??????

yoballma

靖靖mother 寫道:
Dear Yoballma & Matthew 媽咪,

你們可以考慮禧年上午校，聽聞他們精英班的學生在呂中的成績名列前茅呢!

Dear 靖靖mother
乜而家仲有上 , 下 午校咩, 唔係全部轉晒做全日制嗎 ?

乜禧年好咩, 我仲覺得佢好遠, 填到最尾潻. 實冇份啦.     

yoballma

Matthew_媽咪 寫道:
yoballma,

Many Thanks !    我今日打左電話去留位喇 ! 時間係 2:00pm 開始, 我都會攞埋 profile 去, 到時有機會就俾, 不過我之前都有寄過信 + profile 去俾校長架喇, 唔知佢有冇睇, 係呢 ? 如果 touch wood 大抽獎唔理想, 妳仲會去邊間小學攞後補申請 form 呀 ?

Hello Matthew 媽, 靖靖 mother

我唸住 touch wood 真係抽唔到我想入個d學校,
就去完 馬循, 再去保良局莊啟程, 保良局雨川, 靈糧,
你話呢幾間 O 唔 OK 呀 ? 比D意見吖, 因為我係要返工,
所以好少會同到D幼稚園同學媽咪收到料.

另外我自己做個份 profile 就 將 K1 - K3 個D 評估報告
(唔使全部, 只須要最尾個張總結就得) 及獎狀都有.


  

靖靖mother

Hellow Yoballma & Matthew 媽

聽聞保良局莊啟程在教學上比雨川好一點，但校舍當然是雨川好些，靈糧每班約40人，老師較難掌握每位同學的需要，校長很積極推動校譽。

我想要因應家長的期望及小朋友的個性作出選擇，當然我最期望是小朋友能愉快學習及校風優良，因教育制度的轉變，學校的競爭性大，大部份學校辦得都不差，不用太擔心的。
家長應認同該校辦學理念，你不妨上毫這些學校網站了解。

小小意見

靖靖mother

yoballma,

忘記告訴你，第一及第二輪你都選馬循，如不幸派不到，你先註冊，後到馬循再申請，可以interview較大，祝你能不用做些，順利進入馬循。   

donomother

我個細仔在馬循讀緊三年班,大仔就已經二年前在馬循畢業,中學幸運地派到第一志願-沙田官立中學,我覺得兩個仔都讀得幾開心,但都要睇自已個小朋友本身鍾唔鍾意讀書,(我大仔就應付自如,細仔現在就每次都要預早成個星期幫佢黙書),最好就係佢由一年級起用普通話教中文,初時讀得"論論盡盡"現在三年級,一編課文用普通話朗誦也不是難事了

學校的程度就只是一般啦,跟私立小學比,當然係淺些小(所有津貼小學基本上也是差不多),但我攞油麻地天主教小學份卷比較過,同樣是三年級好似仲淺d,但我發現馬循平時教及做的功課都唔深,但考試就好鬼深,加上同學既水準都幾高(我發覺好多學生家長都是專業人仕,及學生特別多出去補習),所以壓力都幾大,細仔平均分八十分左右,但考全級中間,若唔加緊力追,升中時band 1無望,真頭痛了!

另一方面,上年我有兩個鄰居,小朋友都係選馬循作第一志願,但抽唔到,派咗去禧年及莊啟程,結果兩個小朋友去馬鞍山主風叩門都收咗,所以派得唔理想都未必絕望

nonowong

[quote]
靖靖mother 寫道:
Hellow Yoballma & Matthew 媽

聽聞保良局莊啟程在教學上比雨川好一點，但校舍當然是雨川好些，靈糧每班約40人，老師較難掌握每位同學的需要，校長很積極推動校譽。

我想要因應家長的期望及小朋友的個性作出選擇，當然我最期望是小朋友能愉快學習及校風優良，因教育制度的轉變，學校的競爭性大，大部份學校辦得都不差，不用太擔心的。
家長應認同該校辦學理念，你不妨上毫這些學校網站了解。

小小意見 [/quote

我都聽人講馬循考試都幾深, 小朋友讀小學家長其實真係要花多好多心機同時間比佢,  以我為例, 每日放工都要用晒d時間同個女做功課同埋溫習, 自己想讀書都唔得, 我囡囡小一咋, 漫漫長路 ! 大家努力 !
講真, 馬鞍山果幾間出名多人揀既小學, 間間小一都開5斑收百多人, 相信每斑都有成30多人, 我認為最緊要既係學校要令小朋友鐘意返學, 鍾意學習, 太大壓力反而嚇怕d小朋友.
我囡囡讀靈糧, 每斑有31-32人左右, 講真, 老師的確不可能照顧每個學生, 有多野都要靠家長平日在家同小朋友溫習, 不過佢地教一年級d老師個個都好有愛心, 囡囡好鐘意d老師. 希望個個媽咪大抽獎都可以如願以償  

靖靖mother

Hello donomother,

我囡囡一年級的上學期考試平均分約八十多分，但只是全級中間，考試卷我看是不太深，只是囡囡大意。但下學期的測驗的平均分下降了，因較深，囡囡解釋老師已告訴她們測驗卷較深。我認同你的意見同學水準都幾高，我不想給小朋友有壓力，重視她有否用心去學習及小心地做功課。因香港教育制度常變，升中的考慮要到四年級才擔憂。

不知出生率下降，升中選入Band 1學校會否跟小學一樣會容易一些呢!    不知馬循入Band 1的百分比有多少? 下年開始新制度以上屆(去年的六年級)的成績定今年六年級的百分比，似乎不公平及不按當屆的成績派位!

