注意！！！一條龍和直屬的分別

onepiece

好多人（包括本人當初）覺得"一條龍"和"直屬"差不多，只是收晒和差不多收哂的分別，但在另一題目上傾開，才發現兩者原來有頗大分別，大家必須留意！

中學政府派位辨法
要清楚兩者分別，首先要知道中學政府派位辨法。中學派位分兩輪，第一輪是"自行分配"，可以揀兩間學校，中學會根據校內成績、profile等決定是否給予面試機會（很少中學無需面試，單靠成績）。而第二輪是"統一派位"，就似小學的大抽獎，不過按早前"呈分試"成績加上banding, 即band one生都有random number, band two又有自己一條隊。

"直屬"小學
跟隨一般升中報考程序，但在"統一派位"部分，"直屬"中學會預留不多於85%學位給其直屬小學。

"一條龍"小學
未必有"呈分試"，小學會事先出offer letter確定學生是否升讀其一條龍中學，如果接受就不能參加政府派位（不過可以考其他直資和私校）。如果放棄的話，就可參加政府派位，但如果學校沒有"呈分試", 學生就無法被分band, 於是只能參加第一輪"自行分配"部分。

所以決定入讀一條龍小學時就需要確定自己想不想入讀其一條龍中學, 問清楚學校有無"呈分試", 可否/如何轉至其他中學，以免他日後悔.


至於學校是"一條龍"定"直屬"，可參看以下網址：
官津：
http://www.edb.gov.hk/index.aspx?nodeID=631&langno=2
私小及直資（需按小學名搜尋）：
http://www.chsc.hk/psp2012/psp_sch_list.php?lang_id=2&frmMode=search


家長提供資料（只供參考）:
有"呈分試"一條龍小學 如下:
福小、港同
無"呈分試"一條龍小學 如下:
陸慶濤、真道

如大家知道那些一條龍小學有"呈分試",那些無, 請提供 ,我會嘗試列出.
歡迎補充或更正，祝各位的孩子能考進心怡學校.

Charlotte_mom

一條龍吾代表無呈分試，好多少條龍都有呈分，你誤解了。不過提醒家長了解清楚都係好的

momama

好多直屬唔轉一條龍，就係留有空間去保持水準。亦有一條龍會“擊退“一d水平或德行太差嘅學生。好多學校都係要提升，總之冇免費午餐。

flopsybunnies

噢，原來也有這樣的分別, 謝謝提醒!

點算好

我覺得最大分別是, 直屬是中學要預留小於85%給小學, 但如果中學位是小於小學人數. 例如60 : 100, 換言之最多只能有48/100人能入直屬中學. 這是中種變數, 當然還有扣除重讀生及自行分配學位數目.

onepiece

原帖由 Charlotte_mom 於 12-10-15 發表
一條龍吾代表無呈分試，好多少條龍都有呈分，你誤解了。不過提醒家長了解清楚都係好的



  ...

多謝版主指教，部分字眼已修正.

kls12

原帖由 onepiece 於 12-10-15 發表
本帖最後由 onepiece 於 12-10-15 22:33 編輯

好多人（包括本人當初）覺得＂一條龍＂和＂直屬＂差不多， ...

我覺得先要分清楚津校、和直資先

津校才會有「一條龍」和「直屬」，當然津校是必須考呈分試。而一條龍是保證一定可升讀該中學，直屬是較大機會，但自主權是在學生或家長的一方，是可選擇不上該中學。

直資學校是可自行收生，可全數升讀該中學，也可以有一部份不能，在這裡也聽過不少的例子吧！當然，若可直升中學是一個很大的賣點，有些人說成是「一條龍」是可以理解，但和津校的「一條龍」是有分別。再者，有些直資是不呈分的，讀這些學校升中選擇當然比較少吧！

點算好

津校才會有「一條龍」? 英華同港同呢類呢?

talknwrite

直資和津貼也可有一條龍, 按教育局規定, 叫得"一條龍"中小, 中學"必須"100%收回一條龍小學的學生.

但要留意, 正常但有呈分的一條龍小學, 學生是需要預早決定是否放棄一條龍中學的學位. 不能一腳踏兩船的.

onepiece

原帖由 talknwrite 於 12-10-15 發表
直資和津貼也可有一條龍, 按教育局規定, 叫得"一條龍"中小, 中學"必須"100%收回一條龍小學的學生.

但要留 ...

那麼，＂直屬＂學生就相對着數，因為學生本身就是依據一般的＂自行分配＂及＂統一派位＂，"直屬＂的優勢（85%學位預留），本身就設於＂統一派位＂之中.
但＂一條龍＂就先要放棄其中學，而放棄後就和沒有一條龍沒有區別，有可能會派進比原先一條龍中學更不理想的中學. 這個理解正確嗎？

Charlotte_mom

以我所知：一條龍又呈分：港同。一條龍而吾呈分：陸慶濤、真道。補充：津校一條龍係規定100%收晒小六生，同時預留部分學位俾外來生（好似係中一既20%），如果學校想汰弱留強，就會早在小學做手腳，即所謂傳說中「讀吾上就勸退」。而直資既一條龍，就「理論上」可以直升，但中學部可以自行訂立收生標準，好多會係中英數操行合格，但有無學校訂得門檻好高，我又吾清楚了

Charlotte_mom

原帖由 onepiece 於 12-10-15 發表
那麼，＂直屬＂學生就相對着數，因為學生本身就是依據一般的＂自行分配＂及＂統一派位＂，"直屬＂的優勢（8 ...

