有沒有人正式向教育局勢投訴過hold 多個直資小一位呢？

花花之家

wingt903 發表於 16-12-15 12:26
回覆 hkpapa852 的帖子

同意, 如果幼稚園也不讀 但佢又要入政府資助學位, 自然要自己去民政處取表. 全部人好像考公開試一様 , 講明要申請一張證記証, 一D也不難.
現行中一派位, 一様可以做到呢個行政工作, 一點不難哦！

如果中一證記证作用是為了方便數人頭和計位及避免hold 位大混亂, 為何在小一行不通？ 兩樣也分自行及派位兩階段, 行政上有何分別？

ANChan59

retriever 發表於 16-12-15 12:23
"再焗住交半年科大學費"

唔明點解交多半年...

接受 conditional offer 的一萬是留位費，因為成績到 CO，變成 firm offer , 科大要我們交足二萬一的半年學費(10k＋11k)。

中大未出 firm offer ，科大不肯延遲幾天交學費，所以焗住交咗二萬一的半年學費，所以有齊科大學生證及通知去 O'camp ！

hamsubbb

原帖由 花花之家 於 16-12-14 發表
回覆 hamsubbb 的帖子

如果你十分滿意現狀，　你可以什麼也不做哦．我不期待你指幫手，只是如果有人指導下 ...

我只係講咗一句說話

花花之家

hamsubbb 發表於 16-12-15 18:53
我只係講咗一句說話

咁呢句是否neutral 的comment 呢？

其實你講什麼也無乜所謂的. 我鐘意回應下姐, 無指責你.

花花之家

Baymax 發表於 16-12-14 13:45
1) 揾葉建源
2) 揾蘋果

黃太：

感謝你的電郵。關於小一學位分配事宜，除了你提及的，還有其他問題，例如計分制度、不同類別學校收生時間不同等，我們過去也曾向有關部門反映，但至今仍沒有明確回覆，只說有關委員會將考慮不同的意見。

立法會教育事務委員會或有機會討論小一學位分配事宜，屆時定會將不同持分者的意見和觀點提交教育局及有關部門知悉，如你有其他意見，也請告知，謝謝。

葉建源議員辦事處

Cowbit

花花之家 發表於 16-12-11 14:56
今年考小一，　我才知有人可以ｈｏｌｄ多個ｏｆｆｅｒｓ　到出年才放．今年我沒有ｈｏｌｄ多過一個, 也不算 ...

好灑脫決定到的, 好大機會係兩間學校某方面有段大距離。
如果wkf vs 培僑 vs 福小 vs 音小 vs 播道, 家住九龍東, 又真係幾難一下子決定喎。 報名前點會太深入研究, 個個都話考到先問啦。 到咁難得考到, 比d時間諗吓, 安排吓交通, 搬屋, 接送, 仔細了解吓測考次數, 校舍等等都得掛。(利申, 我同你都一樣只hold 1個offer)
一個投訴可能將你個細仔第日連選擇嘅機會都無埋呀。 1個人hold 15offer 香港有幾多? 你個係仔, 又喜歡抱不平, 不如你去幫手推翻平機會當年升中個男女混合派位安排啦。 男女身心發展時間不同, 但硬要撈埋一齊計分, 呢樣對普遍遲熟的男仔真係好唔公平架。 你幫手寫多封信去查詢/投訴, 肯定好多仔媽多謝你(包括我)

Cowbit

del

花花之家

Cowbit 發表於 16-12-15 23:15
好灑脫決定到的, 好大機會係兩間學校某方面有段大距離。
如果wkf vs 培僑 vs 福小 vs 音小 vs 播道, 家住 ...

我個人來說..好少想來想去既, 好容易決定到. 所以我知我唔會hold 住唒.
我唔到升學邊知咁多吖, 都係最近才知呈分試做乜, 感覺用前輩的分去adjust 自己banding 感到難以相信. 之前打過去問, 教局話' 你讀到小五學校會講, 所以教育局website 無乜點講, 我口頭話你知吖' 佢一論咀講得好快, 我咪激氣囉！抄notes 也抄唔切！之後我口頭投訴呀！佢真係改左D嘢喎！。加返D info 入去website 。

其實教局蝦我哋家長, 有關升學的事知得太遟, 於是自己嗰個局住升左, 然後又無下一個子女的, 咪無氣費鬼事投訴囉！ 有第二個的, 又可能跟大的同一間小學上左去, 係我兩個一男一女, 中間又有幾年分開搞下,才有心機硏究下有乜辦法姐！

平機會嗰單嘢做乜？有D印象 但不肯定詳細內容, 去邊有得㖒下？

Cowbit

花花之家 發表於 16-12-15 23:40
我個人來說..好少想來想去既, 好容易決定到. 所以我知我唔會hold 住唒.
我唔到升學邊知咁多吖, 都係最近 ...

我一下子搵唔到嗰單野, 唔知有無前輩幫吓手呢?

花花之家

Cowbit 發表於 16-12-15 23:43
我一下子搵唔到嗰單野, 唔知有無前輩幫吓手呢?