我非常喜歡馬循小一用普通話中文授課，囡囡朗讀課文很悅耳，容易適時及期望對寫作有點幫助，我們不懂普通話，她很開心我們以欣賞的態度去聽她的朗讀。

Matthew_媽咪

yoballma

靖靖mother 寫道:
yoballma,

忘記告訴你，第一及第二輪你都選馬循，如不幸派不到，你先註冊，後到馬循再申請，可以interview較大，祝你能不用做些，順利進入馬循。   

DEAR 靖靖mother,

好多謝你的意見及心得, 就怏到6月3日啦, 我都開始有d緊張
綜合各媽咪嘅意見, 馬循 & 主風 d 功課及壓力是否比其他學校會大一些呢 ? 其實我真係想我個女可以好開心甘上學, 但無奈而家香港d教育制度會寧到d小朋友好辛苦, 只得個六歲人仔便要一大早起身返學, 仲要返全日, 以前有上,下午咪好囉.教統局真係抵打
    

yoballma

Matthew_媽咪 寫道:
yoballma,

我仔仔連一張校內獎狀都冇, 對叩門會唔會有影響呢 ? 仔仔間幼稚園好似都冇幾多張獎狀 ! 星期六去聽左講座, 當天想交埋 porfile, 不過校長話唔會收, 要 6 月 3 號當天先收 !

DEAR Matthew_媽咪

有冇獎狀都唔緊要啦, 最重要係我地做媽咪嘅, 已經盡咗力
幫小朋友搵一間好的學校就 OK 啦. 希望在明天吖嗎!
齊齊加油, 努力呀 !

      

yoballma

HI HI !

仲有11日就大抽獎啦 ! 好緊張呀 !
  

靖靖mother

Dear Yoballma,

我非常同意小朋友應好開心上學，我囡囡每朝七時半起床也要與她角力，馬循是八時上堂的，我選校考慮學校與家的距離，不用搭車，只步行數分鐘，她已很幸福，她的幼稚園同學要六時半多上校車(上午班)，全日制已經可以遲些返學了!

倒數等放榜的心情真很緊張，期望你能收到好消息!

BonnieKam

BonnieKam

hello 各位馬鞍山嘅mami

雖然我個仔唔係讀馬循, 但都想同大家交流及分享吓d心得 :
其實間間學校都會有佢嘅優點同缺點, 最緊要係校風同埋個小朋友讀得開心.

我個仔喺雨川讀, 今年P1, 基本上佢讀得幾開心 !
當然開學頭半年較辛苦, 因為佢讀果間幼稚園算係活動教學(莫講話默書, 連功課都唔多), 所以由k3升上P1時, 真係完全唔適應, 而我係working mum, 要放左工食完晚飯先可以同佢check功課同溫書, 如果默書前夕仲慘, 次次同佢溫親英文默書都嘔晒血, 攪到佢又喊時連我自已都喊埋一份 ! 結果第一次考試成績當然唔理想, 但佢班主任同我地家長解釋話第一次考試成績不能作準, 因為D小朋友未適應, 千祁唔好一次定輸贏. 之後慢慢適應, 跟住下學期再有明顯進步同改善, 上個月派第三次考試成績, 成績由最初嘅全級中下追番至中前 (約70名). 坦白講我已經好滿意. 雨川一年有4次Exam. 上下學期各2次. 平時功課量一般(唔算多亦唔算少), 一星期裡可能有兩日有成7~8樣, 另外果幾日就3~4樣, 隔一個星期先默書.

喺個幾月前我仲幫呀仔報左補習班 (Mon~Fri, 放學後1.5 hrs), 意外地佢竟然好鐘意返補習班, 喺果度會做晒功課兼溫埋書, 補習社仲會keep住比worksheet 做, 用貼紙作獎勵計劃. 依家我壓力輕番好多, 無以前咁憂心, 同呀仔嘅關係仲比之前close番好多.  在此衷心祝願這裡所有媽咪嘅小朋友都可以派到心目中嘅學校, 小朋友又讀得開開心心啦 !

2000

BONNIEKAM,

我個女今年升小一，同你一樣要返工，考慮日後可能要去補習班。所以我想請問你個仔仔在那裡補習呢?以及要幾多錢一個月呢?
thanks!!!   

BonnieKam

BonnieKam

2000

我已經 PM 左比你啦, pls check, 希望幫到你啦, 如有問題再聯絡我啦, bye bye !

appletse

Hello BonnieKam,
我個仔同女都係雨川讀, 今年都係P1同P２, 因為哥哥成績幾好，基本上佢初時讀得都幾開心 !　但後來比老師發現妹妹有語言障礙及智力遲緩後，老師對妹妹態度愈來愈差，　今天不知為了甚麼及發生了甚麼大事，　老師竟然掟書包及話以後唔比佢返學，咁點算好呢　！　

2000

BonnieKam,

Thankyou     

nonowong

我囡囡讀靈糧p1, 功讀量及考試都同雨川差唔多, 我諗馬鞍山果幾間小學既程度應該差不多, 各位媽媽不必太擔心 ! 我認為就近d返學同埋小朋友鍾意返學係最緊要,  希望個個小朋友都快快樂樂上小學啦, 等你地d好消息 !

dear bonniekam,
可唔可以話比我知你個小朋友在哪裡補習, 是不是新港城的天平 ? 我見果度好似好多人, 唔知好唔好 ? 而家15/16自己又係返工媽媽, 放工回家已經好累, 但係小朋友一放學又要補習又好似好大壓力, 分享下你既經驗呀