優才書院家長分享站

dabbycheung

meimeilam,

係喇！我都覺得奇怪，我個仔話老師同佢地講，下星期考試唔準著運動服返學。我記得上次考試都可以既，如果成個星期日日都著平時果套校服，邊度洗得切？而且佢地中學部D男仔又要著長褲，想熱C佢地咩？
不過小學部同中學部唔通唔同？小學部可以著？中學部唔可以著？

meimeilam

亞仔話老師冇講過唔準喎。至於中學部我就唔清楚啦。

亞仔尋日返返吓學發燒要接佢走, 真係麻煩, 臨考試先嚟病, 我今日都冇同佢溫書, 睇吓聽日點先, 如果唔精神都唔會同佢溫, 星期一有得佢就咁考試。 :cry:

dabbycheung

meimeilam,

我地中學部仲好笑。件校褸仲未攪掂，所以之前冬天，D學生都係著返自己D褸返學。
係呢，我見你響另一個Topic話，本來今日要帶個仔去另一間學校考試，你想同佢轉校？點解既？
咁你個仔要小心身體，唔係下星期考試有影響就唔抵。
保重！

meimeilam

你誤會晒啦! 可能咁啱我個仔又係發燒, 又或者我表達有 D 問題, 個個係我個契仔呀! 佢個媽咪都考慮左好耐應唔應該比佢去, 但我就唔贊成比佢去, 就算比佢去到, 都未必有好成績, 因為佢嘅精神狀況唔係咁好。所以咪開個 Topic 問吓D 人囉。 :    :  

真係要小心身體, 近排都好多人病。我兩個契仔 (大同細) 都一齊病左呀。

dabbycheung

meimeilam,

哈哈！原來我擺左個大烏龍！
係呀！我個仔話學校呢排好多人病，佢仲話學校話如果一班裏面，有3個人發燒，果班就要停課。咁啱我個仔果班，上星期有2個同學發燒，佢仲同我講，如果下星期多一個同學發燒，咪唔駛考試？之後我同佢講，到時要將考試延遲，咪仲煩！

meimeilam

真係好想知道你個仔讀邊一班???

dabbycheung

7B呀！
係呢！以前響BK唔見你既？因為以前BK D家長一問優才既問題，由於無人答，我就唯有試下答。依家多左D優才家長，真係好，我唔洗再驚答錯，又可以多一班人同我傾計。
上兩星期學校開左個家長會，你有無去呀？

meimeilam

我加入左唔係好耐，至於個

嘩! 原來你個仔係中學部同學, 你覺得 D 課程點樣, 有人話好淺喎, 你應為呢?

你個仔仔係傢係由小學部升上去架?

meimeilam

至於個家長會就冇去到

dabbycheung

我個仔唔係優小升上嚟，佢係升中時考入去既，所以加入左優才呢個大家庭，差唔多接近一年喇！
不過話時話，雖然只係入左嚟呢度一年，但果種歸屬感，仲大過以前間小學。
我好同意你之前所講，D老師好好，佢地真係好關心D學生。
上次開家長會，個主任都好坦白同我地D家長講，優才中學部G7同G8 D課程係淺過出面D中學(英中)，因為學校唔想D學生一上中學就咁辛苦，頭果兩年想佢地輕輕鬆鬆咁渡過。但到左G9，學校就會減少另類課程，課程會同出面既一樣，而課程亦會深返，而且會谷返佢地D成績。
你係唔係無去上次個家長會？我可以PM返當晚個內容比你。

dabbycheung

Cara,

你今日咁早上嚟既？你個小朋友溫書溫成點呀？我個仔就.....仲打緊機！ :evil:

dabbycheung

cara,

我諗我個仔同你個仔同類。

跳跳虎

咁校服買一套咪夠~

meimeilam

係呀, 我冇去到呀, 麻煩你將 D 資料 e-mail 比我, 唔該晒!

[email protected]

meimeilam

係呀, 真係買一套就夠啦!

meimeilam

daddycheung,

已收到你嘅 e-mail, 唔該晒 :    :

sonma

我仲買咗兩套校服tim   

meimeilam 寫道:
係呀, 真係買一套就夠啦!

meimeilam

唔緊要啦, 第二時唔啱著可以攞返學校回收, 比 D 有需要嘅小朋友   :