我上網也找不到哦

siubobo1507

花花之家 發表於 16-12-15 23:47
我上網也找不到哦

我大約記得係咁，各位前輩，如有錯請糾正

好多年前，升中派位是男一條隊，女一條隊
有這個安排也是因為知道男女孩子的發展有不同，男一般較慢，小時候男生成績會比女生較差
這樣安排可以令到男女校內，男女比例平均一些
但後來有個女生的父母癹現了，便去平機會投訴，違反性別歧視條例，最後成功推返當時的機制，變成了男女同一條隊升中

wingt903

Cowbit 發表於 16-12-15 23:15
好灑脫決定到的, 好大機會係兩間學校某方面有段大距離。
如果wkf vs 培僑 vs 福小 vs 音小 vs 播道, 家住 ...

呢個case好易揀，福小。點解難呢？

唔係比較學校，我當呢個case全部係第一批offer：音小第一個出offer, 收左offer再考其他，其實已經知音小係第n最愛，cut得，之後播道出offer, 播道出左offer之後先wkf sec in, 培僑first in, 福小 sec in, 甘播道就係第n-1最愛，又cut得，如此⋯落去。
我想指出既問題係，你考左，中左，但控制唔到自己，不論是否更好既學校，你都會繼續考落去。wkf都出左offer，點解仲去福小sec in?  正常係因為覺得福小更好更有入讀意願，係咪？

有人收到第二最愛offer，但佢繼續考第三最愛，第4，5，6，7最愛。收到第三最愛waiting, down哂，call到waiting, 又開心返哂，留位好忍手甘留左3間，而家繼續去aps, kts.  諗黎諗去，心知一定去讀第2最愛，但繼續係咁考，收信心情坐火山車一樣，周圍問xx Vs XX，其實心中已有答案，為左咩呢？

如果考之前從未排到自己心儀既list，我衷心希望你只考到一間近近地，否則你揀邊間都好，之後讀落，總會覺得有點不足

wingt903

hold位亦只是制度一個漏洞。教育制度/政策上有更多更有問題既地方

統一派位又唔透明，共融教育(emoji)，但sen support只有5000蚊一年, stem又半桶水只有one off funding, 圖書＄都cut 埋。
係架，教局係蛤家長架。政策完全不思進取

廿一世紀，教育仲停留係抄寫背默考試技巧，操題型。我廿年前讀小學都差不多。
有無聽過繁殖策略既k選舉理論？上一代多生呢代係少生，如果唔能夠發揮每個小朋友天賦，繼續而家呢個精英制教育，香港只會富越富，貧越貧。小班同專科專教係資助學校應該要全面實行架那。火柴盒學校要拆架哪。交流，辯論要加入常規課程架那，如果唔係加通識科做物呀，點解通識教育仲係單向教授？


我知我完全離哂題，呢d topic亦真係冇物c9有興趣。

我明樓主你既心態，hold位呢個漏洞你路見不平，亦因為你小朋友會考既緣故，我非常支持去表達聲音。
要處理hold位問題，其實係要修正多報多考，但你要明白多報多考係一個＂果＂，＂因＂係大家害怕同唔想停留係傳統既教育共融政策入面。
一d都唔容易（因爲利益持分者，包括直私學校，都未必支持，因為佢地要確保收生率去營運），但我都支持你，希望你成功

retriever

chingmon 發表於 16-12-16 01:14
本帖最後由 chingmon 於 16-12-16 01:23 編輯

小學除了限制hold幾多offer？hold幾耐才正確？像你舉例的 ...

報幾多間都限？ 唔係化？

註冊結婚得一個，識朋友唔駛限卦？

一脚踏幾船係道德問題，係好多人唔認同。但法定幾多個朋友仔好似過左火位。

teambuilder

我絕對讚成冇乜必要就唔好hold 位，但如果hold位的人只屬小數，為此改變現在制度係唔化算的，畢竟制度冇完美。但又如果hold位的人佔多數，屬於小數的自己又係咪應該反思下hold位人的需要？(我係以多過三個offer的人來做base)

花花之家

teambuilder 發表於 16-12-16 09:33
我絕對讚成冇乜必要就唔好hold 位，但如果hold位的人只屬小數，為此改變現在制度係唔化算的，畢竟制度冇完 ...

多謝你嘅支持. 其實係教育政策裏,有好多令家長不滿意嘅地方, 但因為制定政策並非我們平常家長可以容易地左右到, 所以我認為只能在類似的, 現有的制度下作' 行政上' 的比較, 或者會找到小小出路, 好過阿媽講乜就乜. 我對成個制度也在慢慢認識中, 事䦕自己只有第一個細路升學 , 乜都唔知, 到知時才被嚇親喎.  完美小小, 可能係只容許hold 2個位,不要一刀切, 只不過又可能行政混亂, 對家一句就拒絕. 但唔凖hold 多過一個位在幼稚園和中學已行緊, 易商量和argue 好多

wingt903

花花之家 發表於 16-12-16 10:16
多謝你嘅支持. 其實係教育政策裏,有好多令家長不滿意嘅地方, 但因為制定政策並非我們平常家長可以容易地左 ...

都唔係既, 之前 tsa係成功, 不過而家教局mount返學校支持 (取消以TSA為殺校其中一指標), 所以教局又唔再驚C9.  可能直到大家醒覺, 更團結, 大家既聲音就會更被重視況且, 而家C9又有知識又辣, 仲好有創意, 尤其考小學.  加油

hkpapa852

wingt903 發表於 16-12-16 11:01
都唔係既, 之前 tsa係成功, 不過而家教局mount返學校支持 (取消以TSA為殺校其中一指標), 所以教局又唔再驚C ...

題外話:

有幾多個反對既人真係瞭解TSA係做乜? 相信所謂"問題"又係人云亦云為主