給同是天涯淪落人的一封信：

wan_sosin

我好明,係明白一個成績差的小朋友係點!
我細個極差,默書次次0分,考試最尾幾名,老師以為我弱智!
我媽放棄我,已經唔諗我會好!

上中學我第一次考試全班第六!同學認為我品學兼優!唔知我細個差到貼地!
但係,係我心目中,自己後來的成績,全是自己努力爭取,唔再比屋企睇C!
我唔會覺得我成長有我媽存在!我成績差係事實,但我回想,我都希望我媽係我被人以為弱智時,佢會肯定我聰明!
佢唔會唔知我到底係點!
但係,我當然今日會對我媽好好!只係在關係上,佢唔係幫我行過嘅人,只係見到我好時,佢會覺得無咁煩!

當然你盡過你很多努力!唔同我媽!
但你若負面,你囡囡是知道的!
做佢世間上最支持佢嘅人!就算將來佢真係成就一般,你最少有你同個女嘅關係!

catcatma

小朋友溫極書都唔記得，有機會是讀寫障礙，佢唔明學習內容佢都唔想，就是這樣要幫他找出有效學習的方法，多D鼓勵她建立自信，講真而家D小學課程咁深，小朋友其實都好可憐

魚兒小寶貝

林嬌嬌 發表於 13-6-13 19:00
Inside

我家姐既大仔都係咁樣，佢地用左好多方法，最後都冇用，家姐比老師閙足6年，我知家姐有幾痛苦。大仔今年中二，家姐開始放手，因為確實冇辦法，唔通跟足佢一世咩!? 為有等佢自己＂開竅＂! 家姐對佢學業已經冇抱希望，既然讀唔到書都唔緊要啦，現在家姐明白呢樣係性格使然，但身為媽媽，都會為兒子日後既生活感憂慮。。。
我已經響圖書館借左呢本書，雖然只係睇左100頁，但我忍唔住要講下。作者係心理學家，接觸過好多好多呢d case，佢稱呢d孩子叫＂低學習成就者＂。佢講低學習成就者既特質：聰明，但不會為了成功付出心力、缺乏堅持、缺乏自律、依賴他人完成工作、為自己的不負責任製造藉口。。。中晒

＂為什麼聰明的孩子會表現低成就。。。? 答案在於心中的價值觀。＂＂例如自律、達成目標的承諾、犧牲短暫快樂換取未來成就的能力，以及自動自發、道德責任、管理自己的能力。。。＂＂。。。一般而言。。。將成為孩子的行為軸心，當孩子們走向未來時，他們的命運都將圍繞著此類型展開。＂

我覺得講得好啱，亦都係家姐口中既＂性格使然＂，就正因為知道係性格使然，就更擔心佢日後，有呢d性格，以後工作及做人，會好得去邊呢!?

書中亦提到一點-＂壓抑了孩子的自發性學習意願，二來把孩子學習的責任往自己身上攬。＂＂蒙特梭利曾說過：「成人對孩子發展最致命的干擾，是企圖以自己來代替孩子，幫助孩子行動。。。這樣的教學是孩子感到厭煩和被動的根源。」我覺得好多人都明白呢d，但總係覺得＂冇辦法＂，因為功課黙書測驗已經殺埋身，可以唔理咩?

＂正如面對一個畫面單調的孩子，您不是去教他如何畫得更豐富，而是提供更多的故事和生活經驗，以豐富孩子的心靈。

魚兒小寶貝

承上，我諗要做到＂唔理之中既理＂，真係要好有技巧，eviepa應該是此類吧。

我會介紹呢本書比家姐睇，觀乎佢仔仔既性格，佢會＂開竅＂既機會都幾微。與其係無望既等待，不如參考下呢本書既做法，可能仲有一線生機。

布來夫

天生我才必有用是肯定的，或許現時妳會感到氣餒，失望，無助。。。但請記著千萬別放棄，更應好好鼓勵她繼續努力，同時發掘其他才能，好讓她有一個充滿自信的童年。我始終記著一句話：不要讓教育制度摧毀孩子。

oh_really

雖然我個女屬聽教聽話型，但亦能理解到樓主的心情，應該說是心痛。對住孩子很多時真的只有無盡付出，收穫卻像無了期。

其實任何人都希望做自己喜歡做的事，而大多數的小朋友都愛玩、不愛溫書做功課，遇上有學習困難或欠缺學習動機的，更加事倍功半。我不是甚麼專家，但眼見不少朋友在小孩升小後，壓力大到不能應付，不單影響親子關係，有人甚至要看心理醫生。最後，他們的結論不約而同都是小朋友根本不適合原有學校的教學模式，特別是那些對功課、測驗、考試要求很高的學校。慶幸朋友們後來都分別為他們的子女轉到合適的學校，小朋友學習上如魚得水，大人亦如釋重負。 祝福各位都能為小朋友找到合適的學校，亦希望樓主和其他家長在這裡得到點正

能量、小孩一天比一天進步。共勉之!

