多謝各位媽咪有好介紹

鴻媽媽

以前我小朋友讀幼稚園，只須一個月交學費$1700(全日)、現在讀了小學雖然不用交學費、但要交好多什費啦、未開學已經買了上學期書本、夏季校服、黑鞋、白鞋、書包、文具、已經用左$$3500、嘩第一返學派通告要交簿費+冷氣費$500、過兩日又派通告要買課本CD$100、現在又要買冬季校服、再遲D又要買下學期書、課外活動又要比錢、可能我以前讀書不用我比錢、所以唔覺貴、你知啦得我老公一個人搵錢、咪嘩唔驚呀......錢錢錢

0606

我想問: 如果讀直資或是私小, D學費是否已包了在學費內? 如果仲未包, 咁未好攞命^^^^

我唔係公務員, 我D學費無人津貼呀$$$$$$$$

鴻媽媽

我小朋友系派到直資小學呀、雖然有書簿費申請但資助得好少錢呀、所以讀小學要用好多錢呀、美勞錢都話要交$120、問你怕味!下下都要錢呀、一張A4張都要收錢呀、所以我個個朋友都話讀小學用左好多錢呀、你知啦再大D又話要去補習、又要$$$$$$$$$$$$$$$!

Gracemama

請問直資小學, 好似都要交學費的嗎, 只有津校同government school唔使交咩?

easiness

鴻媽媽,

請問你小朋友讀邊間小學? 因為津校既冷氣費多數是下學期先要交, 而且好似一年都是三百多元, 五百元不是太昂貴嗎?

鴻媽媽

Sorry......我話$500系包含冷氣費及簿費!

鴻媽媽

其實直資小學系不用交學費，但經常要交什費、計落好像貴個幼稚園的每月學費!我個個朋友都咁講呀、以前讀幼稚園只須每個月交錢就包含全部費用、但現在讀小學常常都要交什費、又話買什麼小朋友睇兒童月刑…黃巴士、小牛頓科學館、木棉樹、智慧寶庫、營火蟲等(但我一款都無訂)、因為我覺得好貴!

CD

直資小學系不用交學費? 邊間?

鴻媽媽 寫道:
其實直資小學系不用交學費，但經常要交什費、計落好像貴個幼稚園的每月學費!我個個朋友都咁講呀、以前讀幼稚園只須每個月交錢就包含全部費用、但現在讀小學常常都要交什費、又話買什麼小朋友睇兒童月刑…黃巴士、小牛頓科學館、木棉樹、智慧寶庫、營火蟲等(但我一款都無訂)、因為我覺得好貴!

Minnieluo

    

CD 寫道:
直資小學系不用交學費? 邊間?

[quote]
鴻媽媽 寫道:
其實直資小學系不用交學費，但經常要交什費、計落好像貴個幼稚園的每月學費!我個個朋友都咁講呀、以前讀幼稚園只須每個月交錢就包含全部費用、但現在讀小學常常都要交什費、又話買什麼小朋友睇兒童月刑…黃巴士、小牛頓科學館、木棉樹、智慧寶庫、營火蟲等(但我一款都無訂)、因為我覺得好貴!

[/quote]

hkcwchan

直資小學是要交學費的, 只有津小不用交

羊咩咩太太

有都死啦,人出雞,你出瑕豉油,點乾你.

hkcwchan

係呀, 我的小朋友今年小一, 我發現每一個星期的通知
都有要交費的, 有些必須要買, 例如, 學校指定用的圖書
美勞用具,  有些不指定的, 是各種的雜誌

羊咩咩太太

真資同私校都要比學費,只有官立同津貼唔使比,但四種學校都有雜費要交,做人父母,自已唔用都要留番比小朋友,我亞女個個月都帶收費袋返黎,好多野要比$,盡人事啦.

鴻媽媽

所以我唔咁生多個小朋友啦、你見到啦....樣樣都系錢、一個都怕怕、其實唔系錢問題、錢無左可以搵得返、要養育一個小朋友真系唔簡單呀!

0606

絕對同意!

這個 "一" 仔 主義, 是我仔出生無幾耐, 我已決定左, 這五年以來, 一直都無動搖過>>>>>>>

[quote]
鴻媽媽 寫道:
所以我唔咁生多個小朋友啦、你見到啦....樣樣都系錢、一個都怕怕、其實唔系錢問題、錢無左可以搵得返、要養育一個小朋友真系唔簡單呀!

鴻媽媽

嘩......嘜水話叫我地最好生3個呀、嘩......大佬我大把錢呀生生生、嘩.....大把錢都唔會生咁多啦、最多就一個起兩個子、生出來有得分咩、就算有得分都唔生咁多啦、佢都所所地、生咁多邊個教呀、就算教都教唔來啦!

麟媽媽

我唔覺得上左小學使得多左喎。
以前幼稚園都要做校服架喇，
而書簿、美勞、冷氣等都係學期頭收一次，
又唔係個個月收既。
以前幼稚園三千幾銀一個月，
而家每個月學校點收到我咁多。
我已享受左第一年，
我覺得平左D好好可以補貼D課外活動。

newmama01

直資小學系不用交學費? 邊間?

ling媽

係咪直資先收咁多費用呢！ 我囡讀津貼小學，冷氣費唔使比，簿都係唔記得$1/$2一本，全年都係幾十元，就算學校安排嘅戶外學習d車費都係學校津貼，學生唔使比，宜家主力都係要比課外活動嘅費用。

鴻媽媽

嘩....ling媽
                      你咁好呀!我個囝間學校D什費交死我呀,樣樣都要錢呀、美勞費都要交$120、問你死咪!