請問粉嶺上水區小一派位?

朗媽

Polly,

靚女，好耐無見！！！！King最後有無轉校？？？？你番緊工呀？？？

King都好過朗朗，多5分揸手。我諗住揀五旬節于良發、曾梅千禧同嘉福榮真其中一間。除左宣道，你仲有其他心水嗎？？？你都算係地膽喎。     

Teresa

朗媽

PrettyMa and 其他媽咪,

曾梅千禧嘅英文程度係點？？？可否具體一d 講吓正慧英文程度係點？我見依家好多小學都請鬼婆教英文。

我真係唔知每間學校個別學科嘅表現，只憑升中派位嘅成績去揀，我呢個方向唔知啱唔啱？

朗媽

LeBlue,

你囡囡讀邊間？ 唔好用獎項來定斷囡囡o既能力，law唔到獎唔代表差，朗朗都係12月出世，全班尾二最細，又係乜獎都無，但係我知佢今年進步好多已經夠，佢個班有好多年頭出世o既咪又係無獎。除非你囡囡本身好介意無獎啦，if yes，你要廢唇舌輔導o下佢喇。

Teresa

*Polly*

Terese,

King 好鐘意返學, 所以無同佢轉校.

我都有考累過榮真 & 曾梅,  但我知今年有幾個小朋友揀咗榮真, 但派到6,7,8,9,志願, 我估是因為好多人揀囉.

我所知上水榮真無精英班, 但d家長話 如果成讀差的話, 學校唔比咁多課外活動個小朋友參加.

嘉福榮真功課少, 但好多Projects ga.

曾梅就有精英班, 功課及默書 比李志達多, 比較大壓力.

有位專補P1 ~P3 的導師話覺得上水d小學 (唔計村校) 間間差唔多, 要睇個小朋友的讀書態度, 如果無, 比你入間勁都派間 band 3 中學啦. 我都有同感.

你從哪裹知各校的升中情况呢? 我所知 上水榮真, 曾梅 & 宣道 是差不多, 唔知對不對?

LeBlue

朗媽 寫道:
LeBlue,

但係我知佢今年進步好多已經夠......

Teresa

你講得好岩呀, 獎項都只係bonus, 小朋友得唔到其實佢地真係無mud損失o既, 最緊要係佢地真係成長同進步左幾多law......其實我只係有感而發, 覺得香港o既教育真係好唔全面,
好多時都只係著重小朋友既學習表現, 而唔係全面去發掘佢地o既潛能......
好似我個女係音樂同舞蹈上比較有天份,
但就從來未聽過老師話留意到law....
始終係香港讀書, 你要"坐定定", 聽教聽話,
就係好學生law........我個女屬於活潑好動一族,
有時都會比人錯覺為唔聽話law......
唉........都開始頭痛, 唔知邊間小學岩佢law.....

Astrid

星期六阿女學校畢業典禮, 見到一個係 k.2 時既同班同學 (我女坐校車, 我好少見到其他家長) ...... 呢個同學都好叻 .... k.2 時拎過學術獎 ...... 我問佢媽咪派了去邊 ......


......... 方樹泉小學      

hinhei

唉~~~
我都頭痕!本來選嘉福榮真,但真係好多人爭,機會唔高...........
而加諗住選神召會,請問這間小學好嗎??
係唔係教啲嘢好淺呢???
好煩呀!!!

因我呢個係大仔,佢入邊間真係直接影響埋個細仔~~~~~

wenwen821

[quote]
朗媽 寫道:
wenwen821,

我意思是只考慮一間跨區。你知唔知上水宣道好唔好？我呢個星期五去參觀李志達，14/7去參觀嘉福榮真。


朗媽,
唔好意思，剛去完旅行返來，而家先覆你。其實我覺得上水宣道幾好，但我聽同學仔媽咪講佢識學校d老師自己都驚遲d被殺校喎，但我覺得既然比得個校舍佢轉全日制，應該唔會掛？真係唔知信唔信好！另一個同學仔媽咪又話佢隔離屋小朋友今年F.2讀緊宣道會陳朱素華紀念中學，佢話果年好多同學都係派呢間，令我又擔心中學派位多數係呢間聯系中學。

