海外留學year10邊個國家好

Macau媽媽

回覆 ELJCHL 的帖子

我囡今年都入讀英國政府寄宿學校Year 10 , 我都幾鐘意新西蘭, 環境好, 天氣好, 民風比較淳樸, 但考慮到英國認受性高D, 同考慮到學費全免, 只係比學校寄宿費, 及寄宿家庭費, 所以選擇左英國

ELJCHL

學費全免梗係去英國讀

wloi

Y9 去留學的好處大家都講過...Y10去亦唔係一定好弊。
我覺得真係好睇個小朋友的情況同性格。

我大女在香港講中學大學，不過佢班同學，唔少人出去讀 Y9, Y10同Y12。我開始考慮送細女出國讀書時都同呢幾班同學傾過。

Y12過去那班，通常都係因為讀讀下發覺中文真係好無把握合格，所以跳船。去到英國，真係無享受到校院生活，日日溫書，準備考A level，一定要成功那種。

Y9去的好處大家都講晒，唔重複。

Y10去的那班同學同我講，覺得自己Y10先去係正確的。佢話香港F3課程係好深，又多課目，操到自己好叻分配時間，同對每科都有認識。去到英國，選科無難度同發覺課程同香港中三的同科的程度差不多，所以不單止不吃力仲有少少優勢。

我地開完家庭會議之後，就決定細女 Y10去..如果佢轉心意的話，就到中5時再睇下需唔需要跳船。

Y10的弊處，學校收生要求相對高....考的科目亦多。比較蝕底的是外語，在香港無讀。英國學校，Y9會開始有introductory course 。

我報的那幾間女校都要睇完我女的成績表先決定俾唔俾申請表我。其實d學校係有預留學位Y10再收生的。我心儀的那幾間女校都有Y10位。

咁預備功夫當然要比 Y9去的多....有間學校要求英文要考到First Certificate English Grade C或以上。今年10月同12月都有得考。現在報考了10月，如果成績唔好，再考12月那次。在英國amazon 訂了好多練習自習。

外語呢，就去法國文化協讀暑期密集班，一星期3堂，一個暑假讀兩個term....開學繼續讀。去到讀 Y10，程度應該無問題。

跟住仲買左好多13+ Common entrance , KS3的練習做，預備考取錄試。唔做練習時就睇書，其中一間學校send 了個Y9課外book list給我，睇完真係嘩一聲，全部都係英國作家的書..成20本，咁就唯有密密睇。

呢個暑假，過得無比充實。

各人處境唔同。我細女由小學到中一都好懶，唔會自發性溫書，所以我先會想送佢出國，怕佢考唔掂DSE。自從決定出去讀Y10, 佢中二(即係剛剛過去的學期)...好勤力讀書，成績由中下上到中上以上，連老師都好意外。

問佢咩事轉性，佢話香港讀Band 1 學校，出國都要讀番Band 1學校，唔係無face，會俾朋友笑。所以今次考唔到Band 1學校的話，情願唔去，到中5再算。

所以應該係Year 幾去讀，真係無一個最好的答案。要因應小朋友的情況和意願決定。

Ruby1219

原帖由 wloi 於 14-08-10 發表
Y9 去留學的好處大家都講過...Y10去亦唔係一定好弊。
我覺得真係好睇個小朋友的情況同性格。

我同意好睇個別小朋友既情況。好似我個仔咁，我兩年前都有叫佢申請year 9 去英國，但佢吾係幾想，我無迫佢，拒絕咗AA offer 既interviews。
到舊年要apply year 10, 我專登同佢去睇學校，佢睇完好鍾意，加上呢一年佢大個咗好多，佢好肯定自己ready 同想去，話想出去外面睇下，亦都想試下離開爸媽自己過獨立生活。而家佢好期待。
雖然只係一年既時間，但小朋友既身心都變化好大。 而我一直覺得最緊要係小朋友自己既意願同心態，家長無得迫。

brother4

小朋友自己既意願同心態，家長無得迫,但都要同小朋友分析一吓,本港医科,法律/physiology,神科等....,DSE成績要有5/6個5**=是狀元才入到,但外國(不是英國,現因實習機會少)較容易入,起碼外國幾百間大學選擇,如果有個人目標是神科,早點出外較好.

bb818

Ruby1219 發表於 14-8-10 10:55
我同意好睇個別小朋友既情況。好似我個仔咁，我兩年前都有叫佢申請year 9 去英國，但佢吾係幾想，我無迫佢 ...

