派入聖方濟各傾下啦。

小小魚兒

放心 , 如無意外有六年時間比囡囡慢慢習慣行斜路 。 我是住附近的，未放榜前已經同囡囡行過幾次經聖佛蘭士街上學校 , 問過她對這間學校觀感及對呢條長命斜的意見 , 反應是正面的 !

小小魚兒

大家對普教中有什麼看法 ? 應該用什麼方式去衡量普教中是否適合囡囡 ?
因現時仍不懂怎選擇才是相對比較好

yfchoy

小小魚兒 發表於 14-6-17 14:08
大家對普教中有什麼看法 ? 應該用什麼方式去衡量普教中是否適合囡囡 ?
因現時仍不懂怎選擇才是相對比較好 : ...

我會好視乎囡囡的普通話能否聽得明白

sunnyvivian

原帖由 小小魚兒 於 14-06-17 發表
大家對普教中有什麼看法 ? 應該用什麼方式去衡量普教中是否適合囡囡 ?
因現時仍不懂怎選擇才是相對比較好 : ...

如果完全聽唔明普通話，家長又無咩支援，我覺得會需要頗長過渡期，畢竟中文科唔再係幼稚園階段的日常生活對答。

TinHay

回覆 chichibb 的帖子

SFCS 不是英文小學，並沒有英普班。只有普教中班和廣東話中文班。
除了上英文堂，其他科都是中文書。

chichibb

我知呀，只係錯手寫錯左

ChloeCharlotte

普英班

ChloeCharlotte

小一有普英班嗎?  是英文教數? 請指教。

eli_leung

中文小學，只有英文用英語教，其他中文教，每級4班，其中2班普通話教中文，沒有精英班

紅蜻蜓姨姨

回覆 sunnyvivian 的帖子

聖心私校和聖方濟各都收了小女，點揀好？哪間有可愉快學習而充實，照顧學生心靈發展，多課外活動，而且派位好。
我家住鰂魚涌，知道聖方濟各課程好，而且近D，但聖心名氣大，書院好過聖方濟各，但遠D，早上要六點半上車，好煩，吾知怎樣才是對女最好的?

sunnyvivian

原帖由 紅蜻蜓姨姨 於 14-07-01 發表
回覆 sunnyvivian 的帖子

聖心私校和聖方濟各都收了小女，點揀好？哪間有可愉快學習而充實，照顧學生心靈 ...

聖心名氣的確大D，不過係半日同埋要比學費，根據自己衡量啦。功課就應該聖方濟各多D。中學都係就聖心好過聖方濟各。已經7月啦，我覺得你應該儘快決定，吾好留住兩個學位，因為有好多派得好差而未有著落的小朋友真係好彷徨。

cheechi

小小魚兒 發表於 14-6-16 18:13
想問一下 , 可否由堅尼地道中學部入口 , 行番去小學部架 ?
我見早上好多中學生行去合和中心 , 由皇后大道東 ...

唔得架, 因為中學部係山腰(堅尼地道)，小學部係山腳　（st francis street），當你行過堅尼地道條長命斜,就知道船街小小斜路只不過係小兒科

cherrynequ

我女係小學部上，依家已經在中學部，準備升 S2

小學部： 坐 MTR 在 金鐘太古廣場 3期出，係幾遠下，但全程有冷氣，有 "亞" jei 頭，但出左街，始終有一小段路先到學校，路就麻麻地好行，但如果坐校車就唔使理，我女都係坐校車，直入到學校，打風落雨都唔驚，唯一唔好係太貴同好早上車，我地住東區，當時係 6:45 ／ 50 左右就開車走，不過，習慣左早起身都OK，依個都係好習慣。即使上左中學部有校車坐 （7:15 開車）都係慣左 6:00 左右就起身。

中學部的入口在堅尼地道，同小學部入口不同，小學部學生不能由中學部入口落 （需則兩邊都通到）
中學部出左合和之後條路先西利，每次我去都喘哂氣，所以好少再返去，不過D女仔都習慣哂，要對你地D女放心，來緊這幾年，佢地絕對有能力可以適應到，加油

Clever_BB

為什麼現在還問這些問題？教育局應已通知私小St.Francis 收了你個女。我半年前跟妳的情況一樣，我選了St. Francis。我喜歡SFCS新校舍，全日制及自訂教才!

acaiberry

回覆 紅蜻蜓姨姨 的帖子

其實你心裡面已經揀咗，名氣只有高低之分，而其他方面都只係觀點與角度的分別。如果真的介意路程遠，你早已不考慮聖心，因為中學離東區仲遠。
希望你快啲做決定，留個位俾有需要的小朋友。

acaiberry

回覆 cheechi 的帖子

我經歷過N年每日揹一大疊書行堅尼地道的特訓，有時學校有open day 之類，兩手空空行返去覺得好輕鬆

小小魚兒

想問下普教中與廣東話教中文 , 兩種班別小學生的普通話差別大嗎 ?

sunnyvivian

分班試有結果啦，我女入左普教中D班。有無D班同學仔一齊傾下。

chichibb

好緊張係咪真係每科都有評語架

sunnyvivian

原帖由 chichibb 於 14-07-16 發表
好緊張係咪真係每科都有評語架

每科都有，極滿意、滿意、尚可、不理想、極不理想、以上選項其中一項打勾。