蒙特梭利幼稚園升小問題

孟母3000

小兒有兩間蒙特梭利幼稚園offer
但因經濟能力問題，小學target 考新派直資（活動教學）
想問新派直資會否收蒙記學生？定係覺得蒙記學生唔夾學校，多數唔收？
是否蒙記多數只會升讀IS?
感謝。

brother4

蒙特xx幼兒園好難入，當時孩子出世要報名，還要介紹人等。。最後後備第一。。。直資見同事報十間八間每年五千人爭一間約100小學位，何苦咁辛苦又要揰期，又要有精神冇病，當年見有人冇錢派咗喇X，St mxxy等。。

孟母3000

brother4 發表於 17-3-17 19:59
蒙特xx幼兒園好難入，當時孩子出世要報名，還要介紹人等。。最後後備第一。。。直資見同事報十間八間每年五 ...

真正montessori kinder只有幾間私幼，唔洗出世就排。我覺得唔難入，可能我仔本身就上開montessori pg同我係montessori fans，係屋企都實行蒙教。
要出世排隊果間你應講緊救世軍，但佢唔係正宗montessori，佢地小朋友升local school應無問題, 因為教學方式同普通幼稚園唔大分別。

brother4

好專業，估不是普通的家長，各施各法，條條大路出羅馬，看家長選取，如不選蒙特xx幼兒園 也不保証入到心儀直資，看上天安排吧!

zitaeric

孟母3000 發表於 17-3-17 18:46
小兒有兩間蒙特梭利幼稚園offer
但因經濟能力問題，小學target 考新派直資（活動教學）
想問新派直資會否收 ...

我小朋友歲半開始上蒙，到升小時就要考慮未來，佢大部份同學係会上IS, 只有好少像我們本地小朋友仍会考本地小學，考小學不是很難，我相信蒙特俊利小朋友是很受學校歡迎。

lui

孟母3000 發表於 17-3-17 18:46
小兒有兩間蒙特梭利幼稚園offer
但因經濟能力問題，小學target 考新派直資（活動教學）
想問新派直資會否收 ...

千祈不要以為考小學不太難，到時後悔也來不及了。
考本地小學，考聽指令、考學術（中英數）考中英對答、講故事。你準備好冇話邊間幼稚園不受歡迎。

Btw 好多人話m的小朋友因自少自學、老師不bother,所以不太聽指全令，這個在考小要留意

孟母3000

zitaeric 發表於 17-3-18 09:06
我小朋友歲半開始上蒙，到升小時就要考慮未來，佢大部份同學係会上IS, 只有好少像我們本地小朋友仍会考本 ...

可否分享多點？如不方便可以pm！你讀邊間蒙校？

孟母3000

lui 發表於 17-3-18 09:26
本帖最後由 lui 於 17-3-18 09:27 編輯

千祈不要以為考小學不太難，到時後悔也來不及了。

學術能力、自學能力我不太懷疑，因為蒙記小朋友數學concept很好。只怕中文不夠好。

只是聽指令真係要留意，感謝分享。

heisonmama

我本人都欣賞蒙特梭利的教學法，數感教得好而且鼓勵小朋友探索及建立良好習慣，相信你比小朋友讀蒙特梭利幼稚園都是認同佢理念。我覺得活動教學背後理念都是從體驗中學習，呢點兩者是冇衝突的。除學術外，其實好多直資的1st interview 都是用小組遊戲做熱身，主要睇小朋友對人態度，基本禮儀，合作性，分享等，其後就睇父母平時教法和認唔認同學校理念。所以，讀邊類型幼稚園我覺得關係唔大。

孟母3000

heisonmama 發表於 17-3-18 20:44
我本人都欣賞蒙特梭利的教學法，數感教得好而且鼓勵小朋友探索及建立良好習慣，相信你比小朋友讀蒙特梭利幼 ...

謝謝，因為實在太struggle，我喜歡蒙特梭利，小兒在蒙記pg獲益良多，但現實就係無錢無選擇。

而且考直資又係一大挑戰，小兒慢熱，不會在短短幾分鐘就show到自己既潛能。而蒙記更可能令小孩更有主見（因自主學習），唔多聽老師指令。

zitaeric

孟母，
係 西營盤Casa de Bambini

孟母3000

zitaeric 發表於 17-3-19 16:39
孟母，
係 西營盤Casa de Bambini

CDB好似只有英文教學，上直資中文無問題嗎？
你小朋友面試會唔會唔聽老師支笛？返小學會唔會自己突然行開去廁所/ 做其他野？會唔會話唔適應，想返蒙校？

MaryBrown

本地嘅幼稚园是赢在起跑线上、蒙特利尔方法不着重赢在起跑线。 根本上唔应该接本地小学。

zitaeric

錯啦，吾係讀边種幼稚園就接边種小學，好多本地小學個小朋友都滿口英語，英文好過中文。好多國際学校、中文－樣好好。蒙特梭利小朋友不談學術，情緒智商、主動學習、自理能力當相當出色，這些都係為未來學習有－個好種子。當然未必係－兩间所謂神校杯茶，但神校不是看孩子而大部份是看家長職業同家底。吾－定讀直資，好多本地小學都相當出色，但考小學應該睇埋中學，有冇－條龍，有冇直升，终歸現實，要搜集很多資料，家長最了解自已仔女，考小－可以考多幾间，當練習也當多些選擇。间间学校都有出色学生，不在乎边间学校，爸媽才是最主要的領航員。

zitaeric

小－學術有幾深？所以放心，用對方法就可以。
我小朋友由小－到現在都係班長，習慣照顧人。考小－時－D問題都冇，考小－啫，吾需要太緊張，只要吾係太差就可以，學習路太漫長。

zitaeric

揀得蒙特梭利家長，質素－定吾差，所以相信不論去边间小学，家長都会好有辦法去扶助小朋友

孟母3000

zitaeric 發表於 17-3-21 08:23
錯啦，吾係讀边種幼稚園就接边種小學，好多本地小學個小朋友都滿口英語，英文好過中文。好多國際学校、中文 ...

就係我同我老公都不是富有人家
又唔係神職業或名牌大學畢業
對小朋友考小一已經無乜助力

最怕佢考唔到活動教學/ 少功課的學校
入左傳統谷校，會令頭6年學到既自學心態無左

zitaeric

太膽心啦，做D功課，緊有一间，而且真係吾岩，好多小朋友都小二丶三轉校，比些信心小朋友，幾年後你睇返轉頭，又不外如是，上天已有安排，放輕鬆

bonmom

有關你的提問,真係唔同人有唔同意見,最重要係父母的育兒方針。

想問新派直資會否收蒙記學生？定係覺得蒙記學生唔夾學校，多數唔收？

每間學校有佢地收生準則,我相信是否蒙記學生並不是重點,而係小朋友的性格,是否有禮,學習能力,主動性,自理能力等。

是否蒙記多數只會升讀IS?

的確比較多蒙記學生會讀IS,不過也有讀本地學校的。

很多人對蒙記學生有很多誤解,其實他們不只是自學,更比較會尊重其他人,因為在混齡的環境下,不同老師在同一課室下,自然要學會與人相處,而且年紀越大,老師應會安排一些與同學一起合作的工作,令小朋友懂得與其他人合作。

不過,要小一面試,還是要準備的,中英文閱讀能力,大肌肉發展,音樂感,也非一時三刻可以速成。

MaryBrown

蒙記幼儿园又轉傳统、那蒙記教育就中途放棄。蒙記教育到小三後、才明顕見到学術成功、接着進度更快。單單「玩」兩、三年就走、等如半途而癈