deleted

vivianho35

deleted

emilykyho

no worry so much. better to see a specialist in pediatric, they can give you some suggesiton

vivianho35

Thanks Emilykyho! 打去健康院排定點好呢?

Catonmama

回覆 vivianho35 的帖子

我仔仔(兩歲半)同你女女都有D似, 又係唔會同小朋友玩, 返學唔係好肯講野, O係屋企就好多野講, 不過返學老師叫佢做的都肯做, 又係好好記性, 我地講過一兩次的就已經記得。仲有我仔又係超慢熱, 要好長時間先可以同人BUILD UP到關係。我仔O係歲半時因為唔識講野, 又情緒差, 怕去陌生地方, 去左大口環做評估, 當時醫生話太細, 只可以話有自閉的特徵 (因為佢認知高過同齡, 但係言語當時係差唔多冇單字, 所以係DELAY得好嚴重, 仲有就係社交差), 呢一年阿仔O係言語進步左好多, 已經追返同齡, 不過社交仍然差, 冇安全感, 未去過去地方/未聽過的聲音會驚...依家阿仔有上社交班, 亦有上D小組, 只可以希望慢慢大個會好D~

vivianho35

Catonmama, 你仔仔係邊到上社交班? 我都成日講希望佢大個會好d, 但似乎好似未有進步, 小朋友掂佢, 佢係會縮開的.

chowqv

vivianho35 發表於 14-2-24 09:50
我睇呢個版面都有一段時間, 其實一路都覺得我囡係社交方面係有問題的. (眼神各樣ok)
我囡而家29個月大, 佢 ...

阿妹既狀況，同我阿仔好似。又係細細個好老積。
可能係感統問題，特別係唔掂得。
要去cac評估的話，最快係睇家庭醫生，出轉介信去排。第一次見姑娘應該好快，跟住佢地會俾一封表你拎去學校，要老師填。至於見醫生，就要視乎小朋友既情況。
當年阿仔排左半年就見到醫生。不過排服務，真係等足一年，今年k3先至有E位。

vivianho35

chowqv, 我聽好多i位, s位, e位, 但想問下e位即是? 我想做ftm去take care佢, 唔知有冇幫助

Littleman_hk

回覆 vivianho35 的帖子

i位係兼收位, 即普通主流幼稚園, 但有一定比例的學位留俾特殊需要的小朋友, 而學校內亦會有比較專業的老師去教呢D小朋友

e位係早期教育訓練中心, 主要俾未排到S位的小朋友去做住訓練先, 不過我個社工話, 由於太多人排, 宜家排E位條龍, 眾長過S位

s位係特殊幼兒中心, 主要係俾四類小朋友, 包括(中度或嚴重弱能, 中度或嚴重肢體傷殘, 失聰或嚴重聽覺受損, 失明或嚴重聽覺受損), 但同時會為自閉症徵狀兒童提供特別服務



如果你真係擔心小朋友, 可以去做評估, 我就政府同私人都有做, 個人感覺私人果個真係專業好多. 政府果個就好求其, 不過都可以理解, 私人果個收你幾千銀, 可以用幾個鐘慢慢做慢慢解釋, 政府一日做咁多case, 趕時間都好正常

emilykyho

唔好客氣, 健康院排CAC最少半年, 如果真係擔心就搵醫生啦,

Vichang

原帖由 vivianho35 於 14-02-24 發表
我睇呢個版面都有一段時間, 其實一路都覺得我囡係社交方面係有問題的. (眼神各樣ok)
我囡而家29個月大, 佢 ...

