2012年，反洗腦教育，別讓你們現在的孩子，孤身面對！！！

Tommy

嘩！師兄，我係呢度咁多年，您唔係當我係女人呀話？我好驚喎！

您話我五毛又好，被人洗腦又好，我都唔介意。男人最痛就係比人話係女人。我係BK只得一個帳戶，好多網友都見過我真人，我係男人黎架，仲要高大威猛幾英俊添架。

CHAN-2

中學生爆洗腦營恐怖經歷
想食飯　先叫董太做阿媽

洗腦營淪為個人崇拜騷！本報早前報道，由前特首夫人董趙洪娉牽頭、解放軍駐港部隊和教育局合辦的軍事夏令營，有參加過的學生親述被洗腦經過，包括要高叫「董媽媽，身體健康！」才能吃飯的恐怖經歷。
記者：張嘉雯

下月升中六的阿琳，參加了由羣力資源中心主辦、今年7月舉行，為期15天的軍事夏令營。除了穿軍服、學軍體拳外，參加者還要受洗腦講座疲勞轟炸，「一味係咁講中國有幾好，講文革、講毛澤東，講共產主義係幾咁好，逼我哋聽改革開放嘅成就。」

聽講座看愛國電影

幸好阿琳意志堅定，「佢哋係咁講核彈有幾勁，四川大地震嘅時候，軍隊救咗好多人出嚟；我心諗，如果冇豆腐渣工程，你就唔使咁辛苦救咁多人出嚟啦！」
除了講座，參加者還要看愛國電影，「喺個操場度熱到儍、好焗，就快打十號風球嗰日，我哋仲要自己擔張板凳望住個 Mon睇，羣力啲人行嚟行去，唔畀我哋瞓。」阿琳說天氣炎熱，營友經常在戶外活動，部份人因操練過度，需要入院。
在營中的15日，營友不能使用手提電話，只有吃飯時間可以看中央台和軍人雜誌《軍號》，全體240人分成多班，每班12人，由一至兩名羣力派來的督導員監督，「其實啲軍人唔衰，係羣力啲人衰；佢哋先係壞蛋，唔畀我哋同啲軍人傾偈，上層啲人支配佢哋，佢哋就控制我哋。」最令阿琳反感的，是羣力創會會長董趙洪娉在洗腦活動「抽水」，在營中大搞個人崇拜，「佢話叫董太太同董奶奶太老，叫董媽媽好啲；出營嗰日食 lunch，要我哋逐張逐張枱講『董媽媽，身體健康！』輪晒七、八張枱，講完晒先准食飯。」

阿琳直言「你精我都精」，參加活動只為功利，「報大學好睇呢啲，個 camp完咗之後，有好多活動畀我哋參加，全部可以計番 OLE（其他學習經歷）時數；佢諗住洗我哋腦，其實我哋淨係諗自己前途。」她解釋，此活動每年每間學校有五個名額，面試全程用普通話，必答題是如何增加對國民身份的認同，「喺佢哋面前梗係扮晒嘢啦，但最驚係有啲新移民同學，去完個 camp好明顯上晒腦。」

http://hk.apple.nextmedia.com/news/art/20120821/16622063





------------------------------------------------
希望香港學生像阿琳咁醒目的佔多數，其餘的就真要自求多福喇。