"啟思"的家長 (any branch) please come in.

ho_fish

1314, 我住mos, 個女平日跟婆婆住屯門

heiheima咪

1314,

hi, 你好!
我個仔都係啱啱入咗帝堡城啟思k1, 其實我都唔係好知啟思好唔好, 但係覺得佢o地係活動教學, 唔駛好似傳統幼稚園咁日讀夜讀, 我想個仔開開心心過3年幼稚園生活.

講真, 我都唔係好知啟思的嘢, 以後要你多多指教了.

1314

ho_fish:

I see.  其實我當初都諗過報九龍塘個間正校（九龍塘區只有兩間，另一間喺又一村），不過因為家住沙田，最近個間分校喺帝堡城，而且考慮到九龍塘個間已經二十年，參觀過帝堡城後覺得呢度比較新淨。但我諗小朋友喺邊間啓思返都無分別，唔會話喺九龍塘就特別醒D。

ballpen

1. 啟思幼稚園(正校)
地址 : 九龍九龍塘律倫街６號地下
電話 : 23361139  

2. 啟思幼稚園（愛琴)
地址 : 新界屯門掃管笏管青路２號愛琴海岸１樓平台

3. 啟思幼稚園（灣景花園）
地址 : 新界荃灣青山公路９咪半灣景花園第一座下層
電話  : 24143388  

4. 啟思幼稚園（帝堡城)
地址 : 新界沙田小瀝源路６９號Ｌ６平台
電話  : 28822005  

5. 啟思幼稚園（杏花

1314

heiheima:

你個仔讀邊班？我個女係幼兒一班喎，唔知同唔同班呢？佢開咗學兩個禮拜就好鍾意呢間學校，我相信佢會enjoy嚟緊3年既幼稚園生活。So is hei hei!  

heiheima咪

1314,

我個仔讀二班, 唔同一班了, 你個女班主任係咪"伍老師".
你有沒有發現d小朋友返了學好似有禮貌了, 果日比個仔嚇親, 雙手拿住張通告同我講 “媽咪唔該你睇下張通告啦”, 我個仔從來沒有拿過學校通告比我睇的. (因為佢之前都讀過幼兒園)暫時咁睇, 果d老師教到小朋友都幾有禮貌.
我個仔都好鍾意啟思, 因為未返啟思前都成日講要返啟思, 話果度多玩具玩.

另外你指又一村果間啟思係咪啟基小學隔離果間, 因為果間幼稚園好似唔再收生了, 因為要改建為小學or 中學(唔記得了).

1314

heiheimami:

係呀，1班既班主任係伍老師,我覺得個度個個老師都好nice,對學生真係好有耐性同愛心。記得頭兩日陪個女返學,見到老師教D同學仔離開座位前要將櫈仔拍埋擺好才可以行出去,我個女唔記得,老師提佢要佢走番埋位,我見佢"滕"嚟"滕"去都好好笑,不過好欣賞佢地從小處訓練小朋友的方法。

見到ballpen的留言才知道又一村分校就快無咯。

又,點解你個仔張相咁似女仔既
  

vivianjasper

我仔仔返

ho_fish

已打電話去又一村啟思問, 他們完成今年課程後, 明年便會改成中學

sunmoon

各位家長:

咁我想問吓啟思嘅英問文程度係點?有無Native English Speaker 教架?

candytl

啟思是中文幼稚園, 是提倡以母語為教學語言, 用他們校監的話說是先學好母語, 從小打好母語語文基礎. 我認同他們在這方面确實做得很好. 至於英文, 以我囡過間學校為例, 每日大概有20分鐘由母語為英文的中國籍老師上堂. 我認為除非你家里有好的英文學習環境, 否則別指望小朋友的英文可以”luck luck”聲.

ballpen

無錯呀,中國人一定要打好中文基礎先,如果中國人生活喺中國嘅地方,中文都唔掂嘅,就真係好醜怪了.

啟思嘅英文,我個人覺得唔算太底,普通應對應該可以,同埋睇吓你平時喺屋企時點教個小朋友囉,佢哋每間分校都會有一兩個以英文為母語嘅老師,呢啲老師係絕對唔會同小朋友講中文的,至於英文生字,就一定唔多,因為佢哋係唔主張填鴨式,呢一點亦都係我最欣賞嘅地方.

至於默書方面,佢哋要到高班下學期先至有,佢哋唔會叫做默書,佢哋會叫做記憶遊戲.

仲有,佢哋喺高班時會有以普通話為母語嘅普通話老師.

1314

我諗我個女鍾意返啓思的原因都係因為老師講廣東話。佢舊年讀nursery是在屋企附近的X時光,話就話係國際班,但係個班主任就係個印度西施,講D英文連我都聽唔懂,加上我無請外傭,囡囡由婆婆帶,所以覺得如其教佢唔湯唔水既英文,不如俾佢接受母語教學。而且學趙校監話齋,佢地唔只教英文字,仲係教小朋友正確既英語發音,所以我諗啓思學生的英文唔會差得去邊。 :

KMHH

Hi,
Is the one in Tsing Yi OK? Any comments?
Thanks,
KMHH

vivianjasper

由 ho_fish 於 2004-08-25 11:06:48

已打電話去又一村啟思問, 他們完成今年課程後, 明年便會改成中學


--------------------------------------------------------

有埋中學太好啦！

heiheima咪

1314,

我聽回來伍老師是個好專業老師, 我問過人我個仔個班主任都幾好o架, 你又好啦, 可以陪個女返學, 果兩日都係我奶奶陪個孫返學, 因為我唔可以再請假了.

你有沒有發現只係返了兩星期學, 個女識唱許多歌了, 因為我一開隻學唱歌比個仔聽, 佢已經識唱好幾首了.  暫時都覺得啟思幾好, 同麻個仔又喜歡返學.  咁你個女要搭校車返學.

哈哈    這張相梗係似女仔啦. 因為是我前幾日同個囡囡影的.

1314

heiheimami:

你無陪個仔開學真係可惜嘞,因為嗰兩日好多父母都帶埋相機同v-cam去影低,我都影返去俾老公睇。

我個囡都成日唱歌仔,如果學趙校監話齋,在啓思三年小朋友識唱成百首歌,我諗真係唔錯。暫時囡囡只係搭放學嗰程校車,九月開始才坐足全程,諗住俾佢慢慢習慣,我仲驚緊佢番學嗰程會唔會唔喊,因為佢九月底才滿3歲,仲未定性。不過學校都好周到,每架校車都係由一位老師跟車,唔似大部份都係阿嬸跟車,咁樣小朋友可能會親切D。

嚟緊星期六又有家長會,唔知會唔會見到你

sunmoon

1314,ballpen,candytl,

好多謝你哋嘅咁寶貴嘅意見!

candytl

重視小朋友的音樂智能發展也是啟思教學的重點之一, “在啓思三年小朋友識唱成百首歌”, 這确是事實. 學校還鼓勵小朋友在唱儿歌的同時, 學習歌詞中豐富的詞匯.

vivianjasper

Hi, 各位

我仔仔返學頭一星期已經識唱兩首歌，佢只得兩歲三個月咋！