不能成功培養仔女閱讀習慣, 小朋友講明不愛睇書

兔仔得媽

天瑜 發表於 13-7-22 07:09
興趣行先。

去書店選一本非常喜愛的書開始。  可能買書買到一定數量，就開始會去圖書館找書借。

我當年都是由一套25本的史路比開始

mhv_woman

閱讀興趣係要培養, 以我小朋友為例, 由低班開始已經盡量 keep 住每兩星期去一次圖書館。
最初由豐富插圖故事書開始, 我揀書我讀佢睇; 大約半年左右, 我揀書(依然係豐富插圖故事書), 我讀一頁佢讀一頁; 有時覺得結局唔好, 大家你一句我一句作過個故事。
大約到高班時, 佢開始自己揀書, 我又幫佢揀幾本, 都係以插圖故事書為主, 再加漫畫, 牛仔, 老夫子, snoopy, 黑白貓, 多D發夢 <-- 我都有睇 。  我唔使陪讀, 佢自己睇, 有時佢睇得仲快過我
以我經驗, 唔好揀D 太多道理 O既 書俾太細的小朋友, 會悶同反感, 最好揀D 可以引起佢共鳴 O既漫畫, 牛仔同黑白貓都唔錯, 仲有一套叫呆佬家族, 笑到肚痛
到升小一前佢已經可以睇 D 小量插圖的故事書, 記得其中一套叫小紅吸墨鬼(全套4本) , 佢自己睇佐三次, 話好好睇
要留意佢對咩書有興趣, 揀書時幫佢揀多幾本佢喜歡的題材, 再加一兩本其他.黃巴士有好多書適合初小的小朋友, 多 D 發夢都有出好多以漫畫形式的科學書, 另外有套好似叫危險的科學 都唔錯.
都係果句, 最初的時候唔好揀D 太heavy 的書, 小朋友就唔會抗拒, 要令佢明白閱讀係好開心的事.
到而家初中, 佢自己定時去圖書館, 我見佢揀書, 有 d 都幾悶, 講歷史, 哲學, 理財, 經濟 .... 有d 我都頂唔順 不過佢話好睇
其實圖書館借到的書, 唔會有大問題, 唔好一見到佢睇漫畫類就鬧, 佢自然就會喜歡睇書

BBHim

佢連漫畫都唔睇, 點算?

猴子爸

回復 fishchow 的帖子

同意。例如Ironman, Spiderman等等，很少男孩会不喜欢。书局里都有中英文并列的图书。我觉得Marvel的书真的很吸引，例如在Pageone就有很多选择，我认识一个朋友，他小的时候对阅读0兴趣，但被这些漫画吸引，就一直追看，英文不知不觉好了不知多少倍。现在书商连中文都出了，就更好，一举两得。

bk_mommy

BBHim 發表於 13-8-7 08:47
佢連漫畫都唔睇, 點算?

這裏好多家長提供及分享了很多經驗, 你可追一下 POST