沙田培英中學

TYIP

原帖由 小師妹 於 12-07-17 發表
我頭三志願都係揀荃灣區的Band 1, 分別是荃官, 何傳耀, 王少清, 第4 係培英, 第5係蘇浙, 葵青區band 1 我 ...

萬分感謝你的分享。

請問你小朋友的小學與荃官中有沒有聯繫？我見何傳耀的位比荃官少，好似何傳耀值搏率中d?
另外，你地有冇同學放葵青band 1 中學第一而又得咗？

TYIP

原帖由 TYIP 於 12-07-17 發表
萬分感謝你的分享。

請問你小朋友的小學與荃官中有沒有聯繫？我見何傳耀的位比荃官少，好似何傳耀值搏率中 ...

Sorry , 打錯咗。

應該係何傳耀的位比荃官多，值搏率好似高d?

小師妹

TYIP 發表於 12-7-17 09:06
萬分感謝你的分享。

請問你小朋友的小學與荃官中有沒有聯繫？我見何傳耀的位比荃官少，好似何傳耀值搏率中 ...

有聯繫我仔就入咗啦! 所以葵青區唔放第一都好難有機, 我仔有同學放葵青band 1 中學第一而又得咗, 但唔知係唔係自行已收了! 所以如果揀咗荃灣區第一, 咁之後嗰D揀沙田Band 1機会大D囉! 我睇番轉頭, 真係無錯架! 我仔D band 1 同學, 有D都派唔到band 1 而入咗band 2, 因為荃葵根本唔夠band 1位! 你自己再衡量吓啦!

October

回復 nonowong 的帖子

nonowong

我的小朋友今年升小六, 想問培英的功課壓力大嗎??  辛苦嗎??多不多同學拍拖?? 中一是不是也要出外吃LUNCH??

謝.

OCTOBER

nonowong

回復 October 的帖子

培英中一可以出外吃飯, 至於功課多少同壓力問題就見仁見智, 可能係女仔既關係, 佢做功課同讀書都比較自動自覺, 讀中學我要求佢自己攪好功課同溫習, 我又唔多覺都佢功課多到做唔晒, 不過間唔中做功課/溫習到十一二點, 佢都有講 "好多功課呀、又要測驗呀、又要默書呀" 禁啦,
功課同讀書壓力就一定比小學多, SO FAR佢都好聽話, D同學仔都好乖, 希望升左FORM 2 可以KEEP 住啦 !  

October

回復 nonowong 的帖子

Thanks for sharing.

小師妹

原帖由 潮日屋 於 12-08-29 發表
VERY GOOD.

咁多人讚好，應該是不錯吧!

PingBBK

請問小師妹或在讀的家長:

1.  多唔多抄寫的工課?
2.  學校有冇推動閲讀, 同學有冇空檔看書?
3.  是否一定要玩一樣樂器? 鋼琴計唔計?
4.  英文除了 text book, 有冇加其他 如reader, notes, grammar.
5.  每週都有中英默書?幾奈測驗一次?
6.  dramma 會用學生很多時間嗎?
7.  今年開放日幾時?


我心儀培英, 如第一志願入唔到, 第二志願應該選那一間.  我小朋友band 1b or 1c, 我哋比較仲意無咁全統的中學.

一上小六, 感到殺到來啦, 請好心人幫忙解答以上問題.

csy_ma

PingBBK 發表於 12-10-5 11:51
請問小師妹或在讀的家長:

1 好似唔覺有？不過，據我囡講，有個別同學會被老師罰寫字帖，因為該等同學字太差／功課太潦草。

2 有閱讀課，中英輪流替換。睇完要向老師做口頭報告，或交閱書報告。中文閱讀書目有自選有指定，詳情請參考中學交流的沙培討論區。暫時，F1既功課很輕鬆，有不少空餘時間。

3 是，鋼琴好似唔計？學樂器通告上冇呢個選項，可能要家長個別向老師申請？

4 有，我囡果組似乎主要學notes？（我見唔到，只係聽佢同堂姊傾偈時形容英文疊notes比書仲厚，不過佢好少帶返屋企）

5 中文開學後試過默一次書，課外，默既包括校長名等，非常隨意。唔合格要補默，好似要默到合格為止？英文默書就未聽過，不過，我囡成日唔記得，可能返到學至知要默書都未定，但係我見唔到有默書簿。英小測就似乎幾頻密，頻密到我囡好似當佢做隨堂練習咁（我其實冇跟佢功課，唔係好清楚佢各科學緊d乜，不過英文小測頭幾次都要簽名，就知）。至於中文……好似仲未覺有？
其他科，我只知中史既統測係一年四次，出左通告，其他科響考試前都有要計分既統測，不過幾多次就未確定。

