York vs 礸石山靈糧堂

kiukiu1010

ppsfung 發表於 12-2-14 17:03
我囡囡當年都差不多(已畢業),.. 我有搭校車和Join學校茶點, 但雜費方面我小心選擇, 例如顏色筆已買了,我下 ...

請問你囡囡依家讀緊邊間小學呢?

fishballbaby

K1額外雜費，開學以來，只是給了HK$23買秋英，和HK$190參加閱讀計劃，這些也是自願性質。
不過我有join茶點，因為我懶。
學校課外活動，一樣也沒有參加，也沒有搭校車。

ppsfung

Paris626 發表於 12-2-14 22:42
照咁講我初入學可以唔join雜費個part定下學期先唔join?

第一次雜費比晒會較好,因為雜費包括書包,功課部等必要東西...好多項目,但其實每樣都唔算收得貴.
校服都包括在雜費內,以前校服未轉款,夏季衫可在九龍城的昌記和維多利亞買,平很多,但手工不及在校買的好.現在轉了款,我不清楚在外能否買到.

到了下學其的雜費單,可以比較清楚有什麼己經買咗,己經有的便不需再買. 例如顏色筆(木顏色,蠟筆,粉彩),書包,手冊和膠套,FILE可以重用, 此外,節日禮物我都K.3無買 (我事先已同囡囡講好咗,而佢都話唔鍾意學校的禮物,派禮物時老師會特別同囡囡講,因問過媽咪話唔買,所以佢無,有次老師比咗張貼紙佢,所以我囡囡無唔開心,而且我覺得老師很細心)

可以唔JOIN的是課外活動... 我覺得應先等小朋友識應新環境, 下一步才跟據能力興趣去決定是否需要再學額外的活動,咁大家都會輕鬆D.

ppsfung

Paris626 發表於 12-2-14 22:48
請問ppsfung你囡囡和鄰居最終升了那間小學？

我地都係讀津貼小學,我囡讀屋企附近的保良局何壽南小學(第三階段叩門入),鄰居因宗教喜好,比囝囝讀九龍灣的基督教小學,唔記得叫基X定係X基 (派位入)

讀K3時老師會同小朋友傾計問佢地有無考小學,我囡囡話聽到考第一的同學話佢選男拔,另外都有同學考到陳守仁,德望.... 但其實唔係個個都讀直資,在畢業禮時我問其他家長,佢地都有好多打算讀番讀津貼小學,考私校只為做BACKUP.所以其實唔一定好有錢先讀YORK.

Paris626

其實升直資既我都無所謂，只要間學校係好就得！我宜家係主婦，我諗囡囡升小學我會出番黎做野，到時經濟環境會好啲！

Paris626

我見好多york既家長今年都唔join茶點！未知佢地食咩？如果自己帶又可帶咩？

ppsfung

fishballbaby 發表於 12-2-15 00:06
K1額外雜費，開學以來，只是給了HK$23買秋英，和HK$190參加閱讀計劃，這些也是自願性質。
不過我有join茶點 ...

我連閱讀計劃都無參加...學術上的我都沒參加, 只有參加種花,買球拍打TENNIS嗰D....唔知老師會否覺得我係"貪玩家長"呢

我完全無參加課外活動, 因校車費好貴,課外活動無得搭校車,而課外活動+校車的車費又貴,等如除咗學費外仲比咗2次貴校車錢, 係屋企附近學只需比學費,化算D. (我無人可以接送,一定要搭校車)

ppsfung

Paris626 發表於 12-2-15 10:32
我見好多york既家長今年都唔join茶點！未知佢地食咩？如果自己帶又可帶咩？



  ...

我當時問囡囡,佢話都有同學自己佩帶茶點. (佢識講咁多嘢時已經係K3,所以較細的情況我不清楚)

聽囡囡講有三文治,果汁先生,餅乾,米粉,都幾多款式... 係學校食一定貴過自己帶,不過我記得當時我問囡囡食乜嘢,然後同佢表弟(屋村學卷幼稚園)比較,印象中囡囡食D嘢衛生企理D和高級D,所以我覺得分錢分貨.

tinnybiz

請門家長門YORK 的學生多數考到的直資小學有那幾間?是否只有英普班的叻學生才考到上述學校?

ppsfung

Paris626 發表於 12-2-15 10:28
其實升直資既我都無所謂，只要間學校係好就得！我宜家係主婦，我諗囡囡升小學我會出番黎做野，到時經濟環境 ...

