48網 排位如下, 是否太保守??

小兔~阿比

我覺得秀明好過聖安當，不過聖安當個名以前出名啲，加上有聖安當女書院，好似升上去有個保障咁，但呢兩間我都評佢2線，起嘛佢敢post升中成績出黎

bidbid20052005

阿女較好動，可能秀明活動教學啱佢D。有冇人對秀明小學多D了解？

idemily

我今年甲一基顯，乙一基顯，乙二聖愛德華，乙三樂華，最後派左樂華
聖愛乙2完全無機，(除非number前)，我去聖愛攞叩門表見到2個家長，佢地都係乙1基法，乙2聖愛，乙3樂華，大家都派樂華
聖愛好多人乙1，所以不如諗下其他2線放乙2。
順便一提，樂華真係不錯學校，好多人同我講呢間天主教學校唔錯，我仔參加過小一體驗班後好鐘意，接觸過老師都好好，位置就麻煩，我住油塘要轉2次車，好彩最後叩到油塘基顯。
還有仲有幾個月，大家多點參觀2線學校，有倆手準備，排2線排得好，到叩門只需揀1線叩，不用費心再叩2線

Hong497

請問下，基顯和基法屬于一線還是二線？

Elsa_y

idemily 發表於 14-7-28 18:01
我今年甲一基顯，乙一基顯，乙二聖愛德華，乙三樂華，最後派左樂華
聖愛乙2完全無機，(除非number前)，我去 ...

我個仔去完樂華體驗日都話好鍾意間學校同老師，排乙三係因為校舍無基法咁大。
對我黎講基法同樂華位置都ok,都要坐車，反而聖愛德華就無咁方便，因為無車到要行，都幾遠
我諗住少人簡聖愛德華所以排乙二，始終就腳二線學校有限

kathysiu829

想參觀秀明同堅樂，但佢吔都話無開放日，可以點？

小兔~阿比

聖愛係藍田2線首選，得德兆，平兆，循道同呢間，有啲心頭唔高仲放第1，佢好係好在响藍田，實唔驚無人揀，所以唔係住藍田都真係不宜選佢乙2，2線其實都幾多選擇

bidbid20052005

kathysiu829 發表於 14-7-28 19:01
想參觀秀明同堅樂，但佢吔都話無開放日，可以點？

我都好想參觀秀明

idemily

回覆 Hong497 的帖子

其實我理解1線小學係派BAND1 & 2 中學比例個百份比, 之前係BK有人解釋過, 所以德兆, 平兆, 藍循, 油塘基法, 油塘基顯, 聖馬太, 都係一線小學, 至於邊間好就要睇下間學校理念同教學模式 啱唔啱小朋友
如果話聖愛同樂華, 我參觀過2間都唔錯, 樂華老師樸實, 認真, 同好多都好NICE, 聖愛老師同學生似朋友咁相處(有家長會覺得態度寸), 但我感覺就同學生容易溝通, 加上佢地資訊科技教學很好, 我都參觀過基樂(樂華村) 校舍舊, 硬件一般, 但勝左老師有鬥心, 歷史耐老師好多經驗

janice_BB

原帖由 kathysiu829 於 14-07-28 發表
想參觀秀明同堅樂，但佢吔都話無開放日，可以點？

2間都有參觀架，可能現在暑假無人，試下9月開學再打去問

bidbid20052005

janice_BB 發表於 14-7-30 21:07
2間都有參觀架，可能現在暑假無人，試下9月開學再打去問

希望真係有機會去秀明睇睇，因為將會擺佢乙二，乙一會放油基法。油基法難抽，所以都好大機會入秀明，見好似好多在秀明讀的小朋友都讀得好開心，又話係活動教學，加上升中結果又幾好，希望冇選錯

奥脫福

秀明擺乙二？呢間學校唔係擺乙四都嫌前咩？？！  

griffinma

原帖由 奥脫福 於 14-07-30 發表
秀明擺乙二？呢間學校唔係擺乙四都嫌前咩？？！

其實乙二，三有乜好選擇?

奥脫福

griffinma 發表於 14-7-31 10:27

其實乙二，三有乜好選擇?

個人認為成個觀塘網都好似「人口爆炸」咁，小班變哂大班！反而隔離46
可能重有少許「淨土」。雖然他區位學額較少，但當眾人焦點皆在區內熱
校時，選外區的學校反而有機會面對較少競爭。

小兔~阿比

但46網學校有啲都幾格薜，仲有，我地呢邊分分鐘過對面海仲快，想當年派左坪石，間學校上堂時間都多人成粒鐘，加上車程時間，唸起都想喊

bidbid20052005

奥脫福 發表於 14-7-30 22:51
秀明擺乙二？呢間學校唔係擺乙四都嫌前咩？？！

我諗住二線間間差不多, 所以選近Ｄ!
聖安當-  乙二要抽, 又怕太傳統教學, 唔啱我女

聖爱德華- 最近, 但本人唔太鍾意呢間學校

陳呂-  一入學就有精英班, 感覺有D 壓力

十五十六,  依家諗住放秀明 乙二,  就非常保險

twinstar1226

我今年都係將秀明擺响乙3

zst

有興趣jm可試。

14-7-31 18:48 上傳

下載附件 (163.3 KB)

Elsa_y

如果陳呂放乙三機會大嗎？

2boba

原帖由 Elsa_y 於 14-08-05 發表
如果陳呂放乙三機會大嗎？

今年陳吕放乙三必入，放乙四要抽。