LeBlue

hinhei 寫道:
唉~~~
...........
而加諗住選神召會,請問這間小學好嗎??
係唔係教??好淺呢???
~~~~~

係呀, hinhei.....我都想問下呀,
聽講讀呢間學校d小朋友返學好開心,
不過就好似話程度比較低wo......~~
有無人知呀~~~~~~??
可否報料??~~~
  

hinhei

其實神召會多唔多人選呢??
我只知嘉福榮真係呢條村真係十個有八個都係選呢間~~~~~ 又近,學校本身又唔係差!
不過聽聞榮真不但對小朋友有要求,對家長都有要求!!

朗媽

Polly,

曾梅有精英班，你覺得好唔好？？今日有個家長提及上水鳳溪，話校舍大，又多草地樹木。

曾梅升中成績係睇佢個校網。而我手上有份明報2002年出o既全港其中206間小學升中派位成績，20間響北區，但我o地有提及o既學校只有:

嘉福榮真 (56% band 1, 30.5% band2)
五旬節于良發(54.3% band1, 34.3% band2)
上水宣道上午校(52.9% band 1, 29.4% band2)
上水宣道下午校(51.4% band 1, 37.1% band2)
上水惠州下午校(46.45%, 33.88%)
上水惠州上午校(42.7%, 35.7%)

資料來源： 學校提供

朗媽

Astrid,

雖然方樹泉小學好近我屋企，不過我無諗過揀佢。

朗媽

wenwen821,


宣道會陳朱素華紀念中學好唔好ga？

朗媽

hinhei,

神召會都好多人揀，聽聞好多新移民。我識人今年六月叩門都無收到佢。

你話條村十個有八個都係選嘉福榮真，咁通常多唔多人入到？

Astrid

我最最最最最初都係選神召會 ........ 我女係粉嶺神召會讀 , 學校 k.3 開學時問左我地入唔入佢地個唔知乜乜乜會 (of course 要俾 $$$$$) .... 合法註冊, 可以拎多人地 5分 ......

我知係第一輪都有自己學校有學生派唔到 .....

我最後決定唔選佢係因為佢遠 (對我黎講, 校車費又唔合理), 程度較淺, 比較多新移民 .

不過, 就算唔講新移民, 係我地呢個北區都會有 d 朝朝過關返學既港人所生既大陸子女....... 避無可避 ...... 唔可以靠學校去教我地既小朋友, 我地自己都要俾 d 心機 .........

*Polly*

我見到曾梅, 陳式宏, 惠州 等既精英班 d 功課真是很多, 數学每曰超過5, 60 題, d 中英文默書範圍又特別多, 其他中英功課也不少, 我見到也替d小朋友頭痛, d 小學生緊張到曰曰要求媽咪重默又重默d 默書, 真是什麽也不做/玩, 也做到11,2点,你覺得如何呢?

hinhei

我仔幼兒園有四個派到!
新移民...........神召會好多咩???????定係間間差唔多呀!
好老實講,我唔係咁想我個仔同太多新移民一間小學.因為我細個讀小學時就係比個新移民蝦到要我亞媽同我返學!!

朗媽 寫道:
hinhei,

神召會都好多人揀，聽聞好多新移民。我識人今年六月叩門都無收到佢。

你話條村十個有八個都係選嘉福榮真，咁通常多唔多人入到？

朗媽

hinhei,

得4個咁少？？？？

我聽過唔只一個媽咪講話神召會好多新移民

hinhei

係呀.........
因榮真本身巳多人選,其次佢又要留位比細佬妹.............
所以個心十五十六!

因聽講神召會會比榮真易入!!
我都唔知,好煩!!!

死啦!本來諗住選神召會算,但而加聽到你哋講話好多新移民..............