荃灣中學(觀後感)

RT

Hello, 各位,

好耐冇上黎,呢段時間都係週圍去睇學校, 上星期跟家教會睇左5間中學, 以下係我參觀完學校之後既一的感想:

1.荃官 : 唔使講都知係名校, 而校方亦都冇刻意去推銷自己學校, 立場亦都好清晰, 就係要尖子, 所以中游份子唔使考慮
不過唔知係咪老牌名校,感覺上好似冇咁進取,加上比我感覺學校重視尖子多的, 其他成績冇咁好既(其實都好叻)就冇咁在意
面試形式 :主要係小組討論, 不過唔使再睇校內成績, 因為佢地認為揀得出黎面試既都係精英 (上年約8個人爭1個位,睇落好似少人爭,不過唔好忘記申請既都要乎合佢地既基本要求)
總結 :如果全級考10名之內,加上有一技之長既可以考慮

2. 聖方濟 : 感覺上校風都唔錯, 加上新建既設施, 多左好多地方, 而老師既年資亦好耐, 男仔應該會讀得幾開心. 不過校長似乎唔係咁積極, 而近來會考成績好似有的退步, 同埋男校有好有唔好, 好既係資源分配會集中的, 但男仔一齊會比較曳(唔係壞),呢點要留意
面試形式 : 2個對1個,主要以廣東話問問題,亦有普通話同英文題,最特別係有2分鐘個人表演時間(上年約4個人爭1個位,如果淨睇男仔黎講算多人爭)
總結 :band 2中至尾既男仔可以考慮,如果運動(尤其是游泳叻既)會著數的

3.林百欣 : 除左環境幾好之外, 冇乜特別, 呢間比我既感覺較差, 整個簡介會都冇正副校長露面,又冇交代佢地去左邊, 好冇誠意, 要知道校長對學校係好關鍵麻, 你唔出黎講吓辦學理念,點推銷間學校都冇用
面試形式 : 冇介紹, 不過好強調如果係選佢地就早的揀,因為據講上年派位後有百幾人扣門, 佢地都係睇返選校名次黎收(上年約2個人爭1個位,都唔算差)
總結 :據聞學校正在増值緊,同時又係新校長,雖然唔知佢既辦學理念,但應該會幾積極,band 3頭既最佳選擇

4.呂明才 : 校方都知道先天不足, 成績同操行都乏善可陳, 冇乜賣點,所以好"乖巧"咁以視藝做賣點, 專攻一科, 成間學校由大門至課室放滿學生既作品, 睇落的作品又真係幾好幾靚, 老師都好落力介紹學校設施, 見到都係有心攪好學校既,可惜~~
面試形式 : 冇介紹, 我諗佢地都冇諗過有人會去面試,校長亦都知學校不足之處,冇去推銷,只係講左家長搵學校最好以學生成績配對,唔好盲目跟風
總結 :感覺學校係好想辦好,奈何學生資質太差,好多人都放到最尾,唉~~不過如果小朋友鐘意藝術既,學校都會比心機栽培既

5.廖寶珊 : 呢一間比我既感覺最好, 學生好有禮貌, 校長好積極, 辦學理念又好, 好感受到佢個份熱誠
聽家教會的人講以前呢間係band3學校, 校風好差,不過自從新校長到任後積極改善, 依家由band3升上band2
面試形式 : 都係小組形式面試,強調唔使吹谷小朋友黎面試, 不過我諗都冇人會聽(上年好似話有3百幾人申請,約8個人爭1個位,重誇張過一的band1中學)
總結 : 同梁省德一樣,校長係最關鍵影響學校既,不過今年2選1,肯定有的band1生會搵呢間作後備,所以係band1尾生既首選

今個星期會睇另外6間中學, 睇完再同各位分享

櫺囹桼

好！

讀萬卷書不如行萬里路，
聽眾人評不如親身一見！

didi_0121

多謝分享~~　期待下一ｐａｒｔ意見∼∼

thx!!

rclamlam

RT

你都看得幾子細喎, 如果band 1尾既應該仲有間李城壁可以揀.

RT

Hello,櫺囹桼,

我都覺得係親身感受吓先會好的,尤其係同小朋友一齊去感受吓,等佢亦有份參與選校,好難得可以一日參觀哂咁多學校,雖然辛苦的但都係值得既...

Hi, rclamlam,

係呀,今個星期六既6間學校包括李城壁,都係我同囝囝既心水學校,到時返黎再分享吓

rclamlam

RT

我建議你唔好只看荃灣區中學, 因為荃灣區中學大少, 你都要諗下葵青區.

RT

rclamlam,

我都想呀,有考慮過八三同全完,不過最大問題係我住係深井, 最近既葵青區中學都要轉2程車, 就算好彩收左亞仔,第日返學都幾煩   

rclamlam

RT

我比你都唔住得近啦, 我住馬灣架, 阿女每朝都要7點車出去, 都係轉兩轉車.

你唔好因為要轉車而唔考慮葵青區, 而深井出葵青區都有302車呀, 全完可以係天橋底落車行上去.