請問你是否住黃大仙區? 點解你會報鑽石山靈糧?

聽你講嘢我覺得你好似偏向YORK多過鑽石山靈糧 (慼感覺)

當年我囡囡考唔到鑽石山靈糧 (佢係細女,考學校很蝕底), 後來K2插班讀YORK...所以當時我很羡慕我鄰居.

我有位教書朋友囡囡在鑽石山靈糧畢業,佢話這學校的教學方法非常好,訓練到佢囡囡的創作力和思考力,所以佢囡囡和同學上到小學後都很容易理解課程,唔會讀死書,仲好鍾意讀書.

而我鄰居又話覺得鑽石山靈糧不夠谷,只用老師的教學工具教,不是跟課本教,所以很需要家長跟本地教學方法去教小朋友,因牫鄰居讀書不多又要返工,所以小一初期佢囝囝成綪不好,所以佢話唔會比細仔讀番這間.

另外,請問YORK現在幾錢學費? 本地班和國際班要分開報嗎? 你仲考咗邊間?
,我都在考慮的幼稚園問題, 鑽石山靈糧和YORK也會考慮...另外仲有劍鳴,金巴倫,ST CAT...

MAMA-BEANBEAN

回復 ppsfung 的帖子

FYI, N1 LOCAL STREAM : $3,600.00  INTERNATIONAL STREAM : $4,200.00
NOT SURE IF IT KEEPS THE SAME FOR 2012-2013 YOU MAY WANT TO CONSULT WITH SCHOOL DIRECTLY.

Paris626

我覺得york課程有助囡囡扣門考小學，最初怕負擔唔起！至於我同囡囡考過民生，培正，根德，宣道，劍鳴（全唔收），而基督教中心，史德福（收左），不過有依兩間較好既係手所以無留位！啟思，又一村就撞期無去到！聖若望英文就病了又係無去！我都係住黃大仙的

Paris626

宜家有啲後悔無同佢報st.c德望同聖心！

homepridealice

好多謝loloyen, YORK用家講番實際情況可信些.

ppsfung

Paris626 發表於 12-2-15 13:58
我覺得york課程有助囡囡扣門考小學，最初怕負擔唔起！至於我同囡囡考過民生，培正，根德，宣道，劍鳴（全唔 ...

你報得培正,即係你囡囡唔係細B啦... 我細女11月出世,好難揾到好幼稚園.
出生率越來越高,幼稚園競爭真係好激列,



york課程有助囡囡扣門考小學: 都可以咁講,因YORK都算有D名氣 .... 但都要睇吓同咩學校比,...
黃大仙是否小學 net 45 ? 我覺得這個網很好,學校多,而且大部份都唔算差, 以"窮人"來講呢個係好校綱.

如果你打算讀傳統式的小學,YORK會較好,因為教學模式和傳統小學接近,日日有寫字功課,,定期默書,考試前又出通告叫家長幫小朋友温習,K3尾自己寫手冊,上小學後較易識應.

Paris626

我都係咁諗！易適應小學！我打算選擇外家校網（佐敦），我唔清楚校網號碼！其實我對大抽籤無咩寄望，所以都係操fit個女去扣門好過！

Paris626

我個女係六月出世，屬中仔！

kiukiu1010

ppsfung 發表於 12-2-15 14:31
你報得培正,即係你囡囡唔係細B啦... 我細女11月出世,好難揾到好幼稚園.
出生率越來越高,幼稚園競爭真係好激 ...

黃大仙係43校網,45校網係鑽石山同慈雲山,我住係45校網,正頭痛緊有咩官津小學好.

kiukiu1010

聽人講嘉諾撒小學幾好,但只得一間,其他完全唔識,你有無其他心水?你小朋友讀k幾?

ppsfung

kiukiu1010 發表於 12-2-16 11:12
聽人講嘉諾撒小學幾好,但只得一間,其他完全唔識,你有無其他心水?你小朋友讀k幾? ...

我女的補習社老師話net43嗰間(舊校) 好過 net45嗰間.




係呢2個綱來講,保良局和嘉諾撒學校好熱門.  保良局同保一中學聯繫, 嘉諾撒成績好,考番九龍城區的嘉諾撒學校應該有優勢 (女仔)