港大同學會書院2023DSE成績創新高

mimi1102

公道啲講,
2015年有兩個狀元出現之前, 如果話比人聽, 你放棄傳統名校去港小, 背後會比人笑, 覺得你有冇傻啲呀? 傳統名校有人脈, 又有業績你都唔要? 有興趣可以search 番2007年左右的BK/EK 紀錄. 當年的港小學生, 仲會比人標籤....好聽啲叫活潑好動, 唔好聽就係坐唔定, 專注力不足等等….

至於收外來生, 當年好多人都會將港同書院作為後備, 永遠都排到最後, 一有傳統名校收, 就會放棄港同, 真心一條心想讀港同的係有, 但唔多. 因為我女已經畢業, 所以我只可以講今年或之前的情況, 很多時考級頭的, 直上的比外來生多, 今年DSE 考得最好的幾位同學, 都係直上的.

港同書院的成績, 有上亦有落. 需要知道小學係100% 直上, 有band 2, 3 學生亦都唔奇, 所以一年好啲, 一年差啲, 亦都正常. 我作為港同的舊家長, 學校有band 1 已經夠, 唔洗再追問 A B or C. 而我眼中所見, 原本屬於band 2 成績的同學, 今年亦到考到好成績, 好替佢地開心. 我真係唔識解釋同唔知點解. 明明中三之前, 仲好似好hea 咁, 去到高中, 突然變左另一個人

留言唔係想講港同有幾好, 而係唔想大家將港同依兩年的好成績, 全部歸功於外來生, 外來生當然有出力, 但直上的學生, 由一班從活動教學中嘻嘻哈哈成長的小朋友, 去到高中發力追成績的努力, 都係不可以沒殺的.

順帶一提, 當年的兩位狀元, 都係港小直上的原校生.

Sing13

我認為港同小學升上去既總體而言唔會差過band1 A中學既收生。到中學，叻既同差既都是原校生。甚至乎小學上既持久力更佳。
Banding只反映對小學知識既熟悉程度，唔反映對中學課程既適應程度。
例如一者用兩年時間研究學校呈分考試，另一者可分一半時間滲入中學課程，并且培養學生自主學習能力。
直資贏在中小銜接。

Charlotte_mom

mimi1102 發表於 23-7-24 10:08
公道啲講,
2015年有兩個狀元出現之前, 如果話比人聽, 你放棄傳統名校去港小, 背後會比人笑, 覺得你有冇傻 ...

我都只能用我女果届做例（阿仔果届收料不足….）
2018 dse, 尖子大合照中，起碼2/3係港小上
港同向心力好強，小學叻嘅學生唔少唔願走（有嘅，但叻嘅直升亦唔少）
至於外來生，叻嘅有，唔叻嘅都有。平均分布吧，我女果届都有外來生留級的

同意你講，努力過俾過心機的，都應俾點credit

booboozi

先唔分外校定直升，睇DSE成績，咁多subject 5 以上個%咁靚仔，應該大部分學生都學習得好好。

73662710

Charlotte_mom 發表於 23-7-24 13:37
我都只能用我女果届做例（阿仔果届收料不足….）
2018 dse, 尖子大合照中，起碼2/3係港小上
港同向心力好 ...

2018dse, 即係2012年入，當時收band 1 A or B人， 少！2016年有有狀元先收生明顯好左，2023年有收成好正常！

medicine

73662710 發表於 23-7-24 23:17
2018dse, 即係2012年入，當時收band 1 A or B人， 少！2016年有有狀元先收生明顯好左，2023年有收成好正常 ...

宜家係港同家長出來正視聼,話港同小直升的學生勁啵.

而這一句"2016年有有狀元先收生明顯好左，2023年有收成好正常！"
似乎是與上面的"正視聼"是南轅北轍啵

Charlotte_mom

medicine 發表於 23-7-25 01:54
宜家係港同家長出來正視聼,話港同小直升的學生勁啵.

而這一句"2016年有有狀元先收生明顯好左，2023年有收 ...

得喇得喇
明白你意思了，成績同學校無關丫嘛，港同唔識教丫嘛，你仲清楚過港同家長丫嘛

你去買魚啦你

Szetimmy0225

真係恭喜晒港同, 又一間DSE勁校。

mimi1102

從來冇話過直升的學生勁, 版主同我都有講過, 直升的學生中, band 1-3 的程度都有, 我地睇左佢地12年, 由咩野程度, 到依家考到我地心目中覺得好的成績 (外界可能覺得只係普通料), 係見到佢地的努力, 係覺得安慰的, 留言只係想講, 原校生都有付出努力.

