二年級想學中文輸入法(eg：倉頡)有無好介紹呢？

alicetong

    小兒想學中文輸入法,請問其它媽咪會自己教定出外學呢？
有無好介紹呀？小二學會過早嗎？多謝分享。 :wink:    

武航

市面上有一隻"快快樂樂學倉頡"的軟件, 你可以試下

小米雪

alicetong:
入去呢個網址試下,有三種中文輸入法可供選擇.(速成,倉頡及
九方)
click here

tlwtlw888

早前曾經有報章報導如果小孩子過早學習倉頡輸入法，或會混淆中文寫字筆順，但小學階段學電腦與輸入法似乎是無可避免的了，唯有在筆順方面為小朋友多加訓練吧！

carltonmama

dear 小米雪

the web-site is very useful. i've just learn倉頡輸入法 for 1/2 hour and then try its games, now i finish level 3 within limited time.  I think its also a very interesting and effective way for those moms who don't know 倉頡 to learn. (just like me)

thank you for your sharing!

Like to share another web-site with you.


http://talent.ied.edu.hk/teachingresource/lomy/class.htm


carltonmama

hhma

tlwtlw888
我之前唔教我仔學中文輸入法就係驚"會混淆中文寫字筆順" 或唔識部首.  如果聽你甘講"小學階段學電腦與輸入法似乎是無可避免的了", 我唸我要快D教佢先得啦, TKS

小米雪
tks a lot

Mabelyum

我本人學中文輸入,阿sir話千萬唔好俾小學生學,因為好難
explain 部首,中默實唔掂.

tlwtlw888

hhma

我話"小學階段學電腦與輸入法似乎是無可避免的了"是因為很多小學都有電腦課，有些的確會教他們倉頡輸入法，我囝囝現在讀K3，學校已經教他們基本電腦操作了，我都擔心上小學後便要學倉頡，但個仔又唔太鍾意寫字，我現在都有些擔心呀！如果妳學校未開始教，我覺得妳小朋友無須太快學啦。

kanris

我都唔贊成小朋友太早學倉頡.....

因為倉頡的拆字方法好有問題, 我的中文老師話倉頡係「用較剪剪開d字」而唔係「按人手寫字的習慣」去拆, 例如「目」字分做「月」同「山」兩碼, 如果小朋友學完以為d字係咁寫, 就弊傢伙lu...... :cry:

hhma

tlwtlw888
暫時我仔小二都未要打中文既.
但係我識幾個小朋友都識打中文.
我就係唔知教唔教佢好...

kanris & Mabelyum
甘點好呀?  教唔教佢打中文好呀?

kanris

hhma, 如果俾著係我, 我真係會唔教佢打中文住....

一來佢未有必要用中文輸入法;
二來真係怕學壞手勢! (寧可信其有!)

Zoey

hhma,

既然學校都未教, 唔駛咁心急教左先啦           !

hhma

Zoey
一於係甘話啦!!!   

Zoey 寫道:
hhma,

既然學校都未教, 唔駛咁心急教左先啦           !

alicetong

  其實諗番我地家長以前都無電腦課,打中文字都係邊做工邊學,可能係望子成龍心態,怕被人地比下去？其實佢地咁細個又可以真正吸收得幾多,明白幾多呢？可能連部首都未識分？..   

gongonma

九方是大部小學生用的輸入法。 gongon 小一已學，且跟字形及筆順的，故不怕影響寫字了！ 我之前只用手寫板，現是用九方打。我仔仔教我的。但相比下九方最慢......

tlwtlw888

用九方似乎是可以免除字形及筆順的混亂，但就真係是最慢的輸入法。倉頡之所以流行隨了因為快(每個字五碼內一定打出)，還有是與MS Chinese Word掛了鉤，廣為一般商業機構採用，而九方必須另外加裝軟件才行。有朋友試過見工面試時對老闆說他用九方和廣東拼音打中文都非常快，唯獨是不懂倉頡，老闆說他公司只用倉頡，結果當然見工唔成啦。

另外，我個人覺得已學識一種輸入法後便較難再學習另一種了。試想如果現在的鍵盤A-Z大兜亂（其實早前已有專家指出鍵盤現在的A-Z排列其實不是最快，已經重新編排過，不過沒受歡迎），我諗我都唔會再用鍵盤，可能改用手寫板了。

我覺得這個才是小學階段學與不學輸入法（倉頡）的問題。

Eva

tlwtlw888

我個女讀緊二年級, 最近同佢一起做PROJECT, 佢見我打中文"好快"(因為佢未見個其它人打中文!),所以好想愛.

本來無想過俾佢咁早學,但見佢依家咁有興趣,又唔想浪費時機, 所以想俾佢學.

我反而唔係太抇心會學壞筆畫,因為始終手寫多過打字, 可以解釋給她知道它們的分別便可以. 我反而怕倉頡太難,嚇怕她,所以我剛買了套二手的九方輸入法, 希望會容易D.

但是現在你們提起手寫板.... 真是棒極了! 一於叫佢用住手寫板先. 叫佢抄書,佢實呀呀聲, 依家叫佢寫在板上,有新鮮感,佢一定會爭住寫呢! 順便當練習寫字.... 真好!!

tlwtlw888

Eva,

對了！給妳提醒了！用手寫板不單可避免混淆中文字筆順，反過來卻可以給小朋友多練習筆順，同時又可以滿足用電腦打中文的慾望，真是一舉數得呀！不過用手寫板寫中文時速度要很快呢，寫慢點兒都會被錯認作其他字，不知這方面會不會令小朋友氣餒？又不知小學的電腦室流不流行安裝手寫板？

Eva

tlwtlw888

我都係俾樓上D媽咪提醒咋!

我自己其實不太喜歡手寫板,因為我D字很草,加上有很多字唔記得點寫,寫錯小小都出唔到.所以只用了幾次便放棄用了. 簡易和英漢輸入法最岩我用,因為有字揀,可以撞下

如果手寫板要輸入快才用到,係咪仲好D呢?! 因為可以順便訓練個女寫快D. 挽下手默書成績都有進步

唔理學校方面了,如果她們需要學生在校內用的話,應該會給家長一些指引的. 沒有的話,就當她們不會用好了!

不過剛才CLICK左樓上媽咪介紹的中文輸入法網址俾個女試下玩,點知佢勁喜歡玩, 我俾佢睇埋依度D留言,叫佢自己要分得開至好. 佢話得WOR.

不過我會裝個手寫板俾佢用下,邊樣快就用邊樣,但求不用我插手她的功課,唔駛幫她打PROJECT就OKAY了! 今次第一次幫佢打PROJECT,感覺極之不好,好像在做槍手咁, 而亞女又好似無乜野做咁 :-| 一定不可易再幫她了,否則她會變得依賴就慘了!!

tlwtlw888

Eva,

既然令小朋友明白了各種輸入法的利弊，那就由得他們喜歡用邊樣就邊樣，自由發展好了。你囡囡好犀利喎，二年級就能看懂BK的留言了，是否平時自己會主動看很多課外書的？