黃大仙聖母幼稚園入學家長請來交流

Joyful-Life

請問幼B班家長：

您o地有無問囡囡呢幾日在堂上做了什麼呀？

id00288

Dear Joyful-Life

你好
上幼b又多一個同學了
今天問她上堂做過什麼
她說茶點食了芝士三文治
作天食了檸檬餅
有運動套裝帶回來

Joyful-Life

Hi id00288,

您好呀！
家頤好有禮貌呀！
回想起第二日返學那天在學校門外等候時，家頤好主動與我和小女講早晨，真令我羨慕。

小女未足3歲，又未參與過任何團體活動，所以較為被動，好依賴老師幫忙。如有需要的話，未知日後可否向您們查詢堂上做什麼呢？

我都有問小女呢幾日在堂上做乜，佢都係答我食茶點。
兩個鐘只係食茶點？！……真奇怪！

請問星期一那天老師有無俾小朋友玩玩具呢？

id00288

Dear Joyful-Life

早晨
唔好客氣
我相信你囡囡很快會一樣啦!
你囡囡叫什麼名呢?

未來大家一定要多多幫忙
交流下她們上課的情況

你是否指早上回到學校時
有否在操場玩"玩具"
我囡囡說她有坐車(玩具)
她又說有姐姐幫助他們
不知是否高班的風紀同學呢?

我囡囡是要坐校車的
所以今個星期要劉在校內直到12時
才上校車回家的
可否請你報告下放學的情況呢?

cheuktungma

早晨各位

真係好開心呀,原來有咁多同學仔係度,我地一於keep住依個topic,互相交流下心得
我個女的名子叫卓彤,三歲四個月啦,其實我係要返工架,朝早帶呀女返學之後(8:15a.m.)就要趕返工(真係好趕),奶奶接放學返紅磡,夜晚返屋企慈雲山,希望遲D搵到有保母車由學校去紅磡奶奶屋企啦!
昨天呀女帶左本手冊返黎,問佢又話唔知(緊係上堂唔留心),想請問下各位唔知做乜事呢?
我都有問呀女係學校學D乜,佢就唔答,食茶點食芝司三文治飲水,返到課室有積木玩,暫時睇佢都ok!
等我返去問下奶奶,再同大家報告放學情況啦!
記得明天穿運動衫呀!

jlam

我想講, 不過打中文打得好慢, 不如打英文好唔好?

erica_chn

我個女讀幼C, 叫鄭宜璟. 2 YR 10 MONTHS 大;
呢個星期開始CRY ,   :cry:

你地介吾介意分享貴千金返學上堂既內容, 因為我個女哭到要老師抱出課室, 攪到無得上堂及食茶點 : .  THANK YOU!

id00288

Dear jlam

我打中文都很慢,不過英文唔好啊!     
所以都是中文好d :  :

jlam

我個女上年又係K1B, 班房係叮噹公仔既, 年初派通告叫家長參加學校活動, 有X’MAS PARTY, 觀課日, 綜藝表演 …… 等等, 咁我因為都要返工, 所以好想見下個女上堂既情形, 我填左觀課日, 響同個女返學果日, 見到佢地日常上課既, 平時我都係8:15AM送左個女返學先返工

如果早過8:45AM返到學校, 幼生會將書包擺入課室先, 然後可以響課室或者出操場玩, 操場除左有滑梯, 車車之外, 有一個木架, 放左好多玩具, 比佢地自己攞黎玩, 玩完自己放回原處, 期間一直有老師同K3風紀姐姐睇住.

到左8:45AM夠鐘, K2同K3響操場集隊, K1返入課室, 透過廣播一齊早會, 祈禱, 聽故事, 唱下歌 ……, 如果K1學生遲到, 都會安排佢地響操場排隊, 早會完先返課室

課室入面有一塊白板用黎上堂, 白板下面有4個膠籃, 分別代表4組, 佢地就自己行出去交功課, 有通告老師會埋位收, 或者叫名出去交.

上堂既時候, 老師會叫佢地自己搬張椅子出去白板前面, 打橫排成3至4行, 一個老師響前面, 另一個老師響最後一行睇住D小朋友, 坐好之後, 老師會叫兩個小朋友(天氣小姐)出去睇天氣返黎匯報, 然後老師將當日日期同天氣寫響白板度.

開始正式上堂, 問下問題咁, 然後老師會SHOW張功作紙出黎, 略略講下點做就上完堂架啦, 上完堂之後, 小朋友各自搬返張椅子埋位, 課室入面分成4組, 其中兩組既TABLE會放有文具, 另外兩組放左D玩具(積木, 拼圖之類), 然後D小朋友自由活動, 唯一要求係要佢地自行分配時間, 響上WASHROOM之前, 自己完成功作紙, 有D會去文具TABLE, 做好先玩, 有D就去玩一陣先做, 總之做好之後, 又係自己放入個膠籃度.

