統一派位放榜後

ahkila

carollam310
都不要太擔心,不過跨區就好難呀!
統一派位結果公布一定是星期六的,學校的校務處星期六都有書記辦公的
你可以收到派位結果後去你心儀的學校後補申請不過一定要之前向學校查詢後補辦法,有些星期期六己接受後補的,現在你可以影印你小朋友的出世紙,自行及統一派位選校表,因為有些學校考慮你的誠意,要看你有沒有選擇其學校
通常學校都有後補位,只係這些位多或少,怎樣分配,有些給有人介紹的,另外就給申請後補
如果你派得不滿意都要去註冊,如果不去註冊就冇

carollam310

我最擔心係自已乜都唔識,除左出名既小學之外,其他聽都未聽過,出名既學校我都係靠睇入學天書識架,聽人講出名既學校後補位唔多,而且勁多人爭,機會渺茫.有人建議我去叩一D質素好既學校,唔一定要叩名校,但我又唔知出面邊間質素好喎,問左好多人個個建議都唔同,甚至有D我連學校名都未聽過,我想問問呢度有冇人知以下邊間小學好呀?1 陳瑞祺 2 嘉諾撒 3華德上午,下午校.4 可立.1同2我己經放係統一派位頭三志願內,係人介紹架,但我都唔知好唔好,只係知道我住呢度附近有人讀緊,諗住人地揀得跨區出去讀應該唔差呱.

ahkila

你住哪一區,華德小學網址己有後補小一申請表download

asmama

華德小學是Band 1 小學當然好la

carollam310

華德真是Band 1 學校?上午定下午呀?因為我問左好多人,竟然冇人識,有D人連聽都未聽過,我上過華德網頁睇過,佢地長期有後備生同插班生表格下載,插班生仲分上學期同下學期入讀添,我問人又冇人知好唔好,心想若果係好學校冇理由有咁多位收插班生架,上學期收下學期就可以轉過去讀添.我想問問上午班好定下午班好呀?同陳瑞祺比較邊間好D呢?仲有一樣,我完全找不到華德升中派位資料.又唔知華德課程深唔深.請問有冇人知呀?謝謝~~

carollam310

冇人覆我既? ,係咪唔清楚呀?等我開多過標題係出面問先,已經5月啦,日子越來越近,我未部署好添,又唔知邊D係好學校,點算?去邊度叩門都未知

ambrose

If you want to know, I suggest you to go to school entrance and talk with some parents when they are waiting the kids. It works, I have tried before. At least, you can know about the school and  students.

ballpen

carollam310,

你囡囡依家有邊幾間私校收左呢?你係屬於邊個校網?記得搵校長幫你個女寫推薦信,或者你可問吓校長或老師,佢哋間幼稚園同邊間小學有掛鉤或關係好啲.

carollam310

我女首先考到培道,但人地話好普通,老公鐘意佢讀女校,之後報左聖母,我家附近有人讀,話學校唔錯,D女仔好乖,又斯文.成績都幾好,若果唔太差好大機會升上聖母書院.我住藍田的,但不想女女o係返藍田讀小學,由BB班開始己經o係出面讀,藍田D小學麻麻地,D學生好曳,又粗口又冇禮貌,雖然唔係全部都係咁,但唔想女學壞.我自己由出世到依家都住係藍田,我好清楚呢一區,5.6年班既學生可以夜晚11.12點都唔返屋企,著住校服o係公園大聲玩,又男又女,仲叫人幫佢去7-11買煙添.我睇見o個D女仔就怕怕.我都打算去學校一次問問班主任意見.平時女女搭校車架,好少機會見到班主任,所以要出去一次先得.

ballpen

carollam310,

聖母收左你個女未呀?如果收左就定檔喇,因為聖母真係幾好,如果有聖母做backup,咁你可放胆啲去首志願學校度扣門,因為就算唔得,你都有聖母呢間名校讀丫馬.

carollam310

聖母收左我女了,我亦交左留位費,因為老公好鐘意聖母,亦都預左統一派位失敗,叩門亦可能一樣,為左留一條後路,培道堲母都留左位.

ballpen

carollam310,

咁就好囉,真係無有怕了,你記得預備定家長信(要寫得有感情啲,同有誠意),校長信,囡囡嘅成績表,理歷等,用file入住啲文件,到時萬一要去叩門,都唔使拿手唔成勢丫.

