大家對體罰的體法?

superccc

試過掌嘴，打手板

superccc

試過打手板，掌嘴巴。
打完有後悔，但有覺得俾佢知道嚴重性

mya

原帖由 terry_andriy 於 13-11-04 發表
其實我覺得只係社會時代變左，當然我個人亦唔讚成用體罰處理，但有時候適當嘅體罰我亦會有，冇話應該不應該 ...

我認為適當既體罸無問題，如打下手板，pat pat, 罸企，但係只限父母去罸小朋友，而父母亦唔可以在自己情绪失控下去體罸小朋友。

teambuilder

從來冇打，罵都很小。唔係因為佢地乖，只係因為兩個女都受軟唔受硬。其實小朋友好多時係控制唔到自己（例如咬手，玩刀，入廚房搞，玩火。。。），如果係咁，打可能有阻嚇作用。你問我打人啱唔啱？唔啱。但如果可以打醒佢地，為人父母既都唔會介意當衰人。有d事要發生可以好快，唔到你慢慢等佢地明白。

Parisienne

terry_andriy 發表於 13-11-7 00:19
又唔係叫你拳打腳踢個小朋友！想法唔駛咁偏激！打手仔或pat pat 都係體罰，咁我又覺得可以喎，有時講得聽更 ...

我想法激唔激就見人見智吧。

其實覺得打pat pat無問題，係因為多肉ｄ唔痛？定pat pat呢個部份搞笑ｄ，所以令件事無咁嚴肅？
點解小朋友pat pat就體罰下無妨，大人pat pat就點下都構成嚴重侵犯？

我就覺得被人打籮友其實都幾羞辱，有點〝要你知醜〞的意思。

老實講，打人唔啱，唔明點解仲要將件事合理化、再分成頭、手、臉、pat pat...等不同部位？
拳打脚踢就梗係唔得啦，監都有得坐！
你可以繼續話我想法激，但點都激唔過打吧！

Parisienne

teambuilder 發表於 13-11-7 08:47
從來冇打，罵都很小。唔係因為佢地乖，只係因為兩個女都受軟唔受硬。其實小朋友好多時係控制唔到自己（例如 ...

Agree!當然，你講到細個玩火，玩刀甘危險，如果教又唔聽喝又唔停拉都唔走，，你唔打醒佢警察都拉啦!
呢種頑童可能打都無用，或者打完仲衰。
正如打仗動武鎮壓以暴亦暴一定唔好，但非常情況下又能停止嗎?

hknote

我小時都有比父母用藤條打patpat, 手等，又唔覺好大件事，甚麼有冇權打我都冇諗，因知道百厭，亞媽鬧過，但仍挑戰佢，所以下場用籐條，到宜家同媽咪傾返都好笑。

絕对無憎恨父母少時打我，因知道甚麼情況下父母先用藤條，我宜家甘大個，冇學壞過，仍然同佢保持良好關係

ic07

原帖由 hknote 於 13-11-07 發表
我小時都有比父母用藤條打patpat, 手等，又唔覺好大件事，甚麼有冇權打我都冇諗，因知道百厭，亞媽鬧過，但 ...

Parisienne

terry_andriy 發表於 13-11-7 17:42
乜打五歲前小朋友的pat pat 會係羞辱嗎？乜你認為孩子到十幾歲嘅話父母會再打佢pat pat 嗎！點解要分開頭身 ...

算吧啦...
即係有好多阿拉伯人覺得打老婆無乜大不了，而被打的老婆亦覺得這是受教的表現...觀念問題。
哈!可能我甘講又惹來爭議，不過體唔體罰向來都係惹火題目。
討論下都好，希望多d人會三思。
我當然放鬆，又唔係打我小朋友的patpat...

魚兒小寶貝

Parisienne 發表於 13-11-7 18:21
算吧啦...
即係有好多阿拉伯人覺得打老婆無乜大不了，而被打的老婆亦覺得這是受教的表現...觀念問題 ...

識得有個家長，佢囝三，四歲時好曳，佢忍唔住打囝，佢阿媽同佢講，你生佢出黎，責任唔係打佢，責任係諗辦法教好佢。。。佢比阿媽點醒左，唔再打囝，佢個囝愈來愈乖。

魚兒小寶貝

hknote 發表於 13-11-7 13:41
我小時都有比父母用藤條打patpat, 手等，又唔覺好大件事，甚麼有冇權打我都冇諗，因知道百厭，亞媽鬧過，但 ...

以前好多父母都係咁，一來風氣，二來佢地教育水平可能較低，三來比較多勞動階層比較粗魯等等。當我地接受得多教育，識分對錯，亦識體諒上一代，所以關係多數唔會太差。
你曳所以被打，暫且唔好講合唔合理，但，如果回到過去，你有得選擇的話，你小小既心靈，係希望被打，還是希望父母用另一個方法＂教導＂你? 我細個勁曳，亞媽當然打我，但佢愈打我反抗愈大，眼見有d朋友直情離家出走。。。

大個之後我地姊妹都好孝順父母，因為我地識諗。但，我深信，如果當年亞媽唔係用打黎教我，我性情一定更好，母女間一定更親密。

Parisienne

魚兒小寶貝 發表於 13-11-7 22:04
識得有個家長，佢囝三，四歲時好曳，佢忍唔住打囝，佢阿媽同佢講，你生佢出黎，責任唔係打佢，責任係諗辦法 ...

你講得好啱，一下打落去有邊個唔識？

時代進化了，體罰唔單只講緊父母子女之間的打教，也可以伸延到國家對人民 (如新加坡打藤、阿富汗石刑...) 、老公對老婆、老師對學生、甚至以前老爺奶奶都可以打教新抱！(你試下今時今日你奶奶叫你跪低？...無嘢呀奶奶...)
但我相信世界上依然有好多地方盛行。
再講落去，體罰更可以伸延至是否應該癈除死刑？

我覺得人是有思想的，用打的方法去馴服一個人並不是好方法。

希望多ｄ父母改用其他教法來代替打。

Parisienne

terry_andriy 發表於 13-11-8 00:32
我朋友個朋友絕對係慈母，從來冇打過佢仔，日鵝夜鵝，但可能又唔係好識教，個仔依家喺男童院！睇你點睇



  ...

我的睇法是：
男女童院甘多人，我唔相信入親去嘅都未被阿媽打過囉？
我又唔信入黑社會呀、賣白粉呀、坐緊監呀、等等誤入歧途的通通都係因為細個無被阿媽打過囉。
所以我唔覺得同打有關。

judy

昨晚，阿仔又打橫跪係沙發上，頭向下，pat pat 向上咁睇書，已過9:30分了，叫好多次，佢采都唔釆。我激起上來，掄起巴掌，向pat pat大力打去。打得我手隱隱作痛。隔一陣，阿仔先伸手猛咁摸。

到佢睇完一段落，佢先起身。我問佢："知痛了嗎?"。佢話，先一陣熱辣辣，然後好痕。佢仲話，唔該我下次咩打到佢咁痕。

激死我。

Parisienne

terry_andriy 發表於 13-11-8 09:10
索x咗！上x左腦。越講越誇張。

Ek係大家討論自己睇法的地方，我唔想知你X代表咩，你大可以以理服人，犯不著人身攻擊!