課室入面有發現角, 幻想角 ….. 之類, 比佢地同學一齊玩, 煮飯仔, 晝公仔 ……., 雖然唔係一D十分好玩既玩意, 但係見到D小朋友行黎行去, 都好得意下.

完左之後, 佢地會排隊去WASHROOM, 去完WASHROOM之後返課室食荼點, 食物係排隊出去攞, 飲品就老師埋位斟, 食完又出去排隊CLEAN碟, 完哂之後收拾書包放學.

坐校車既小朋友會出操場, 跟車號集隊, 有嬸嬸同老師協助上車, 等小朋友上完車之後先正式放學, 呢個時候, 先會開大校門比家長入去接放學, 唔坐校車既K2 & K3學生又係響操場集合好等家長, K1就響課室入面等家長, 家長係可以入學校接小朋友既, 如果我放假, 我會自己去接個女, 順便同老師傾下計, 了解下佢平時上堂既表現.

學校一年分上下學期, 每次學期派評估表, 派評估表果日係家長日, 可以有機會同老師詳談, 每之有活動我多數都參加, 包括學校旅行, 運動會, 又或者係同學仔D生日會等等, 讀左1年, 我同個女都好喜歡呢間學校.

個女話比我聽, 學校有視聽室, 新果邊有活動室, 佢地都有過去玩, 特別係酷熱警告果幾日, 老師怕佢地太熱, 會帶佢地去新果邊(有冷氣)活動.

生日會係每個月最後一個星期五舉行, 次次都好多食物, 飲品, 生果, 玩具仔攞返黎, 個生日袋迫到好漲咁, 好開心, 學校會吹漲一個彈床, 放響操場滑梯果個位比佢地玩, 都好開心架.

jlam

我打左成個下午架啦     

ireneirene

Hi cheuktungma,
我女女讀幼A班,佢有個同學仔好似叫卓彤,唔知你女女係咪又係讀幼A班呢？

id00288

Dear jlam

多謝謝你的分享
給我們k1家長寶貴的經驗
:  :  :

希望未來大家在這裡交換校學心德

各位家長:
今天收到家長教師會的通告
及訂閱課外書回條
你們會否幫手做義工?
有冇家長是教師會的成員呢?
會否訂閱刊物
那本好呢?

多謝大家

id00288

Dear Erica_chn

你好
你囡囡都仲細
在校內哭都好正常
我相信很快會識形
多上來看大家的分享啦!
  

kae

Hi 各位聖母媽咪﹕
物聖母唔係只收足3歲0既小朋友咩？定係我收錯料係2歲8個月呢？

因我囡囡向02年11月出世的，所以焗住要下年先報得名。但見你地有人講話而家返緊學都未夠3歲，如果係我今年都可以報名啦？係咪？唔駛佢repeat 1年k1嘛。

Joyful-Life

jlam,

多謝您的分享呀！
回想起去年9月中，我send過PM問您學校資料，估唔到我地囡囡可以做到校友添。

Joyful-Life

Hi id00288,

我囡囡叫羲穎。月尾才足3歲，但係老師反映佢上堂表現唔理想，所以要大家多多幫忙，交流下佢地上課的情況。

我係指上星期四那天，在大門外與您太太閒聊囡囡名字及出生月份後覺得好晒，又未入得操場，仲想找個唔晒的地方等，話口未完就入得操場；您站於附近，唔知有無印象呢？

我都係要返工，不過可以送囡囡返學，而放學就要靠我阿媽接喇。我於今個星期一請假接囡囡放學，我知老師會反映下小朋友上堂的表現，又或者係我地有問掛。

幫手做義工?
我估我會做到文書處理及協辦文康活動。
我只會訂閱學校推介之《學校與家庭》及《現代少年》合訂本
您地又會點呀?

Joyful-Life

Hi Kae,

您放心報名啦。

我覺得「聖母」好好呀，佢地收左好多未足3歲的小朋友，唔似其他「冷」有名的學校只收足3歲的小朋友。

唔知其他家長覺唔覺「聖母」收左好多「細女」呢？

Joyful-Life

各位家長：

您地有無留意到囡囡的名牌上多了個數目字的Label呀？

jlam

label colour 代表佢係x顏色組(如黃組, 綠組), 號數係佢響果組既號數, 有時老師會叫所有x號既人一齊做d野 ......., 等佢地認下數見字同colour, 耐唔耐會兜亂轉組, 等佢地識下其他組既小朋友

id00288

Dear jlam
早晨
你今早上來報料呀
今天唔洗帶囡囡上學嗎?
再次多謝謝你的題供
你會否加入做家長義工呢?

想問一下:
校曆表內,有星期六註明的"藝術探索"
是什麼活動呢?