6 您指既係每兩年一次既大型musical演出？唔係人人都有份，首先小朋友要自願報名，報了，仲要參加audition，好似係頂尖既先有機會被選為要角，初中生能參與幾多都係未知之數。（audition之前有日放學後有堂約一個鐘教你個試演劇本點讀（今年揀左沙劇《第十二夜》既片段試演）、首歌點唱既，然後你自己搵同學pair up，自己約時間練）

至於平日既戲劇課，同家政、視藝一樣，每兩個循環週至上一堂，除非你另外報名加入每周一次既話劇興趣活動班。係勒，中一既小朋友可能需要偶爾留校上戲劇及英語會話培訓班（規定要去），暫時下月有一次，一個鐘頭左右。

7 阿囡講過，但唔記得，要遲吓答。請留意校網。

仲有，分享少少經驗：

以第一輪黎講，b1c能入到既機會不大。我囡既小學有逾90人入band1，去年佢頭兩次呈分排名級3X頭，第一輪擠不上。我地係跨區，大抽獎冇沙培呢個選項，結果佢係叩門先好彩入到（第三次呈分試佢級排名為1X，不過叩門階段似乎只係筆試定勝負，好似間間學校都係咁？）。

沙培響F1既中英數三科均實行小班教學，每兩班拆為三組上課，人數為：28+28+16（補底）

中文好似有兩組係普教

英文似乎幾著重會話，作文寫完有時都要講返出黎？另我囡以前會響畀我地強制佢去做或唔去做一樣野，唔憤氣時先會喃喃自語噏英文，家陣演變到講上課趣事時，都會轉台用英文講，聽到我耳到側……

佢地同學之間似乎幾常用內聯網既email溝通，又唔識打中文，所以成日會用文法不通既英文通郵，未嘗都唔係一個練習？

好似話，無論拔尖定補底，課後或周六都有額外既班要上，每周一次，非自願性質，唔上要書面請假同醫生紙。。。暫時聽講係英文有，中數有冇，我囡冇講畀我聽

PingBBK

csy_ma, 很多謝你, 貴校的情況都很適合阿囡的性格, 她怕寫, 但就好肯講, drama 喺她至愛.

但仲有二次試未考, 我好怕她跌 grade, 所以我個心都好唔定.  以你經驗, 要在第一輪入到, 就要全級1x.  咁我要多啲求神拜佛囉.

請問第一輪, 是否人人有得 interview.  問些什麼?  會擇怎樣的學生.

多謝指點迷津!

csy_ma

PingBBK 發表於 12-10-5 23:46
csy_ma, 很多謝你, 貴校的情況都很適合阿囡的性格, 她怕寫, 但就好肯講, drama 喺她至愛.

但仲有二次試未 ...

PingBBK：

公開考試都係要寫既，所以都避唔到幾耐。我諗您囡同我囡一樣，英文較中文好？因英文記音都可以半猜半拼出個字，中文就要死記？

考沙培，英文成績好似乎較有利？我囡叩門試既中文好多唔識，而英文佢只係奇怪選擇題點解連續咁多題都係同一個答案，又冇講過好難。聽佢講中文既題目同答案，估計佢攞分唔高，英文佢就冇引述題目，都似乎信心高d。結果，佢僥倖以候補生資格入。

不大清楚第一輪的入選機會。我只是講囡囡既情況。面試時首先讀一段文，我囡話難，但同佢一齊學英作既同學仔話，其實果d所謂難字都學過了，但我囡應該唔係好記得點讀，失咗分。
不過，識得點讀果位同學仔第一輪都考唔到，雖然佢反而響林護有second in（最終亦派到佢最心儀既林護），可能因為佢兩次呈分試排名都後過阿囡？

跟住係小組討論，各自揀正反方互辯。我囡果組只得一人做反方，而恰巧，佢係阿囡幼兒園同學仔既朋友。阿囡話對方既論據有少少弱，不過都放過佢。佢地既辯論好似有幾多dead air而提早完成，咁亦係一個死得既地方。總結又大路，似乎冇乜機會攞分。

老師見仲有時間，都有問阿囡其他問題，但聽答案就覺得佢冇乜思考過，答得幾求其

結果，咪唔得囉

沙培要寫既功課都有，不過唔係抄寫，而係長答題。英文反而係寫短文為主，我見阿囡寫既文比小學時寫既短好多（佢小六時響作業度寫到要加紙），都唔知係老師要求定佢自己懶咗？我又真係冇乜見過阿囡既其他功課，完全答唔到添

至於話劇團，之前聽過沙田區既呂明才勁，仲有林漢光搞戲劇教育都出名，但原來沙培都唔差，不過因為其音樂劇素享盛名，亦係佢地宣傳既重點，話劇至冇咁矚目。劇團負責老師，過往同而家亦都負責音樂劇，佢係APA戲劇專業出身，現時仍活躍於話劇界，主演福音話劇同曾任非主流電影演員，經驗同眼界都不只中學老師咁簡單。

