小一考試成績

仔仔錫錫你

雖然成績一般，但我非常欣賞小兒学習態度。好似昨日中午叫他先看thomas晚上抄寫生字，但在廣告時段他就走去抄寫說不要浪費時間，反正廣告唔好睇，非常認真。所以雖仍在測驗當，今天亦會帶他去迪迪尼玩(教師日放假)，以表懂得分配時間的獎勵。

scyu88

上星期考完試，4科都有9字頭，其實可以拎100分，因太大意了，聽阿仔說班上很多人都有9字頭，所以有好分數並不出奇，老師說第一次考試比較容易，只要有溫，一定可以的，希望下次都可以有呢個水準。

josewing

仔仔錫錫你 發表於 12-11-5 10:53
雖然成績一般，但我非常欣賞小兒学習態度。好似昨日中午叫他先看thomas晚上抄寫生字，但在廣告時段他就走去 ...

好叻呀你, 你占教到佢能夠自動做功課呀?

celiamum

妹妹昨日剛派數學卷...佢同爸爸講係93分...
當我返到屋企叫佢比份卷我睇...佢才發現原本係98分...
佢錯咗一題...仲要係先前已經講解咗好多次....
anyway, 大家都滿意... 簡直係意想唔到...意料之外...

celiamum

昨天..派了英文同中文卷...
意料之外....
英文- 95
中文- 85

測驗前....佢無咩溫書...練字....每次溫書、練字都多多借口...我唔想勞氣, 唔想比壓力佢...最後由得佢去瞓覺..唔溫就算　！

所以..無諗過佢可以咁好成績....
可能其他小朋友都考得好好...
但對於我地來講...已經好滿意、好開心....

仔仔錫錫你

回復 josewing 的帖子

叻咩鬼! 要付出架, 佢自動波係自小train 返來, 由約9個月大, 我地已經要佢玩完一樣玩具,必須放回原處才可拿另一玩具; 當歲幾時, 其他小朋友玩完一大堆玩具之後去認字時, 佢就仍然傻下傻下一個人把lego 一件一件放回箱子(工人姐姐就un un腳), 久而久之其責任感就倍養了.  昨晚, 朋友送了一疊攀石coupon(小兒愛玩攀石)只可用於星期5 晚8時後.  小兒知道後當然開心我亦想帶他今晚去玩玩.  我說去玩無問題, 但星期六已經有攀石班及畫班, 星期日又去西貢行山坐船, 下星期3更要考試, 你如果認為無問題"我攪得掂"咁星期5 晚就去攀石; 如果認為考試緊要d遲d先玩都得, 咁就遲d先去返正我一定帶你去.  最後他亦作出了恰當的決定.

cl76215

我個仔中,英數常都ok, 有八十幾,- 九十幾分, 但普通話得四十幾, 依科我真係唔識教佢, 真係啱啱小一, 之前又未學過拚音, 係咪要出去補普通話呢?

呀芝

小一二要讀好D,因為係基礎
每科至少80,正常90左右

但係讀得唔好都唔洗灰心,我見過有人小三先開曉

qoo_pooh

請問你們學校小一會不會跟書 / exercise 的句子照出?  即背了就可以拿高分?

亞仔學校的卷同平時exercise 和書的字眼全部不同, e.g. 供詞填充的句子是完全無見過的, 所以一定要明意思, 不能直背喎
我覺得有D似中學的模式, 要融會貫通, 還會轉彎問同一樣東西

閱讀理解已經問故事教訓什麼, 不驕傲, 要謙虛這些字直頭文章是無出現過, 所以一定要明故事先可以答到.........
還有一題問難看的反義詞, 難看又是文章沒有出現過的, 仲要問反義詞, 真係理解差D都唔掂.............

我記得以前細個是直問直答, 尤其小一, 所有答案都可以在文章中找到, 點知現在已不是了, 我覺得有80分已很好了, 所以我唔明點解人人話小一淺

仔仔錫錫你

回復 qoo_pooh 的帖子

也不是壞事，反正大家在校學的都一樣，只有另類題目才可分出高低。

qoo_pooh

仔仔錫錫你 發表於 12-11-14 10:24
回復 qoo_pooh 的帖子

也不是壞事，反正大家在校學的都一樣，只有另類題目才可分出高低。 ...

呵呵..............全份卷都係另類題目...............

其實我覺得幾好, 因死背是沒有意思, 要識得運用才是自己的學問
只是我唔明是我仔仔學校特別, 還是一般學校都係咁呀..............
因人人都話小一, 二好易, 通常都有9字頭先收貨

kp_sin2001

我個仔小一. 中英數全部係唔跟書本字眼出, 包括中英既閱讀理解, 絶對要識字同理解才能答對, 今次測驗才知阿仔英文生字不夠, 中文比想像識好多, 可能睇中文圖書多過英文, 所以日後會比多啲英文圖書睇, 現今讀書不能和以前比, 現在不可以死讀, 一定要腦筋靈活.

irenelwl

回復 呀芝 的帖子

AGREE , 最緊要不要放棄, 遲好過完全唔得

qoo_pooh

kp_sin2001 發表於 12-11-14 11:33
我個仔小一. 中英數全部係唔跟書本字眼出, 包括中英既閱讀理解, 絶對要識字同理解才能答對, 今次測驗才知阿 ...

same here ~~
咁你地容易取90分嗎?

Reddish

你要睇下老師怎樣同他溫習,因為好多時他們是識,但形式答錯,如供詞填充又自己作另一些字上去,或是填ABC選擇,他又看不明白。

kp_sin2001

qoo_pooh 發表於 12-11-14 14:09
same here ~~
咁你地容易取90分嗎?

我都估唔到阿仔都有90分以上, 最差英文得80分, 但我已很滿意了, 唔係經過今次test, 真係唔知小朋友理解能力既程度, 所以各位mama, 第一次失手唔緊要, 最重要知問題係邊, 日後要努力幫小朋友改進先最重要

KaineWong

我個仔間學校每一兩個禮拜就要背默中文同英文
中文都OK嘅，95-100
英文就要努力啲幫佢溫書先得囉，因為有加分題，總分125，佢考咗幾次都係105
亞仔玩心重，我要慢慢教返佢入正路
英文背默，次次都有4-8個句子+5個英文生字，其實我覺得啲小朋友都學得幾辛苦，同學仔家長話佢個細路溫書溫到喊，先一年班咋，睇見都心痛啊
我覺得如果低年班教聽講，高年班再教讀寫會好啲囉。。。

kp_sin2001

KaineWong 發表於 12-11-15 11:35
我個仔間學校每一兩個禮拜就要背默中文同英文
中文都OK嘅，95-100
英文就要努力啲幫佢溫書先得囉，因為有加 ...

我個仔都試過喊, 當時心情真係好痛, 小一啫.唯何要整到喊呢, 之後我選擇停止温了, 唔識就唔識吧, 迫都係無用, 現在我唔迫了.讀書天份佔60分, 用功佔40分, 開心讀書至少入到個心.