不是自閉啊，我覺得有點似資優。另外，佢唔肯社交，會唔會係焦慮症呢？因為我朋友個朋友個女係有焦慮，喺屋企好正常。

asap2122

不要太擔心，小朋友六歲之前，都不能判定是否自閉症，是精神科醫生的意見，我囝情況跟你囡囡有點相似，他已入讀主流小學，如果有時間，帶她接觸多一些小朋友，最好和比她年齡小一點的小朋友，因為同齡小朋友，一眼就看出面前的小朋友和自己不一樣，然後加以排擠，出現這狀況會令到你囡囡對交朋友有挫折感，希望幫到你。

zhfl729

似系感统闭问题。如果经济允许就去见下儿科医生。一就去健康院约期见姑娘。不需太担心 妈咪！！

Jolly

唔駛對號入坐，搵個child psycho / psychi睇下。咁講暫時只睇到佢唔合群，同資優特質。佢獨女嗎？同大人玩有冇要走開？叫佢畫自己出來，同叫佢講下覺得自己係點嘅？佢講野叻，你應該聽到多點佢對自己觀感係點。

Jolly

唔駛對號入坐，搵個child psycho / psychi睇下。咁講暫時只睇到佢唔合群，同資優特質。佢獨女嗎？同大人玩有冇要走開？叫佢畫自己出來，同叫佢講下覺得自己係點嘅？佢講野叻，你應該聽到多點佢對自己觀感係點。

vivianho35

多謝你地呀! 我都唔知同邊個傾好. 其實作為媽媽, 我只想佢健康開心, 係唔係資優唔重要. 其實我自己都覺得佢唔係自閉, 因為佢好多野都ok, 同大人玩, 冇問題, 但要warm up一段時間先.
如果熟果d, 佢一黎就可以同人玩, 食飯仲肯叫人, 但唯獨同朋輩建立唔到關係, 我諗起佢係學校3個鐘都唔講野, 見住所有野都勁觀察, 返到屋企就係咁同我講返晒今日學校發生咩事, 自已一個人玩, 我覺得好唔開心, 我企係我囡o既角度睇, 好似好無助咁.

我覺得佢係有社交問題, 上次去協康,佢就話唔洗follow. 係咪真係同佢出多d去同小朋友玩會好d?

我同老公d 朋友個個都冇小朋友, 而家有一個6個月o既bb, 我地已成日見面, 我囡都會走去摸下佢隻腳仔. 同小朋友玩o既機會可以話係0, 你地有冇係ftm自己take care小朋友架?

Jolly

我全職湊兩隻摩怪一隻狗。
認識朋友，交際都係social skills. 係skils就可以train可以learn. 你就去provide chance. 去聚會，去公園吹波波引小朋友來同佢一起追，去沙灘玩沙同人一齊叠堡壘，乜都試下囉。

vivianho35

係wor, 我係公園吹波波引人黎都好wor, 因為次次都係人地吹, 佢都會睇下, 有時捉下, 但就唔會追.....

係呀, Jolly, 佢成日都drawing架, 佢有時會畫自己, 真係畫到成個圓形, 有eyes, nose, month, 佢仲話自己係長頭髮, 都幾靚女呀

debc

你住邊區？區內多唔多小朋友？

Catonmama

回覆 vivianho35 的帖子

vivianho, 我仔O係心僑到上, 你可以上網SEARCH下資料~ 不過新一期過左報名了, 應該到5月先會可以報下一期。

chowqv

vivianho35 發表於 14-2-24 15:02
chowqv, 我聽好多i位, s位, e位, 但想問下e位即是? 我想做ftm去take care佢, 唔知有冇幫助 ...

S位係特殊學校
I位係兼收位，即係主流學校之餘，有職業治療師，物理治療師去學校做訓練，不過一間學校既位唔多。
E位，係小朋友可以一邊讀主流，一邊去中心上堂。至於要上咩堂，幾多堂就視乎小朋友需要而定。

刻下唔係諗咩位，係盡快去確定，小朋友邊到出問題。
可以做ftm，對有無問題既小朋友照顧都係一件好事。但經濟上，你ok嘛？
就算用到政府既位，好多事，真係濕濕碎碎既錢，都係一條數。

不過最重要，你自己調節下心情，唔好太過傷感。有事無事，佢地都係我地既寶貝，都係要我地費心神錢去養，去教育。