執教鞭的  近年深深感受到新一代既老師質素每況愈下  所以反而今年k2白兔組徐老師老師(較為成熟既)就好有真正老師既風範  好有愛心 好主動報告我囡囡既情況,希望k3囡囡仍然可以遇到一位好老師

大寶寶

我個女都係k2白兔組的, 聖心係同其他大路的幼稚園風格有些不同。但for讀書寫字ok的~! 沒有親子美勞, 唯有我平時自己同個女做下小手工。針無兩頭利啊~!

nacheungma

對! 針無兩頭利! 每間學校總有優點及缺點最重要是小朋友開心，小女今年升K3,坦白只要你見她每日都開開心心，K2的她能演譯新愚公移山的故事時，只會感到欣慰！ 坦白 !  聖幼之英文只是一般，故家長需要花時間加強小朋友英文及創意藝術之訓練。

dlee_ca

不錯啦，細佬都想入，希望得。