發展遲緩 = 有智商問題嗎?

someoneelse

社工姐姐/哥哥打份工啫，對教育邊有心得架？！你唔使問佢地喇...協康果邊都話依家仲細測唔準囉...你唔信去資優教育果邊睇下，所有正式既IQ測試都係要到5-6歲先測到架！
至於I位學校，要睇地區嘛....你睇下你住果區有邊幾間，然後親身拜訪，同人地傾下...選好目標之後，再上黎 BK 開個 post 睇下有無媽咪有意見...我只可以講，人地既意見只可作參考，因為人人要求唔同，人與人之間，唔同人會有唔同化學作用，所以一切以你自己親身經歷為依歸！

原帖由 yeung99 於 09-5-29 15:45 發表
想問問以你手頭上既資料, 會有邊間i位幼兒園會係好呢?
剛跟社工傾過電話, 話小朋友發展遲緩, 當然係智力比人慢啦, 如不跟進有機會去到輕度弱智, 我一聽已哭了出來, 心情好亂
...

someoneelse

其實有經驗既 PST 係可以幫忙做一部份 ST 既工作的...所以初期可以唔使 ST 住，除非要執發音或口肌問題...

原帖由 shanyeungbb 於 09-5-29 17:00 發表
yeung99,
我仔仔同你仔仔差不多case, 肌肉發展沒有大問題(冇問題係因為已經有物理同職業治療師跟緊佢), 但係言語同認知都慢。我排緊e位, 因為仔仔已經找到幼兒園, 等待8月開學, 依家未排到e位同返學時, 同佢即刻找 ...

shanyeungbb

其實我都擔心同樣的問題, 即發展遲緩 = 智商有問題?  不過現階段我都係冇想太多, 依家知佢言語同認知發展慢, 就找言語治療來幫佢, 自己都跟治療師學如何同仔仔溝通, 希望佢有進步。

shanyeungbb

我找了協康, 亦即刻交「幼兒訓練服務」的報名表, 但都係要排期。現階段我再唔知可以在那裡找即時可以做治療的PST, 所以只好找 ST (因即時有位做治療)

原帖由 someoneelse 於 09-5-29 17:06 發表
其實有經驗既 PST 係可以幫忙做一部份 ST 既工作的...所以初期可以唔使 ST 住，除非要執發音或口肌問題...

ioi

原帖由 shanyeungbb 於 09-5-29 16:33 發表
i 位 : 幼稚園暨幼兒中心兼收弱能兒童 (Integrated Programme in Kindergarten-cum-Child Care Centre)
e 位 :  早期教育及訓練中心 (Early Education and Training Centre)
s 位 : 特殊幼兒中心 (Special Child Car ...

多謝你的解答.

現在囡囡一個月一次去瑪嘉烈醫院見醫生, 今早已做了第一次物理治療, 護士話佢係痙攣 (我聽完這個term好depress, 好擔心無得醫... 痙攣的話豈不是讀特殊學校都讀唔掂?...), 不過好彩未試過抽筋, 宜家要教佢放鬆肌肉, 物理治療一星期一次. 另外職業治療就排緊, 唔知排到幾時.

另外由於佢頭圍好細好細, 下星期去做ultrasound照個腦, 試下從腦筍未生埋的位置照下個腦有無事. 如果照唔清楚就要排期做電腦掃描, 但係有幅射, 同埋要等8個月. 如果做完電腦掃描醫生認為有需要先再排期做磁力共振照個腦, 但又要再排8個月. 我打算唔排政府, 直接帶佢去私家醫院做磁力共振.

someoneelse

係呀...依家最老土既就係咁囉...你住邊區？

原帖由 shanyeungbb 於 09-5-29 17:12 發表
我找了協康, 亦即刻交「幼兒訓練服務」的報名表, 但都係要排期。現階段我再唔知可以在那裡找即時可以做治療的PST, 所以只好找 ST (因即時有位做治療)

...

shanyeungbb

我個仔都係去瑪嘉烈物理治療部, 由8個月大做到依家2歲大。我覺得瑪嘉烈物理治療部d治療師好好, 我依家都當個治療師係我個friend, 有機會就同佢傾下阿仔的情形。

我阿仔亦係去瑪嘉烈兒科部, 6個月大時, 頭圍大, 醫生曾建議佢去做腦掃瞄, 不過我地怕對佢身體唔好, 冇俾佢做, 依家醫生話佢個頭圍一直keep 係最高個條生長線, 到依家醫生話佢頭圍ok, 冇需再考慮做腦掃瞄。

由於已搬屋, 因此佢兒科部case將會轉去港島醫院繼續跟進。

yeung99

而家最慘就係我又無時間又無金錢, 所以即刻睇下有咩幼兒園可即刻可以返, 而家就搵到一間, 星期一返, 我打過去協康問, 佢地話要收成600, 450(係2個訓練, 唔記得邊個打個), 我負擔唔起呀, 所以而家都唔知可以做的咩, 嗚嗚....

原帖由 shanyeungbb 於 09-5-29 17:12 發表
我找了協康, 亦即刻交「幼兒訓練服務」的報名表, 但都係要排期。現階段我再唔知可以在那裡找即時可以做治療的PST, 所以只好找 ST (因即時有位做治療)

...

shanyeungbb

我心急, 希望把握早d介入治療, 我住港島東呀!  協康話過有機會6月中排到幼兒訓練。希望得啦!

