小學生生活時間表（要愛孩子多些）

little_yolky

yobdoog 發表於 15-9-16 11:53
仔仔明顯睡眠不足，但冇法子，以前我都會不停催促佢做快啲，甚至加上責罵，因為實在想佢可以多點時間休息同 ...

學校無功課堂? 如果無, 小息做D啦, 睇你個schedule, 剩做功課都要兩個鐘以上, 太多了。唔夠瞓好大件事, 係惡性循環, 唔夠精神唔吸收, 做功課又唔識, 然後做得耐, 咁又繼續唔夠瞓。

yobdoog

學校P.3開始，原本一星期兩日的功課堂變了做中英加強堂（我估係操tsa），所以冇得喺學校做功課,了…… 小息拿來做功課其實我仔間中都會，但我覺得連小小的跟同學交流時間都侵佔埋的話，咁佢嘅小學生活就只有功課和功課了，我希望佢可以平衡啲，所以唔會強迫佢……現階段確實係花好長時間喺功課上，但我提自己會多欣賞佢付出嘅努力，要一個7歲嘅小朋友坐定定兩個多小時其實不易呢，現唯有寄望佢遲啲可以越做越快，早半小時都好！

little_yolky

yobdoog 發表於 15-9-16 14:28
學校P.3開始，原本一星期兩日的功課堂變了做中英加強堂（我估係操tsa），所以冇得喺學校做功課,了…… 小息 ...

P3 七歲同我女一樣係細B了。好彩我哋學校仲未操TSA, weekend功課都係得8樣, 仲要星期五放學後即日可以做完果隻。我女女係自動用小息嚟做功課的, 我無push佢, 無法啦, 佢衡量過得失, 唔做功課返到屋企無時間睇閑書, 所以佢咪做囉, 小食留返坐校車先食。

yobdoog

選校問題，老實講邊有得解， 自問不是催谷型的家長，在選校時只著重校風（品格方面），沒刻意選“出名”特別多或特別少功課的，而且很多時真的要入到去先知實際情況，就算一些“普遍聽聞”功課不多的學校，都會因學生差異和老師作風而有所不同…… 再者，現時的遊戲制度輪到我哋揀嗎？既然現實係解決唔到，就唯有努力克服面對，最重要不要傷感情!

yobdoog

冇錯係超細B. 同意由佢自己衡量如果分配時間，經歷過辛苦自然就會學精。

checkylam

瞓得唔好, 晚上又瞓唔著,攪到成日都唔夠瞓, 上堂又長時間, 攪到老師話專注力弱, 我都感覺到現在的小朋友很可憐, 我都想佢精靈活潑, 我都想佢每日都又得玩, 但係真係唔得, 因為佢食野又慢, 做野又唔專心, 點可以有時間玩呢?

simonwan

我仔又系小三，甘佢間津小就真係算少功課，每日用半個鐘到一個鐘左右做功課，加上半日制，無補習，課外活動全部在星期六；所以每日有時間玩、練琴、睇書、睡覺同發吽逗，有時朝早仲可以做運動。
半日制系好野來。

simonwan

睡覺最重要，影響身體及腦部發育。我建議樓主比小孩放學后睡至少一個鐘，功課在晚上做，你要幫一幫他（每日用三個多小時做功課及溫習，就算系獨立完成，都系代表佢仲未處理到學校要求）。有些很費時間的功課，如找圖片，剪剪貼貼之類，就幫佢做。寫中文生字，可以試下同佢比賽鬥快寫，佢會寫快幾倍。

saetang

同埋盡量將溫習放喺星期六、日先做，平日攪掂功課就算！

ckh311

開學後，逐漸聽到其他學校d功課量，真係多到嚇死人，我小朋友有d幼稚園同學仔，係第二間小學，星期六學嘢時撞見打招呼，既然話做功課做到喊，中英數日日3樣，包抄寫改正，佢話温埋默書，都想死，都未計其他科同網上練習，所以而家d小學生真唔容易做

Carlon

老師已經提出個仔上課時發呆，回家做功課

又唔識，要我教一次，佢睡覺時間由10:00-7:00 2年級，好想佢睡多點，但真是擠不出，攪到我控制不到要發火駡他，但其實上了一天堂，我也想hea下，不想做功課😴

little_yolky

Carlon 發表於 15-9-17 10:04
老師已經提出個仔上課時發呆，回家做功課

又唔識，要我教一次，佢睡覺時間由10:00-7:00 2年級，好想佢睡多 ...

