贏在中途站

ANChan59

你誤解了！

dativebond

其實我講咁多野都係好離地，因為我未有教育小朋友經驗，我都唔知work唔work，因為我個仔只有15個月大。但我認真諗過其實叩個方法應該可行，係佢有小學程度開始，就早點讓佢知道比較深入的學問，唔係死記個term。其實好多高考既學問都唔難理解，但我唔明點解要勒住勒住，要佢係高中三年咁短時間先學，搞到小朋友無時間沉澱知識。舉個例，點解你會見到的士係紅色。答案係光終包含所有顏色的光，射到的士上面，的士吸收了所有顏色的可見光（除了紅色），光線由的士反射到你眼球，所以你見到的士係紅色。咁樣真係要到高中先能夠理解？好難咩？

dativebond

但就算係咁簡單既概念，我相信大部份家長都比番晒學校，所以要溫故知新，用最簡單的方法講最準確既概念比小朋友知，勾起佢興趣。我都而家開始溫故知新，自己買而家既DSE書，溫定先，好好迎接小朋友最鐘意問點解、學習動機最強的時光。

himching

個人教仔囡, "求學一定係求分數", 係冇更客觀更直接去評估學生學習成果之下, 分數係最容易理解. 不要再呃自己了.

問題係家長係"求分數"過程, 及了解"分數"意義, 上晒腦, 先攪到學生 死下死下.

dativebond

我覺得好多家長想幫個仔攞分數，但自己又唔識，連少少時間都唔攞出黎了解個遊戲點玩，盲目要個仔乜都做到最好，又盲目想入名校，希望有人代自己搞掂個仔既學業，花大量心力時間但又得唔到如願既成果。入好學校是果，你個仔掂才是因。

其實如果識玩個遊戲，絕對可以更有效運用時間，反而會多出好多時間係其它課外活動，追求全人發展，而唔係全部時間奉獻晒比學業。

ABC-DAD

經驗豐富嘅師傅，講一兩句人地就有共鳴

ANChan59

原帖由 ABC-DAD 於 16-07-12 發表
經驗豐富嘅師傅，講一兩句人地就有共鳴

我最初都估是誰的分身，有你一句，我肯定了是誰！

dativebond

完全唔知你地係邊個？你地互相認識？我剛到群組，乜都唔識，多多包涵。

ABC-DAD

回覆 dativebond 的帖子

無問題，今時今日，無咩人會有教育過五六個子女咁豐富經驗，講多啲，多啲分享係教學相長嘅，好多時閉門能知天下事，亦有時閉門可以做車

dativebond

唉。。。其實我都唔想做怪獸家長，但我都覺得自己都算係，其實我根本唔需要咁早入呢D群組，但又想睇下人地有乜經驗可以分享下。
某程度我而家諗緊既野就係回想「如果我小時候係咁，而家就可以再好點啦。」呢種老套思路。其實我深知咁諗唔啱，每個人有自己的人生，介入去孩子教育的程度其實都好難拿捏。

dativebond

介入得多又驚佢唔識自己飛翔，介入得少又怕自己未夠盡力。

搏盡無悔都唔係個個範疇都啱用。

ABC-DAD

回覆 ANChan59 的帖子

無啦啦又講呢啲，唉！

Stillgood2

原帖由 ABC-DAD 於 16-07-12 發表
回覆 dativebond 的帖子

無問題，今時今日，無咩人會有教育過五六個子女咁豐富經驗，講多啲，多啲分享係教 ...

5-6個，係生育問題，唔係教育問題。

ABC-DAD

回覆 Stillgood2 的帖子

生育問題？我提經驗，數字上，喺咁睇。

你認為生育多少，同教育子女經驗無關？


當你好識教，教過一兩個，始終唔算好有經驗。


我係好咁單純去諗啫。

識唔識教我真係唔識畀意見

MASAYA

dativebond 發表於 16-7-12 17:08
但就算係咁簡單既概念，我相信大部份家長都比番晒學校，所以要溫故知新，用最簡單的方法講最準確既概念比小 ...

手拖手咁同小朋友一齊升學，唔知放手個下佢行到幾多步？

dativebond

做家長其實好大學問，其中一個就係介入幾多，完全介入佢唔識自己飛，完全唔介入你又浪費了自己的人生經驗，始終，你比小朋友更了解個社會點運作，咩野對佢有利。
講就易，行就難，咁介入幾多非常難拿捏。我暫時既原則係佢每做一個選擇都會同佢分析好處、壞處、風險和後果，佢認真諗過都堅持自己果套，只要唔死得人唔犯法唔係無得補救，我會尊重支持。因為我既諗法講真都未必一定啱，只不過啱既可能多一點點。未來，佢做左選擇，有好後果當然高興；有壞結果都係一種人生閱歷，最緊要佢有認思考過做既決定，無怨無悔。唉，不過都係知易行難，但做家長要謹記囉。

HKTHK

唔鍾意"贏在起跑線"? 咁樣就不如改為"癲在起跑線"啦, 小學就學晒DSE考嘅嘢! 乜嘢child development, 學習興趣, .... 都唔好理, 有分數咪得囉

dativebond

係咪真係對個仔咁無信心呀？唔好比題目呃到。「贏在乜乜乜」噱頭啫。
係小學初中階段講多點比小朋友知都比人話痴線，唔係叫佢操卷喎，唔係叫佢考試喎。
我都舉過例，係咪咁難理解？我個例子係科學館入面個鏡子館其實就係高考物理科既光學範圍，你講既佢知點解望自己會上下掉轉，原來原理係咁咁咁。又或者個仔問點解天空係藍色？原來係折射，跟住再解釋。點解的士係紅色？原來係反射，跟住再解釋。我唔覺得會咁樣對佢有害，我又唔係考佢。一次講唔明咪下次又講囉。如果咁都唔講得，咁科學館都唔好有鏡子館啦，或者高中生先入得？其實除了鏡子館，佢每一部份都關高考物理科事，譬如wave, electromagnetics。咁唔講得，咁科學館存在音人義係乜？只係玩樂？

MASAYA

讀書只係學習其中一部份，學習只係教育其中一部份，教育只係人生其中一部份。將讀書無限放大，乜都由上而下餵晒入咀，其實同呢十幾年主流操練、早教有咩實質分別？點解好似發現新大陸咁？子女唔識伸手去學？下下要切碎晒去餵？對仔女咁無信心？引導子女由內到外，發自內心去渴求知識，花既時間心血唔見得少囉。回報係乜？一個獨立既人。

dativebond

原帖由 MASAYA 於 16-07-14 發表
讀書只係學習其中一部份，學習只係教育其中一部份，教育只係人生其中一部份。將讀書無限放大，乜都由上而下 ...

好有道理！