原帖由 someoneelse 於 09-5-29 17:35 發表
係呀...依家最老土既就係咁囉...你住邊區？

shanyeungbb

我報了450/50分鐘 個訓練, 唯有自己省點錢, 希望幫到阿仔咋

原帖由 yeung99 於 09-5-29 17:53 發表
而家最慘就係我又無時間又無金錢, 所以即刻睇下有咩幼兒園可即刻可以返, 而家就搵到一間, 星期一返, 我打過去協康問, 佢地話要收成600, 450(係2個訓練, 唔記得邊個打個), 我負擔唔起呀, 所以而家都唔知可以做的咩,  ...

yeung99

我唔係唔信你, 係我自己過份擔心, 個社工仲同我講呀, 好多父母都好似我咁, 唔想比人標籤左, 佢話人地間學校都唔標籤你, 咁你仲想點呀, 仲話剛剛有個6年前既小朋友都做左評估, 但佢屋企人無跟進, 而家個小孩上左小一, 係學校成日比人投訴, 先知個仔真係有問題, 而家個仔要讀特殊學校呀,

原帖由 someoneelse 於 09-5-29 17:03 發表
社工姐姐/哥哥打份工啫，對教育邊有心得架？！你唔使問佢地喇...協康果邊都話依家仲細測唔準囉...你唔信去資優教育果邊睇下，所有正式既IQ測試都係要到5-6歲先測到架！
至於I位學校，要睇地區嘛....你睇下你住果區有邊幾間，然後親 ...

yeung99

呢個係言語定係幼兒早期訓練呀?

原帖由 shanyeungbb 於 09-5-29 17:55 發表
我報了450/50分鐘 個訓練, 唯有自己省點錢, 希望幫到阿仔咋

shanyeungbb

「幼兒訓練服務」是為0-6歲有發展障礙而正在輪候服務的家庭提供早期幼兒訓練及家居訓練諮詢服務。
幼兒導師會先評估小朋友的能力, 再建議如何上訓練, 可以去以下網頁參考:
http://www.heephong.org/chi/slp/files/pstforms.pdf

原帖由 yeung99 於 09-5-29 18:00 發表
呢個係言語定係幼兒早期訓練呀?

someoneelse

唔係想話你...之不過你真係唔需要理個社工講咩...事實上，上得黎既父母，我夠膽講，都無邊個未曾為自己仔女而喊過或情緒低落過呢？！

加油！

原帖由 yeung99 於 09-5-29 17:59 發表
我唔係唔信你, 係我自己過份擔心, 個社工仲同我講呀, 好多父母都好似我咁, 唔想比人標籤左, 佢話人地間學校都唔標籤你, 咁你仲想點呀, 仲話剛剛有個6年前既小朋友都做左評估, 但佢屋企人無跟進, 而家個小孩上左小一, ...

MARSTEN

我覺得如果你小朋友讀k1,可以入幼兒園讀,因為全日既課程幫助不少,另外如果你排到I位就最理想,因為我仔仔去協康做左3年training,可以講如果只靠係果度做果一個鐘,基本上無咩幫助,最幫助到佢地就係我地係屋企都常常同佢做姑娘佢既野,so我老公話斎去上堂跟本就係for家長,因為堂堂都要家長一齊上,等家長番屋企照做
我仔仔最初就係選早期,無去讀全日幼兒學校,所以K1,K2係傳統幼院咩都學唔到,因為太多人,半日制,兩年既進步都唔多,所以上年9月入左一間全日幼兒學校,有I位,不過我仔係普通位,佢地都好有heart接受佢同train多d佢唔得既方面

原帖由 yeung99 於 09-5-29 17:53 發表
而家最慘就係我又無時間又無金錢, 所以即刻睇下有咩幼兒園可即刻可以返, 而家就搵到一間, 星期一返, 我打過去協康問, 佢地話要收成600, 450(係2個訓練, 唔記得邊個打個), 我負擔唔起呀, 所以而家都唔知可以做的咩,  ...

cltm

可以告知你小朋友讀嗰間 i 位係邊間嗎? thx

原帖由 MARSTEN 於 09-5-30 15:25 發表
我覺得如果你小朋友讀k1,可以入幼兒園讀,因為全日既課程幫助不少,另外如果你排到I位就最理想,因為我仔仔去協康做左3年training,可以講如果只靠係果度做果一個鐘,基本上無咩幫助,最幫助到佢地就係我地係屋企都常常同 ...

yeung99

只想訴心聲, 得多專業人士既解釋, 就愈驚, 連自己都覺得個仔係有問題, 嗚嗚..................

yeung99

今日見完社工，再問左２間有兼收位既學校，佢地話大部分都會追得返，我已經有左決定，唔再三心兩意，讀而家囝囝已經返左２日學既學校，因有兼收位，但要排隊，老師知佢既情況，問過好多意見，雖然話幼兒園課程係淺o的，但而家亞囝最緊要係追返個進度，我都唔再亂諗佢係咪輕度智障，希望大家一齊努力啦～！　

MARSTEN

我pm左俾你,唔知成唔成功呢

原帖由 cltm 於 09-6-1 13:50 發表
可以告知你小朋友讀嗰間 i 位係邊間嗎? thx

MARSTEN

對佢地黎講,深淺已經唔重要,最重要係要搵有愛心既學校,如果唔係第日佢地會無自信架...

原帖由 yeung99 於 09-6-2 21:13 發表
今日見完社工，再問左２間有兼收位既學校，佢地話大部分都會追得返，我已經有左決定，唔再三心兩意，讀而家囝囝已經返左２日學既學校，因有兼收位，但要排隊，老師知佢既情況，問過好多意見，雖然話幼兒園課程係淺o的，但而家亞囝最緊要係追返 ...