- 在線時間
- 8 小時
- 最後登錄
- 10-8-9
- 國民生產力
- 3
- 附加生產力
- 0
- 貢獻生產力
- 0
- 註冊時間
- 09-8-1
- 閱讀權限
- 10
- 帖子
- 105
- 主題
- 3
- 精華
- 0
- 積分
- 108
- UID
- 527981
|
原帖由 HIN2003 於 09-8-30 00:59 發表
k3轉校應該對升小一無影響, 因為不知轉校內情, 你可以pm我地, or 透露小小. 請放開心情, 因要適應新學校+選小一問題, 一定有排煩
8月26日晚上保母打電話來話9月1 日開始,想仔仔坐11:45am嘅校車返學,(原本坐12:30,足足早個半鐘)因為只有佢倆兄弟係住得咁遠所以校車唔想開入來,搵咗第2架校車順路車埋仔仔,放學先由原本嘅校車送回家。
噢,唔係嗎?而家先同我講呢個問題,2年前又唔見你咁講,追查之下,保母話係老闆嘅意思,因想減少成本。
我心諗唔係嗎?你做得校車生意,根本就算學生住得近或遠都要一視同仁,唔可以因為少咗人便CUT成本,呢個問題十分嚴重,如果唔能夠得到完滿嘅解決,我唔會就此原諒校車老闆一定要有滿意嘅答覆。
~~~~~~~~~~~~~~~~~~~~~~~~~~~~~~~
8月27日校長打俾我,真係好對唔住,不過,我諗到一個兩全其美嘅方法,不如俾佢倆返上午,校車可以配合到,嘩,我當然話ok,但我再肯定問校長校車可以配合呢?校長話無問題已同校車傾好,我當堂開心返。
好景不常,都唔到10min,校長話對唔住,校車只可以接返學,放學時間就配合唔到,不如大家再諗諗。回到家同爸爸商量不如返學坐校車,放學就辛苦奶奶去湊,反正今年 "K3",
9月中又要選小一,大家都覺OK。
~~~~~~~~~~~~~~~~~~
8月29日嘅早上10幾,校車老闆打電話來因我沒空,叫姑媽回覆佢,佢竟然好無恥咁話,記然你可以接放學,不如自己送埋返學,因為你住得太遠,我想司機有足夠嘅時間休息,姑媽都好好脾氣,你記然咁講,大家無謂再傾。接到姑媽電話,我非常火滾,姑媽話唔發生都已經發生,至緊要首先先搵咗學校,再同學校傾,但做為媽媽嘅我點會心情唔緊張,更加手忙腳亂,如果搵唔到有學校肯收點,剩返4日,今日己Friday,嗰種心情難以形容,好彩最後係自己樓下嘅學校肯收,總算放下心頭大石。
~~~~~~~~~~~~~~~~~~
各位家長你們要明白我為何要轉校,我唔可以要一個60幾嘅老人家,星期一至五由po tat 去到 wong tai shan,先要坐van 去到 藍田經過一絛7長又斜嘅電梯,再轉mtr又要經過2絛馬路,做為家長又怎會放心,當初選咁遠因為姑媽同學校好熟亦都係佢校風,老師好,所以先長途跋涉要仔仔返就係要佢倆從小培養良好的性格,未發生呢件事之前,我同學校嘅關係好好。
~~~~~~~~~~~~~~~~~~~~~~~~~
當做緊新校的手續,舊學校打咗電話來俾姑媽,話唔好意思,佢仲未搵到校車,當時姑媽好肯定咁同校長講,你唔使好意思,因為我們已搵咗新學校,一陣會過來辦埋退學。
當我倆去到,唔知校長係有心扮嘢定無心,桌面上放滿藥,對我話:媽媽,我為咗呢件事搞到要食藥,你亦都搵到新學校就好啦。姑媽話你唔使唔意思,已成定局,大家亦無謂多講。姑媽對我說,由呢件事嘅發生,可以令我明白到人性醜惡,人生不如意事十常八九,從中吸取經驗。
我對葉校長嘅行為感到無奈,佢嘅"無能"同"假慈悲心"令人髮指,根本無幫我尋找一個好嘅方法,只係要我自己一個人去應付,校車係你學校嘅,點可以咁。最後,葉校長講咗真唔好意思,校車係街車,佢亦無辦法。慶幸我已離開呢間學校,但並不是連其他老師亦無情,在此我亦非常感激"K1嘅老師"同K2嘅周老師。
~~~~~~~~~~~~~~~~~~~~~~~~
|
|