根德園及又一村唔知邊間比較好呢?

maggieszt

根德園及又一村唔知邊間比較好呢? 請問各位媽咪對根德園及又一村有何評價？

maggieszt

有沒有媽咪給點意見啊？多謝！

maggieszt

有沒有媽咪給點意見啊？多謝！

maggieszt

up

j129

妳想比較那方面,咁妳有無去上星期六又一村的面試日親身感受??
其實每間幼稚園都有不同的教育理念,各有優點,而每位mami自己對小朋友的期望都不同,真係好難比意見妳,
校舍方面,一定係又一村,又大又靚,妳會想像小朋友有很多活動空間,
名氣方面,根德園是傳統出名的名校,有獨特的教學方法,學術水準比較好
另外又一村是非牟利,根德園是私立的
其實都要靠自己搵多d資料的,如果係15/16的話,可以俾小朋友面試左,有取錄結果先再考慮啦!!
我囝囝都係出年先升K.1,更多的資料,妳試下問這兩間討論區的家長會,希望幫到妳,Good Luck

maggieszt

j129；
    多謝你的意見。
    又一村18/11先面試，我係去交報名表時，体會到間幼稚園Ｄ老師，校工好nice,還末有參觀過學校,都係等面試左,有取錄結果先再考慮。
    你囝囝都係出年升K.1，你報左邊几間啊？祝你好運！！！

j129

報了五間,其中包括妳提及的這兩間,因係細仔的原因,依家未足兩歲,又未識講說話,所以我超擔心無學校肯收佢,上星期去了又一村面試,好多人,聽說有二百人去,但學校方面名額收120人,今星期內會通知結果,我朋友的囡囡都是11月18日去in又一村,這學校給我感覺是很好的一間幼稚園,面試方面很簡單,不用太緊張,妳小朋友懂說話末???

maggieszt

祝妳小朋友好運！！
我的小朋友係囡囡，係快Ｄ講說話的，姖在家講說話就好“口力“，出到去就怕羞。
妳几時in根德園？編號几多？我12/11 in，吾知有几多人in呢？

alisoncheung

maggieszt,

等我過來人話你知喇, 如果你想小朋友學好規矩同埋第時上小學容易跟得上,一定係根德園好.

我囝囝before入根德園都比較活躍,上playgroup坐唔定,開學至今短短兩個月, 而家上Playgroup不知幾專心, 坐定定.

另外, 中文更加唔錯,已學會20幾個中文生字,完全不用圖畫都認得出來, 仲識配詞(e.g.秋 - 秋天).  英文都不錯.

如果你問我佢辛唔辛苦, 小朋友係唔會覺得辛苦,因為都係邊玩邊學, 又何來辛苦, 所謂辛苦,都係大人過份庝愛的想法.

從小習慣測驗考試, 大個時會覺得應付自如, 仲冇咁大壓力tim.

至於點揀就睇你喇,因為佢哋未識揀!

maggieszt

alisoncheung，
      多謝妳！因此校沒有網址，對佢了解吾深, 只係听親戚朋友講，現在有妳呢個過來人比意見，我就放心了，但重有過面試個關。

alisoncheung

maggieszt,

比d 心機,面試嗰日早d到,等小朋友熟習咗環境先, 表現都好d, 記住train番一兩首歌仔,唱歌係必考題,第間kinder唔洗嫁,佢哋d題目係深不過小朋友識答都好合理, 一定淺過St. Cat.

Marcus媽

hi alisoncheung,
你好呀! 我仔仔11月11日in, 上次得到你指點後，我都有同仔仔train番幾首歌, 但最大問題係仔仔唔主動, 必須要我在旁同佢一斉唱佢先唱, 其他到問題不大,禮貌是最重主, 佢這方面都好好, 只是唱歌方面還須work hard!  

maggieszt

alisoncheung，
多謝你的回复！
我個囡都會唱好多首歌,但姖在陌生人面前未必會唱，吾知有咩方法呢？
重有一問題係：校車費：到荔景紀律部隊宿舍？
此校係名校，會吾會有階級觀念啊？？