oh_really

另外很多家長提到「放手」的問題，我個女間學校的校長是這樣教我們的：「每個家長都想﹝亦應該要﹞放手，但放手是一個循序漸進的過程，要逐小逐小放，不是一放就全放的。打個比喻，想像你一隻手有五隻手指，小一的時候，你要五隻手指都拖住孩子的小手，因為這個時候他最需要你。二年班的時候，你可以放開一隻手指；三年班的時候再放一隻，如此類推。到六年班時，你應該要完全放手，否則他到中學的時候可能仍然依賴你，而到時你卻可能已經幫不到他。」

little_yolky

NT-1 發表於 12-11-6 16:40
親愛的女兒:

自從有了妳，我就幻想著自己如何做一位好母親。天真的以為養兒就好像讀書一樣：袛要肯努力付 ...

係咪專注力不足/學習障礙/XXX障礙呀!

chymama2

原帖由 mybabycullen 於 14-02-02 發表
希望你不要介意，只是我手写我心。。並不是想批評，但睇完真的只有一個感覺，就是媽媽的滿腹埋怨。。孩子很 ...

chymama2

媽媽要知阿女諗咩，先可以拖住手同佢一齊向前行。牽牛走總比拉牛走易。

skkeung

原帖由 chymama2 於 14-02-07 發表
媽媽要知阿女諗咩，先可以拖住手同佢一齊向前行。牽牛走總比拉牛走易。



  ...

若能回到初出生開始，學校、家庭教育會怎揀？

owennam

Nt-1 媽媽，其實我好肯定你小朋友是好聰明的，比D信心，你試想想，佢每次唔合作都有佢的理由，即是話佢有唸野，會唸野即是個腦仔會轉，何來苯呢?佢好醒，不過是'你同佢的関係出左問題，使佢反叛，不如你試下，二個月在功課和學業上只睇唔改，每次不論佢有無錯都唔改唔彈，只說今日又進步左等等，這段:時間內不打不罵不哦! 一星期一次你，佢和爸爸單獨約會去街玩和吃飯，唔可以帶細老妹，比佢有獨估父母的時候, 千萬記住要認同佢， 佢先肯和你交“心”

owennam

記住“愛” 和“微笑”  “擁抱” 能醫百病努力

owennam

你提過你女兒說你偏愛細老，心病需心藥冶god bess you

irischowys

好身同感受，明白樓主的擔心，所以我只會要求個仔做事堅持到底，但接受他資質平庸，可能怎樣努力也不成功。你愛孩子，他又怎會不知呢？但你所擔憂的，如將來的生活，工作態度差等，他們不會明的，除非出來工作才知。所以我現階段不求回報，只半迫半氹佢堅持做事，要佢盡量合作。自己心態要調整！

happy_lavender

以前看過一篇文章，它提醒父母，有時孩子不配合是因為不喜歡父母對他的態度。我在餵藥的事上試過應用，初時用硬，三個大人捉住都搞唔掂！睇完該文章便醒悟，轉用軟，結果阿仔自己食藥，重係好鍾意食添！不妨在這點思考一下。

另外，讚美也要具體，不然就無用！有個組織叫香港有品，佢地會教人如何以讚賞引導孩子建立良好品格，可留意一下他們的課程。

我在教仔上的領悟就是，父母在孩子心中的比重遠較孩子在父母心中的比重高，那就是說，孩子很清楚父母的弱點；但父母卻不太瞭解自己的孩子。所以，孩子要激到父母吐血是件易事！若然你仍未被孩子激到吐血，他們已待你不錯！此想法雖然有點阿Q，但確實幫我改善對阿仔的態度。

Olympian

你不如試試向學校提出見教育心理學家跟進。通常都能提供良好的對策。也可以問女兒有否專注問題。
另外，每個家長的能力都不同，有的家長可能看了書，問了意見就能綜合整理出解決方法，但我想好多家長都未必能夠，那就要找專家幫手。如果教來教去都再錯，可能是一些好底層的學習基礎未穩，所以再教上去也學不會。這些小朋友不是那麼容易處理，最好搵專家跟一段時間。雖然你女不是特殊兒，但找特教老師補習或有助。我冇介紹，你可問你以前上感統的中心。

HaYi

同我個仔好似, 不過我個一早test左是marginal ADHD, 有些跡可循, 發X都有個原因.

樓主的是否己測試過冇ADHD / ADD 之類? 你早前為她做的感統訓練導師有何意見?

因為工作上我年中見好多小朋友, 一些令父母, 尤其是受過良好教育的, 發狂的小朋友好可能有一些不明顯的問題, 如對抗性, 專注力不足.....女孩因比男孩少, 較少人會在早期察覺問題.

carchu12

我囡同樓主個小朋友差不遠。
大家勞力吧﹗
我相信做到既都有做、幫到既亦有幫，盡力吧

skkeung

原帖由 carchu12 於 14-02-14 發表
我囡同樓主個小朋友差不遠。
大家勞力吧﹗
我相信做到既都有做、幫到既亦有幫，盡力吧 ...

可不可講一講小學情況！