最近見到兩件事

stockmike

1) 一個大約六到七歲女仔係書局攬住本書喊住要買，媽媽拉住個女走並大聲地同女講話要買字典，個女即答我唔要買字典因小朋友大聲喊，媽媽一臉尷尬。
2) 一個爸爸在 lift 內用重語氣鬧他大約八歲仔仔，你唔好 hea hea 吓游水，你知唔知學費幾貴？(應該由入 lift 前鬧到入 lift 後，因一早聽到鬧罵聲)
我不是話他們不對，因我不清楚他們的背後因由，但兩件事都令小弟有少少感概，我不能控制自己想父母不應這樣處理小朋友的問題。

MASAYA

功利主義, 唔係新鮮事

Jane1983

好難睇一個snapshot的，可能有很多前因後果。

babywoman

買乜書先？我仔話要買植物大戰僵屍漫畫書，我亦唔買了。因試過買，回家睇十分鐘就睇完。可能個阿媽的經濟只可買本字典呢。

做乜都要認真，游水，即使唔係為獎牌，都唔可hea學架，否則，學識游後，自己去泳池玩下好過。
學埋呢兩個月，我都唔俾我仔學了。佢話識左，以後自已去泳池游。由佢，我唔逼我仔學嘢

hoihoima

stockmike 發表於 15-11-14 18:15
1) 一個大約六到七歲女仔係書局攬住本書喊住要買，媽媽拉住個女走並大聲地同女講話要買字典，個女即答我唔 ...

沒有知道前因，無法作出批判

bbforever

babywoman 發表於 15-11-15 09:45
買乜書先？我仔話要買植物大戰僵屍漫畫書，我亦唔買了。因試過買，回家睇十分鐘就睇完。可能個阿媽的經濟只 ...

我都係咁諗
我仔玩開運動(專項)嗰度，有位爸爸每次都因仔仔打輸就大鬧一餐，但這只是每次上堂訓練的比試罷了，堂堂都咁鬧法，個大人唔覺得什麼一回事但個細路都愈來愈覺無面啦…

Soundervolt

原帖由 bbforever 於 15-11-15 發表
我都係咁諗
我仔玩開運動(專項)嗰度，有位爸爸每次都因仔仔打輸就大鬧一餐，但這只是每次上堂訓 ...

我認識有位爸爸喺佢囝仔課外活動時都係成日"鬧!鬧!閙!"，鬧到旁人側目。我地家長之間講笑話咁鬧法，將來可能又會有另一單殺父案。

stockmike

我夏天成日游水，十個有九個教游水的爸爸是鬧到狗血淋頭，好多喊住游。細路一驚水就游唔到，我心諗你貢教想學識都難，學識大個都唔同你再游。

Jane1983

識勁鬧，甚至動手的家長，個女仔可能係受到果套，係打鬧中有進步，亦好乖巧。我吾知佢打鬧果套可以行到幾歲……

annie40

最近亦遇到感概事。

有天搭電梯，按OD掣讓其他人進入，其中一位女士的位置貼近按鈕處，擋住我的手，自己不得不鬆手時，此時電梯門關上，剛擋踫了她正在進電梯的朋友，這位女士回頭向我怒目，以為我正按上關門掣。自己馬上解釋我正在幫大家開門，電梯內乘客亦同意，女士沒表示甚麼。兩位媽媽是往藝林，想是幫孩子買文具畫具吧。

希望她們對自己孩子的溫柔，也願意經常分給陌生人吧！

世上是太多不必要的誤會了。

shadeslayer

鬧鬧鬧，常見。久不久看女兒打籃球比賽。有幾個學校教練鬧學生鬧得很兇。鬧到頭Dup Dup，有D學生會駁咀，有時更鬧一些打緊波的孩子無可能有用的東西。例如，咁都防唔住，攪錯⋯⋯唔點會幫助表現。

印象深刻有一場波，有一隊波明顯高兩班，另一隊的教練鬧到拆天。又話唔夠硬淨，又鬧比人過，守唔住。我心諗，人地高兩班，欣賞下自己的努力，同欣賞下人地的技術才正面，一味鬧，輸波輸埋鬥志同信心。

bbforever

shadeslayer 發表於 15-11-15 15:57
鬧鬧鬧，常見。久不久看女兒打籃球比賽。有幾個學校教練鬧學生鬧得很兇。鬧到頭Dup Dup，有D學生會駁咀，有 ...

如果我仔同d高佢兩班的比賽，我會同仔講輸少當贏

shadeslayer

原帖由 bbforever 於 15-11-15 發表
如果我仔同d高佢兩班的比賽，我會同仔講輸少當贏

唔係話唔使盡力，但係人地高兩班，仲鬧埋D咩咁都比人過左，係有害無益。

嗌到拆天，但指使隊員做一些事，還有點用。

shadeslayer

原帖由 shadeslayer 於 15-11-15 發表
唔係話唔使盡力，但係人地高兩班，仲鬧埋D咩咁都比人過左，係有害無益。

嗌到拆天，但指使隊員做一些事， ...

我心諗，如果我係學生，我想講，阿sir，你落來試下防守呀？！

MrBeast

1)一個媽在library 激動地教孩子認字，大聲到librarian 出面，之後阿媽話以後唔再帶來library.
2)合唱團外阿爸接孩子後嚴勵地叫孩子點點點做好d，孩子急步跟隨阿爸，樣子十分無奈。

stockmike

其實父母情緒影響年幼仔女行為更甚於學校及他們的朋友。我成日自認是一個 EQ 高的人，但望番轉頭，自己也有向仔女作出不合理的罵鬧行為，只能安慰自己不算多。

frederickw

先唔講鬧唔鬧.

我覺得勸八歲小孩唔好 hea hea 吓游水個原因, 唔應該係講學費定唔貴.
而應該講學習態度.

Jane1983

小朋友有時有d事，講好多好多次，都吾改，可能個爸爸講到詞窮，又可能真係心痛d學費。

見到有些小朋友，500元一堂，堂堂遲10分鐘好似無事咁...

little_yolky

bbforever 發表於 15-11-15 16:06
如果我仔同d高佢兩班的比賽，我會同仔講輸少當贏

前兩個禮拜, 阿女比賽初賽時, 同場有位參賽者真係超佢好多班, 人哋除咗唱腔, 眼神、造手、身段，甚至連個頭都有感情。阿女原先無晒心機, 我就叫佢盯著人家看, 一邊講解人哋有什麼地方好, 可以學習, 一邊同佢分析佢自己有乜優點, 要保持。到佢出場時她都無甩漏, 最後入到決賽。雖然決賽未到, 但結果可想而知, 不過同場有強勁對手, 都係一個好好既學習經驗。

stephanie714

hoihoima 發表於 15-11-15 10:17
沒有知道前因，無法作出批判

沒有知道前因，無法作出批判x2