又吾可以咁講。如果本身有聯繫／直屬／一條龍吾揀，而去考第二間，都係家長選擇姐,放棄對自己有利既選擇，一定係吾著數架wor。譬如軒官聯繫皇仁，家長吾揀，係鐘意羅氏，咁羅氏一條龍小學係陸慶濤，今次一定係陸慶濤學生著數架wor！所以小學咁多家長攪轉校，好多時都係舖路喇

onepiece

另外關於＂需要預早決定是否放棄一條龍中學＂，是不是只適用於津校一條龍而非直資一條龍呢?
因為直資中學本身就有自主權收什麼學生（即有些人說的人造一條龍），所以直資一條龍學生理論上無須放棄一條龍中學，也可參加一般的"自行分配＂和＂統一派位＂（當然學校需要有＂呈分試＂）. 對嗎?

marcuscyrus

我懷疑就算冇呈分都有機會可以參加中一自行，因為中學都是靠學生所交的資料去決定是否給予面試機會，雖然有些學校都會考慮呈分次第，但我相信也有學校會考慮到考生就讀的小學程度，學生在該校的排位，或者特別技能再作考慮，這也不等於你放棄原屬中學吧?而且，一般都是認為你另外投考的中學比本身結龍的中學較好才會去考吧?

momama

只可以講，入咗一條龍唔等如輕鬆，冇聯系中學亦唔係大問題，因為大學全部獨立

babybear

原帖由 marcuscyrus 於 12-10-16 發表
我懷疑就算冇呈分都有機會可以參加中一自行，因為中學都是靠學生所交的資料去決定是否給予面試機會，雖然有 ...

以我理解，學校冇呈分，該校學生就冇得參加統一升中派位，只可靠自己去考其他直資/私校(如有錯誤，請更正！)

如果該校冇呈分而該校學生仍可參加統一升中派位的話，就算該生校內成績彪炳，相信也出會排在隊尾，待所有有呈分嘅學校所有組別嘅學生派晒位，才輪到該生！

因為該校冇呈分，教署根本唔知該校嘅水準去到咩程度！

Charlotte_mom

原帖由 onepiece 於 12-10-16 發表
另外關於＂需要預早決定是否放棄一條龍中學＂，是不是只適用於津校一條龍而非直資一條龍呢?
因為直資中學本 ...

吾可以，直資一條龍好早會confirm左自己學生，統計人數然後再招生（我女係小六既十月）。同小一一樣，如果學生接受直資offer就吾可以玩政府派位，不過可以考其他直資

Charlotte_mom

原帖由 babybear 於 12-10-16 發表
本帖最後由 babybear 於 12-10-16 07:30 編輯

首先要知道中學政府派位玩法。第一輪係可以揀兩間學校，中學態成績profile等決定俾吾俾面試機會（很少吾駛面試齋睇成績）。如果無得in,明顯衰左啦，如果有得in,亦吾會知結果住。咁無呈分既學生都可以用校內成績玩呢round（任何學生都吾可以註冊直資學校再玩政府派位）。而第二輪就似大抽獎，不過加埋banding, 即band one生都有random number, band two又有自己一條隊。但由於無呈分既學生無banding,所以吾會玩到第二輪。而所有參加政府派位既學生，一律要等到暑期頭（7月）至知派位結果。所以有d家長吾想擔驚受怕到7
月，就寧願一早去考直資，confirm左就心安

Charlotte_mom

寫例子可能大家易明D:
同學A: 直資一條龍, 有條件下可直升
同學b: 津校一條龍, 包升中學
同學c: 官小, 有聯繫中學
同學d: 津小, 有直屬/聯繫中學

大家同時升中, 同學a一早已經心裡有數知道自己中學包收(成績唔得都唔會突然至知吧! 再講, 衰到連自己學校都唔收, 係咪自己都有責任呢), 小5,6呈分試一樣要考, 不過無壓力就係了(呈分試係校內試)
如果家長唔打算直升, 想考出面學校, 當然呈分試就要考好d啦, 如果無呈分, 又唔想要自己間中學, 當然更早要安排了, 例如轉校, 又或者操得好fit, 準備以校內成績/課外活動食糊, 而家長要有準備放棄自己直資中學位, 最後派位/考其他又衰左, 未必有得返轉頭的
同學b, 同a一樣啦, 不過津校一條龍, 中學派位點填, 我都唔肯定, 等其他家長補充好了
以上同學a, b, 本來坐定粒六有中學等住收, 可以完全無壓力地升中, 不過, 如果家長決定揀第2間中學, 成個結果就唔一樣啦, 因為你揀既中學, 可能有自己既直屬/聯繫/龍小, 當人地已經take up左一部分學位, 你就要同全港競爭 (例如, 我想入庇理羅士, 人地讀軒官(聯繫小學), 女仔頭30都穩入, 外人就真係要top 3至有份, 呢d數, 家長係要一早計定的)

for同學c,d, 由於無一條龍中學, 佢地係真係要認真考好呈分試, 至可以爭取入聯繫/直屬中學(直屬既學位會多過聯繫), 同上面一樣: 1. 可以同時考直資但一註冊就放棄政府派位 2. 本來直屬/聯繫學校已經留左位俾小學, 就好似上面講, 軒官考頭30都穩入bps, 你唔要, 係要揀st mary的話, 餐屎係好低的, 因為本身st mary已經留左好大%位俾自己小學, 而剩返果dd, 要全港最top既學生爭, 係唔容易的
大既情況係咁, 唔明再問