Ruby1219，我個仔同你個一樣，之前連遊學團都唔肯去，一年時間真估唔到依家係佢自己話好想佢。

Ruby1219

原帖由 bb818 於 14-08-10 發表
Ruby1219，我個仔同你個一樣，之前連遊學團都唔肯去，一年時間真估唔到依家係佢自己話好想佢。 ...

係呀呢一年好似坐過山車咁。
不過我個仔九歲已經去summer camps,  佢吾驚嫁，但係以前好痴家，而家吾係lu.

232

原帖由 scso 於 14-07-24 發表
回覆 Ruby1219 的帖子

Year10收生要求高，而且year9早一年去適應及預備gcse好D, 我仔都係今年去英國讀G9 ...

每年洗費多少？

Miss_Parker

回覆 wloi 的帖子

好好的planning 我好想出國讀書但家人5熟悉同無gum大財力(中學+大學), 所以我唯有自己搵資料同安排時間, 希望可過英國讀大學

basbyy

232 發表於 14-8-21 01:23
每年洗費多少？

其實學費真係間間學校唔同，個個地區亦唔同，近倫敦多數貴D，一般學費7,000-11,000磅一個 term不等，你睇下有無朋友有相熟 Agent，搵 Agent傾下，講比佢地聽你大約要D乜野，大約 offer幾多錢學費，佢地會幫你搞，放心，一般 Agent唔會收你錢，就算佢地幫你搞掂晒，你唔讀都唔駛比錢！！不過如果你確定選擇邊間學校時，而果間學校要考核下小朋友成績，就要比學校考試費，一般大約1,500HKD一間 (間間唔同)
！

AK_Fans

請問即是學費約二十萬，但一年約50萬左右，即是住宿雜費仲貴過學費，是嗎？亞仔今年升中二，我們打算他中四過去uk（讀year10）。借過位多謝大家，在此獲得很多資訊

232

原帖由 basbyy 於 14-08-22 發表
其實學費真係間間學校唔同，個個地區亦唔同，近倫敦多數貴D，一般學費7,000-11,000磅一個 term不等，你睇 ...

many thx!!!



有冇d好agent介紹？

232

原帖由 Macau媽媽 於 14-08-03 發表
本帖最後由 Macau媽媽 於 14-8-3 14:44 編輯

回覆 ELJCHL 的帖子

点先可以入政府寄宿学校？？

讀書叻？
公務員？

smallfoothk

之前樓主講過學校有平有貴，先講貴族學校要4萬鎊一年約52萬，平有萬6鎊一年約17萬，另小朋友能力一般有獎學金約10%至40%，如取40%獎學金=6折交學費，監護人公司及監護人收費間間都不同，是放假才到監護人家，有D計5O鎊一晚，35鎊一晚都有，如找朋友或同學做監護人最平，有2年足夠找到平靚正。

亮燈

232 發表於 14-8-22 16:17
many thx!!!

我是用AA的，唔錯。

angie_ma

回覆 smallfoothk 的帖子

你好, Year 7 可以申請供校嗎? 是否一定要是香港公務員? 我大女9月會去英國讀私立boarding. 計哂條數40萬一年無走雞, 仲有個細既....

232

原帖由 亮燈 於 14-08-22 發表
我是用AA的，唔錯。

sorry!

What means AA?

AK_Fans

謝謝你的解答，很詳盡，thanks

Macau媽媽

回覆 232 的帖子

因為本身有歐盟䕶照，所以有張入場券，跟著網上面試加作文做卷才入到，今年都用左成30萬，下年我計過約25萬，真係慳好多，私校很貴。

亮燈

232 發表於 14-8-22 17:40
sorry!

What means AA?

ACADEMIC ASIA