發呆真的是不夠精神的表現啊, 而且10:00上床, 不一定馬上可以入睡呢, 可憐。我女女小二時都有9.5小時睡眠, 加上佢係5分鐘之內一定可以瞓著的, 睡眠質素好好, 先頂得住啊。

wwsugar

回覆 yobdoog 的帖子

見到都感到辛苦！功課時間太長了，一定很多功課吧？家長加油！

wwsugar

回覆 yobdoog 的帖子

有時候我會叫他一放學先沖涼，尤其是洗吓頭，會精神些舒服些，放學做功課前最好吃茶點，血糖足夠腦部會醒啲。一係早點吃晚餐，其實六點半起身的，長期來說最好應該6點食飯。無辦法早食就安排下午茶比較有營養同大份，晚餐反而輕量。做功課要很多能量的，最好補充好才作戰。贊成有家長說，週末才溫習。平日只要交齊功課就可以。剪吓貼吓就幫他做，寫錯幫手擦我都會㗎，我唔怕他自己不識擦喎。有時候大人執書包小朋友做檢查都得。最緊要快。一個星期一次半次唔煮飯，買來食，慳時間早點幫他睇功課，又多一日可以早瞓。我晚上唔洗碗先幫他搞哂功課書包先的。
小小分享，未必啱用，啱用先聽，不喜勿插。

licpd

yobdoog 發表於 15-9-16 15:31
選校問題，老實講邊有得解， 自問不是催谷型的家長，在選校時只著重校風（品格方面），沒刻意選“出名”特 ...

只有做父母的能帮到小朋友脱离苦况。一个七岁小朋友每日连PLAYGROUND TIME都没有，点有动力撑落去？这样的作息时间太不人道了。

little_yolky

yobdoog 發表於 15-9-16 14:28
學校P.3開始，原本一星期兩日的功課堂變了做中英加強堂（我估係操tsa），所以冇得喺學校做功課,了…… 小息 ...

如果佢學校做功課個workload咁重, 可能真係要諗諗cut咗個普通話同中文補習了, 連交通起碼free返3-4個鐘出嚟休息下。發下夢都好, 都係大腦休息嚟。如果球隊佢鐘意就唔好cut了, 當強身健體, 男仔打下波都好的, 不過, 3日真係好多。

javabean

小女今年小四，她的時間表如下：

6:40起床
7:15搭車
8:00~3:00上學
3:30 回家
4:00 ~ 5:00做功課
5:00~5:45執書包，講英文故事 ，做自己閑事
5:45-7:00 同細佬去遊樂場玩土，摘草，踩滑板車
7:00~8:00 沖涼，食飯
8:00~9:00 自由時間：看書（中間會抽10-15分鐘同她复一下數學或背經典），畫畫，傾計......
9:10 刷牙，上床睡覺

除了上學校的興趣班外，周一至周五沒額外上補習班，亦沒有學習樂器。此外周五晚學遊泳，周六學畫畫。

溫書，包括默書我都放在周六進行。

相較之下，我估比起好多同齡人小女應該比較自由舒服些吧。

babadogcat

小兒三年級

0640 起床
0715 去坐校巴
1505 到家
1510-1600 全休息, 下午茶看卡通
1600-1730 功課
1730-1830 又玩 (在家或落街)
1830-1900 食飯, 看新聞
1900-1930 和爸爸又玩
1930-1945 沖白白
1945-2030 看書 (公仔多過咩........)
2030-2100 嘈一輪, 攪一餐先肯瞓

分享下......

annie40

回覆 yobdoog 的帖子

這個媽媽真溫柔！
不論孩子辛苦與否，大家立志當個「好媽媽」，我們愛孩子是因為孩子「先愛」我們，這是天性，抵擋不了。