由於沙培音樂劇係重頭戲，要爭崩頭，話劇組似乎就競爭冇咁激烈。我囡今年既F1生可能唔夠人報名，唔駛揀就直入。希望下年，您囡會同我囡一齊響話劇組碰頭

PingBBK

csy_ma,  真多謝你的分享，我對貴校實在了解了很多，我也希望阿囡有機會同你阿囡做校友。
可是，我越想入就越緊張，來緊大半年除了阿囡要努力外，我還要學習如何減壓呢！

csy_ma

剛在教育講場分享了一篇文章：
未來的世界，做喜歡的事，日子比較好過。
http://www.cheers.com.tw/article/article.action?id=5026209&page=8

個人認為，沙培跟其他中學不太一樣的地方，是予空間和環境讓學生探索什麼是他自己最喜歡的事。

常聽朋友講起這一代新人，最大特點是無所謂，口頭禪是：ok啦；將來想做乜？是旦啦，搵得愈多錢愈好……當然，這些新人，大概並非來自名校，名校生大概會有主見多了。但仍然聽聞，考獲八級鋼琴，但一生欣賞音樂會的場次，不逾十；當過學校戲劇節最佳女主角，可能除比賽外沒怎麼看過其他話劇表演。在培英，這種事大概沒什麼機會發生？因為上了課才一個月，學校已出過兩通電郵，請同學免費聽音樂會和看話劇。自然，名額有限，先到先得，但我代阿囡覆郵報名時，又似乎頗順利？

聽阿囡講，沙培緊跟334新制，S1已需分享自己的其他學習經歷，如稍後需要口頭報告一次欣賞音樂會的經歷（囡囡隨口講，未能問及詳情），所以，當她外公說要請她聽一個音樂會時，她一反常態，回應積極。

中學，是青少年過渡到成人的過程。中學生活看的世界有多大，會影響到將來成人時看的世界。看沙培阿囡內聯網上，各學會或科任老師積極推薦／推銷各項校內外活動，有點像在大學校園內看壁報的感覺。有些課後活動，因知音者少，老師甚至委託同學幫忙宣傳。我看到一位F1同學幫老師宣傳一個講座的電郵，寫得有紋有路的，不錯。
也有第一輪未滿額的學會，為了招徠同學，會想出些吸引人的新意（如中文學會會走出去，實地考察什麼傳統花燈工藝、傳統糕點製怍，粵劇之類，記不大清楚了）。

我第一次參觀沙培時，對其校舍和學生平均的對答表現略感失望，但所有曾交談過的學生，都會認為在沙培的生活是開心的（他們很多時會跟考進沙田區內band1英中作對比），這令人印象深刻。

「初中教育」那邊，有一樓討論是討論課外活動的，很喜歡其中家長分享說：「總之, 中學最令人回味的一定不是讀書」，我想，沙培大部分學生都很同意此話吧？

csy_ma

pineapple0983:

再一次多謝您當時回答了我有關培英的問詢。呵呵，邱校長溝通能力那麼好，早就唔駛點做就吸引好多家長啦

PingBBK

回復 csy_ma 的帖子

csy_ma,  很同意求學以外, 必須給予空間和環境讓學生去探索, 回想自己的中學生涯, 除了死讀書, 就沒有其他, 同學間的感情亦非常淡薄, 想起來總感到遺憾.

但現實就是現實, 要考到本地大學, 總要同學用功, 學校在硬件及軟件方面多加配合, 同學才有機會順利進級. 想問知不知培英去年ＤＳＥ的成績如何呢？　我開始留意到同區的呂明才，　初步感覺他同樣不是太傳統的學校，同樣重視全人發展的一間學校，　但他的校舍較開陽，　給人的感覺舒服些。

另外，　方便的話幫我問你囡囡，　學校幾時有簡介會／開放日，　我好心急帶囡囡去參觀，　希望她看後會勤力些，　免得我掛心。

loveDayo

PingBBK 發表於 12-10-8 21:37
回復 csy_ma 的帖子

csy_ma,  很同意求學以外, 必須給予空間和環境讓學生去探索, 回想自己的中學生涯, 除 ...

hello csy_ma, 原來你既小朋友都係沙田讀書，實在太好了。聽從你既意見我想了解沙田區中學多少少，培英是否屬於唔太傳統既中學？外籍老師多嗎？我都想知培英幾時有openday，想同囡囡一起參觀。

PingBBK

多謝csy_ma 的分享  , 萬分感激:loveliness:

csy_ma

yhk329 發表於 12-10-9 13:44
請問培英幾時有開放日或簡介會呢

唔好意思！之前我睇錯咗：誤將S6 Parents' Day看作P6

P6 School Visit其實係響12月1日，我諗簡介會會響果日？