如果你要去叩門時,應主力去叩首志願嗰間,因為多數人都會睇誠意的.

其實我都同你老公一樣,會揀聖母,唔會揀培道,仲有,如果係我的話,當大抽獎失敗後,我諗我連叩門都唔會去,我會叠埋心水讀聖母,因為我覺得聖母幾好喎.

你依家應該真係要放鬆心情,因為緊張都無用,以你個人嘅力量都唔可以改變命運的,有時抱住唔志在嘅心情,反而或會成功的.

係呢,你打算點同你囡囡慶祝生日呀?

carollam310

我今年冇打算同女慶祝生日,冇乜心情去搞呀.依家個心煩到死,又緊張.或者搞掂晒先補祝.

ballpen

carollam310,

咁我再喺度祝你心想事成,預祝你個女生日快樂!

不過我都係嗰句,最好都係同個女搞生日會啦,你唔想煩,可以放榜後嗰星期日去麥記都得,因為囡囡都高班啦,讀埋今年,同學仔都要各散東西,等佢有個美好回憶吧.

simsim

carollam310,
take it easy,Our lady college is a good school,let your daughter go there  , pooi to is not good especially the secondary school,some of them smoke outside the school . Good luck....  

carollam310

我想問去叩門係咪放榜後即刻打電話去學校問有冇後補位申請呀?若果即日的話就要即刻去?要唔要帶埋女女去架?交左表就ok?係咪未必人人有得面見架.通常要等幾耐架?

carollam310

babygirl:
          我個電腦有D問題,會自動跳走,所以覆唔到你,sorry呢,你想知聖母什麼?呢間學校係親戚介紹報架,佢住係學校附近,佢話學校好嚴,學生好乖好斯文,成績都唔錯,若果唔太差係可以升上聖母書院架.呢間係芵中黎架,校風純樸,會考成績都唔錯.我老公聽左咪叫我去報囉.加上屋企附近都有人讀緊.都有問過D家長.佢地有讚冇彈.呢間學校好易入架.好似成年都招生.呢兩年少左人讀,可能經濟差左少左人讀呱.聽講話幼稚園唔係個個升上小學,我女唔係讀堲母幼稚園架.我將女K1.K2同K3上學期既成績表.出世紙.寫封入學申請信.一齊寄去.之後就收到信話收佢.唔駛面試架.所以唔難入.基本上係一定收.佢呢兩年好似開少左班,少左人報名.所以好似冇難度.我女唔係讀名校添,成績又唔係好o力架.咁都收左佢.雖然我老公好鐘意聖母,仲交埋留位費留位.但我自己唔鐘意架,真係叩門失敗冇得揀先會讀.原因係我唔鐘意半日制.佢好似1.2.3.年級就下午.4.5.6.年級就上午.好似要07年先全日制.我去過學校睇學生都幾好,不過校舍好殘舊.呢D都係其次.我唔想佢讀聖母係因為我唔想個女讀女校,仲要由一年級開始咁早,若果升上中學都係女校,我怕佢心理會有問題呢.我有同學讀女校,佢講左D關於讀女校會發生既野比我知,令到我好擔心,你仲有乜想知就留言係呢度,我一用私人訊息回覆就跳走,好難先再入到BK,唔知係咪中左毒,我通常都在線上,我每日朝早9點開機到夜晚11點先熄機.只係間中八左去第二度,你一定搵到我架,唔好意思呀,我用中文覆你.我D英文文法唔好.我怕你睇唔明我D英文.

PhoebeLee

Dear carollam,

Have you heard St. Francis of Assisi's English Primary School (聖方濟各英文小學), it is a good english primary school at Shek Kip Mei.  My son is studying at primary two in there. You can try to sent a letter to the principal and to see whether he gice you aexamination or not.

Thanks.
Phoebe

Umi

carlolam310,

我想問下聖母幾多錢學費呢?? 同埋聖母書院係咪都係要交學費呢?

carollam310

聖母學費都幾平,1230一個月,唔知9月加唔加呢,學校話6月會有信通知辦入學手續,我諗係統一派位後,睇下你會唔會放棄學位.中學部唔駛交學費架.