RT

rclamlam,

其實葵青區係好的呀,起碼唔使好似荃灣咁競爭大

我亞仔依家係band1尾band2頭,咁葵青區你有冇邊間好提議呀?(競爭少的既)     

rclamlam

RT

以我看呢兩年荃灣/葵青區成績, 荃灣區小學成績比葵青區好少少, 但係唔會相差好遠, 而且荃灣區中學少, 所以競爭特別激烈.

我會建議你揀陳兆民/伍若瑜/全完先, 如果你都想考慮荃灣有兩間可以諗, 係李城壁/梁省德, 再之後係吳祥川/蘇浙/荔景天主教/李賢堯.

其實係葵青區競爭都好大架, 所以搵一間適合你小朋友既去試下, 人人都唔會有十足把握, 如果自行唔得既, 你地今年都有兩次機會係統一派位度, 當然係要同區先有兩次機會啦, 因為甲部份如越跨區就唔同架啦.

RT

rclamlam,

多謝你既建議, 不過原來我睇返葵青區的學校競爭都唔少, 好似全完上年都係7 : 1, 雖然話佢地有30% band 2生, 但我諗都係大抽獎入去架喇, 自行收生佢地多數會揀的band 1 生,除非有好突出表現啦   
另外陳兆民/伍若瑜基乎係全收band 1生,band 2生去都未必比見
:cry: 我諗好似你所講, 考慮吓吳祥川/蘇浙/荔天/李賢堯會穩陣的..

sorlo

我見好多人係BAND 2生，　都放棄自行分配，　而博大抽獎的BAND 1中中

rclamlam

RT

我會博下大抽獎入去架. 自行咁快放棄就會少左個機會架啦.

Hellomummy

RT:

很多謝你分享和分析呀! 資料很有用

我想請問聖方濟是在荃灣那個位置呢? 聽講它從前曾經很top但後來因為轉了中中所以banding才跌了, 不過最重要是學校有心機辦, 唔知d男仔斯唔斯文呢? 在游泳方面沒有獎項但有potential or 校隊可以嗎?

cj712644

我有朋友在聖方濟教書, 他說除了精英班外, 其他班的水準都很差,學生很頑皮 (可能係男校關係), 加上校長又唔積極, 近幾年來學生水平每況愈下.

如果有得揀, 最好唔好揀呢間.

Hellomummy 寫道:
RT:

很多謝你分享和分析呀! 資料很有用

我想請問聖方濟是在荃灣那個位置呢? 聽講它從前曾經很top但後來因為轉了中中所以banding才跌了, 不過最重要是學校有心機辦, 唔知d男仔斯唔斯文呢? 在游泳方面沒有獎項但有potential or 校隊可以嗎?

櫺囹桼

RT 寫道:
Hello,櫺囹桼,

我都覺得係親身感受吓先會好的,尤其係同小朋友一齊去感受吓,等佢亦有份參與選校,好難得可以一日參觀哂咁多學校,雖然辛苦的但都係值得既...

RT：
當然係親身(加子女)...參觀/了解過才選校為上策！
總好過一啲家長只懂紙上談兵去選校...註冊之日就的士搞點(因為學校在東南西北也不知..)無奈！
007

RT

Hellomummy,

聖方濟在寶石大廈旁邊, 環境屬於舊區, 不過都算ok.
我係荃灣老街坊,係70-80年代聖方濟算係荃灣名校,出過好多叻人,不過自從變成中中後,收band1生比例大減, 到依家基本上只能收band2生, 敢試問成績又點及得荃官同何荃耀呀??
我都感覺到佢地成績退步左, 上年(06/07)升中攻略都有寫會考合格率有75%,但今年攻略都冇寫合格率,連學校簡介既時候都冇提及, 只係提高考合格率
同cj712644所講一樣,我都覺得校長唔係太積極,不過可能係由於學校開左太耐,同埋係天主教會,保守左的,好難好似其他新校長咁多的自由去改革,學生比我感覺係好動的,頑皮的,不過又未至於壞既, 唔使擔心..
至於游泳方面,據佢地講好似連續15年攞到荃灣離島區學界冠軍, 咁所以小朋友游泳叻, 當然會有好處啦, 起碼可以響學校做風頭躉麻   

2bzmummy

我個人覺得好多傳統英中都在母語教學的制度下被逼改為中中, 而在大家必然覺得英中 = band one 的情況下, 流失大量質數較好的學生, 而荃濟這所老校所奉行的無為而治的精神 (連穿波鞋上學都會引來話柄), 更相對上令人覺得裏面的學生是疏於管教 ....

RT

Hello, 2bzmummy,

其實我都覺得荃濟唔係咁差,band2既學生可以考慮,不過始終唔太了解學校內裡情況, 唔知你可唔可以講多的關於荃濟既資料呢?

rclamlam

RT

唔係喎, 聽朋友講, 佢朋友個老公係聖芳濟教架, 因為換左校長之後, 收既學生都差左, 宜家比以前無咁好啦, 如果係band 2頭學生就最好唔好揀呢間.