ArgusMum

兩間學校真係原全唔同性質..無話邊間好既...
講真...真係好睇你地家長對小朋友既要求係咩,想佢愉快上學,開開心心無壓力既..一定係揀又一村,但如果你想小朋友將來考私小或直資,就真係根德園適合D.
不過..講真...唔係每個小朋友都受到根德園果套教學方法架....雖然我自己個囝囝而家係根德讀緊K2,亦可以返學得好開心....但我唔會因為自己小朋友讀緊果間學校,就好HARDSELL咁同大家講呢間學校好好....又出名....等等.
K1黎講,小朋友真係可以好輕鬆咁上學..唔使家長跟進,佢地都學到好多野返黎,K1完左.佢地會學識到90個生字及配詞,完全唔使家長勞心...
但上到K2,小朋友就要開始每星期應付中英各一次默書,及2次MENTAL默書...寫字方面,亦都開始寫得較多及深.....每日一定有齊中英數三樣功課,我知有部份同學仔做功課時間真係要一個小時以上.....家長一定會比較辛苦....
所以大家一定要有心理準備,了解多一點各間學校既特點及小朋友既性格先好揀一間合適既幼稚園比小朋友呀.
不過若以我囝囝為例,佢就完全無問題,SO FAR而家K2多功課,佢都可以每日只用20-30分鐘內完成到既....佢亦好ENJOY返學,成日都同我講返學好開心...
大家記著,無話一間學校好晒既,最緊要適合小朋友,千萬唔好比太大壓力自己同小朋友呀    

j129

alisoncheung & ArgusMum,

想請問根德園係咪唔收細仔,我囝囝現在23個月,連講說話都唔曉,仲點唱歌仔???咁咪無希望.......唉,以妳們所知,有無好似我個case,都有取錄,KV係我First Choice

    

alisoncheung

ArgusMum,

你說得絕對正確，KV係好,但係唔係人人頂得順,亦唔係個個父母都肯付出咁多去陪小朋友作戰.

因為我係自己要掌握自己前途的人, 就算係之前囝囝考kinder我每晚放工返屋企都同佢做training.  我會先自己盡力,唔得都唔會有得賴.  K1第一次test在即,今晚開始特訓喇, 我覺得如果d家長都諗住舒舒服服咁過3年就無唯讀KV喇,棧自己大壓力.

我俾囝囝入KV,因為佢符合我嘅要求, 我鍾意先苦後甜,希望小學容易D,又可以打好基礎.

Marcus媽,

面試時引導小朋友唱係可以的，但切記不要你大聲過佢．　佢一定開口唱，唱唔曬一隻都唔緊要．

Maggieszt，

你唔洗擔心喎，　校車唔會太貴　由KV到馬鞍山都係HKD880，仲有KV老師親自跟車．荔景我就冇留意有冇，不過如果校車唔到都仲有好多褓姆車．　我係自己帶返學嘅，因為搭馬鐵好方便．

我個人覺得呢間學校係冇階級，淨係睇佢哋張報名表就覺得喇！填得報名表多，唔多唔少你會知道，好似St. Cat 同培正，連父母嘅學歷都要清楚填寫，我最唔滿意，而家係我俾個囝你教，唔係要你教我，又或者我幫你教．你有乜必要知我中學，大學讀邊間唧．多餘．．．．．

其實做家長嘅亦不需大執著，小朋友同學校有冇緣唔係你同我講，尤其是以２歲小朋友嚟講，如果有緣同埋佢哋喜歡呢間學校，考試時表現自然會出嚟．唔洗你去迫．
還記得去年我囝囝考KV當日我感冒菌入聲帶，完全失聲，面試時居然乖乖地，同老師有講有笑，相反之前同佢去其他學校面試佢仲妞計tim,　你哋話係唔係天意，係唔係緣份呀？？？

至於讀邊間, 有result先再算.....祝各位好運!!!

alisoncheung

j129 寫道:
alisoncheung & ArgusMum,

想請問根德園係咪唔收細仔,我囝囝現在23個月,連講說話都唔曉,仲點唱歌仔???咁咪無希望.......唉,以妳們所知,有無好似我個case,都有取錄,KV係我First Choice

    

收, 一定收 if he can pass the interview exam.  我同事個女11月出世都收咗,囝囝有d同學都係11月細仔.

Take it easy,考咗先算.

alisoncheung

nicole&Wai 寫道:
ArgusMum,

根德園適合邊種小朋友既性格。我仔 is very talkive and active.  Is the school suitable for him.   

適唔適合要睇你嘅取向,如果你想佢學乖，學禮貌，學規矩，KV好啱．其實小朋友未成形，佢將來係點，要睇你將佢倒落邊個模到．佢哋一定唔會覺得辛苦．從來未歎過世界嘅人又點知咩嘢係歎世界呢？

Marcus媽

有道理有道理, 3歲定80, 希望依家train 好d, 大d 就冇咁辛苦囉!

alisoncheung 寫道:
[quote]
nicole&Wai 寫道:
ArgusMum,

根德園適合邊種小朋友既性格。我仔 is very talkive and active.  Is the school suitable for him.   

適唔適合要睇你嘅取向,如果你想佢學乖，學禮貌，學規矩，KV好啱．其實小朋友未成形，佢將來係點，要睇你將佢倒落邊個模到．佢哋一定唔會覺得辛苦．從來未歎過世界嘅人又點知咩嘢係歎世界呢？

[/quote]