求方法

little_yolky

twlo 發表於 15-7-30 02:54
我個女今年升小一，她也是不喜歡中文，主要原因是唔鍾意寫字，但也會主動完成每天功課，因為同她說完成後可 ...

幼稚園時我同阿女玩過一個遊戲, 例如有 "一" 字, 可以加多一畫變成 "十" 字, 加多一畫變成 "土"字, 再加一畫變成 "王" 字。又例如其他字, 可以加唔同部首變成唔同既字, 好似變魔術咁。又或者例如 "樂" 字, 唔同讀音有唔同解釋, 佢哋學得好開心。
又試過玩以前我同家姐玩既遊戲, 互相响對方背脊寫字, 估係乜字。你一面寫, 佢腦入面要想象個筆畫同連貫性, 好好玩的。


小小朋友當然唔鐘意寫字, 我只覺得依家幼稚園為了銜接小學, 寫太多筆畫既字係好唔應該, 小朋友一面喊一面寫, 搞到小朋友好唔鐘意中文。我自己幫阿女改名都特別改個少筆畫的啦, 以免佢學寫名辛苦啊。中文實在太有趣了。

happy_lavender

要吸引小朋友的注意力及興趣，遊戲確是最好的。

homecooking168

讚賞和鼓勵尤其重要。剛開始家長要用心，細心同愛心，比佢知道爸爸媽媽是陪住佢，但亦要比佢知道佢會同要長大，爸爸媽媽陪頭一個月，教導同整理，叫佢留心，第二個開始放手，可能會有灟，做到就稱讚，做錯就鼓勵再做多次。每個人學行時都會跌跌碰碰，比多d 機會人，尤其自己子女，在他們成長期父母的愛會起後大作用