根德園貴唔貴? 多唔多雜費?

yumiee

我見學費二千多元, 對我來說好辛苦都比得到.

但不知會否有很多其他費用.如生日會,冷氣費,活動費,等等. 知唔知校車幾錢?

因我家收入只有萬多元. 怕就算收左個女, 都要退學.

請讀緊的家長指教指教.

同埋係咪D家長都係有錢人, 唔知會唔會比其他小朋友睇少呢?

cykk

咁你可以放心，除開學基本校服和書薄費外，可以話係零雜費。
校車約1K

Amymichelle

實而不華抵讀

Taloon

純個人意見，讀一間有學卷既幼稚園，將原本要讀根德可以慳出黎既錢，每逢週末帶佢去玩，咁樣對小朋友既發展會更好。

Taloon

愚見認為，讀邊間幼稚園分別唔會太大，最重要還是小朋友本身既資質同性格。

想當年 (就算係 70 年代)，大把人無讀幼稚園，到小學一樣可以 catch up。

反而哩段時間，還是親子關係較重要。樓主要考慮經濟因素，就必需要做取捨。與其要勉強地返根德，倒不如用哩d 錢係週末建立更好既親子關係，同擴闊小朋友既眼界，哩樣學校係做唔到的。

光陰一過，日後你想帶佢去玩佢都未必睬你。

cykk

我反而覺得唔同幼稚園係有分別，只是好的幼稚園並非一定要交學費，只是父母是否懂得選擇！我聽聞有小朋友從沒入讀幼稚園也可考入名小學。

chingcat

我覺得得萬多元收入。住需唔需要交租俾錢先，如果要你又無咗一筆。到佢讀K1你又可能想俾佢玩課外活動，咁又一筆。你要想清楚，如果有二萬收入我先會考慮讀。

LL222

相對冇學券D幼稚園, 根德園算係超平!

lingan

報左先，收先再諗啦。

Amymichelle

LL222

lingan 發表於 12-5-10 10:45
報左先，收先再諗啦。

乜未收咩？

Taloon

Let me put it in this way, KV is a good kindergarten, and school fee is very reasonable when compares to other famous KGs such as SC, KM.  

But it all depends on the family's affordability.  No need to push yourself into the dead corner just because of a famous KG.  You still have a long long way to go (Primary, Secondary, U...)  It's a long battle, save your bullets if they are limited.  

hosuper

除書薄和校服費，零雜費。學費$2477（x10期）已經好耐冇加過。你要預備萬一加學費會點呢？

我長於七十年代，真係冇遇過冇讀KG的朋友.而且我地讀邨校學費唔貴。 今時今日，競爭大，讀一間好又適合小朋友嘅KG係有信心嘅保証。但始終要量力而為，無謂為錢搞到家嘈屋閉，小孩子見到愁眉苦臉的父母也不會快樂。

yumiee

我也是七十年代, 教會幼稚園, 十元一個月! 我都好讀得書架!

不過而家年代唔同.

其實我無諗住佢讀要比錢的小學,好的免費小學有好多,但好像好的幼稚園多數要比錢無學劵.

yumiee

回復 LL222 的帖子

未收架.未報名架.

比唔起就唔好浪費報名費麻.

Taloon

回復 yumiee 的帖子



我仍然覺得讀有學卷的，然後多出黎既錢攞去親子遊或興趣班會更適合小朋友發展。

yumiee

咁邊間有學巻的學校好,請介紹?

lyhv

全家收入萬幾?  萬頭同萬尾可以差好多, 而且小朋友咁細返左學之後少不免要成日睇醫生, 每次又3百, 如果你家收入只要剛過1萬會好吃力!  其實我覺得沒有最好的幼稚園, 只有更好的幼稚園, 但更好的幼稚園, 都不及小朋友擁有一個好爸爸及好媽媽!  其實有好多好的學劵幼稚園, 例如創價同救世軍, 你可以參考政府對佢地所發出嘅視學報告!  不要太介懷自己俾到幾多小朋友, 如果你係真心錫自己小朋友而又唔係縱嘅話, 佢地會知, 學習上亦會懂得自己發奮!