而這一句"2016年有有狀元先收生明顯好左，2023年有收成好正常！"
請留意番每年的DSE 成績, 當年雖然有兩個狀元, 但總成績都唔係好, 之後幾年都唔好, 2020, 2021 直情係差, EK 好多人話佢係Band 1B, 我都同我女講, 受之有愧, 最多只可以叫Band 1C.

唔係想話港同好, 原校生勁, 只係希望唔好沒殺原校生的努力, 其他有小學的學校亦都一樣.

73662710

mimi1102 發表於 23-7-25 10:03
從來冇話過直升的學生勁, 版主同我都有講過, 直升的學生中, band 1-3 的程度都有, 我地睇左佢地12年, 由咩 ...

唔係話港小唔好！！！港小其實也很勁，沒有看小港小的意思！
只是好上加好！

整體成績固然重要，但是狀元效應也是很強的！

medicine

Charlotte_mom 發表於 23-7-25 08:36
得喇得喇
明白你意思了，成績同學校無關丫嘛，港同唔識教丫嘛，你仲清楚過港同家長丫嘛

討論區見過唔少,只要版主唔like,可以好快揾到位去ban.
我一向唔忌尼啲,ban咪ban.至於理據,各人自有判斷.



如果講學校"神",點解會有數個未達3322?(還未包括半途出走個啲).有人會講那些本來就2,3仔.至少,未能在自主收生階段選到B1生及未能將3變2,2變1.何來之神?





PS:現實中個案,小朋友讀名幼,自細學好多野,入神小.直上神中.然後中四去英國某名校.再以IB考回"講大"某神科.


過程的成績是矛頭>>>中游>>>副班長>>>優異成績升大>>>副班長.

medicine

mimi1102 發表於 23-7-25 10:03
從來冇話過直升的學生勁, 版主同我都有講過, 直升的學生中, band 1-3 的程度都有, 我地睇左佢地12年, 由咩 ...

從來冇話過直升的學生勁, 版主同我都有講過, 直升的學生中, band 1-3 的程度都有, 我地睇左佢地12年, 由咩野程度, 到依家考到我地心目中覺得好的成績 (外界可能覺得只係普通料), 係見到佢地的努力, 係覺得安慰的, 留言只係想講, 原校生都有付出努力.

而這一句"2016年有有狀元先收生明顯好左，2023年有收成好正常！"
請留意番每年的DSE 成績, 當年雖然有兩個狀元, 但總成績都唔係好, 之後幾年都唔好, 2020, 2021 直情係差, EK 好多人話佢係Band 1B, 我都同我女講, 受之有愧, 最多只可以叫Band 1C.

唔係想話港同好, 原校生勁, 只係希望唔好沒殺原校生的努力, 其他有小學的學校亦都一樣.

~~~~~~~~~~~~~~~~~~~~~~~~~~~~~~


似乎和樓上所講的非常吻合.即個一句"南轅北轍"

猴子爸

medicine 發表於 23-7-25 10:36
從來冇話過直升的學生勁, 版主同我都有講過, 直升的學生中, band 1-3 的程度都有, 我地睇左佢地12年, 由咩 ...

medicine, 你好！我是你所说“教猴子的爸”。你就姑且放过港同吧。难得有一家新直资办得那么成功，家长们也无私地分享，你就别捣乱吧。
DSE成绩是主要靠外来生，还是原校生，有那么重要吗？
看他们的5+%，就知道很多人都取得好成绩，而且是年复年越来越好，肯定的是“这间学校总有一些不一样“。

HK-MAN

大家都知讀書從來沒有免費午餐....學習氛圍好重要,但重中之重係學生及家教...

poonseelai

猴子爸 發表於 23-7-25 11:19
medicine, 你好！我是你所说“教猴子的爸”。你就姑且放过港同吧。难得有一家新直资办得那么成功，家长们也 ...

可能佢今年另一個火頭燒唔起, 茅頭去了港同

猴子爸

poonseelai 發表於 23-7-25 11:56
可能佢今年另一個火頭燒唔起, 茅頭去了港同

“另一個火頭“？这是他的嗜好。喜欢看到哪里看似有漏洞，有“不合逻辑”的话，就会大加鞭鞑。

HK-MAN

猴子爸 發表於 23-7-25 12:08
“另一個火頭“？这是他的嗜好。喜欢看到哪里看似有漏洞，有“不合逻辑”的话，就会大加鞭鞑。
...

但對我黎講係好事,有啲角度及邏輯我係忽略咗..,啱定錯從來都冇絕對.

猴子爸

HK-MAN 發表於 23-7-25 12:26
但對我黎講係好事,有啲角度及邏輯我係忽略咗..,啱定錯從來都冇絕對.

正如意见都可以有不同种类：有些是善意的，有些是挑剔的，有些是无聊的，有些是恶意攻击的。看你怎样看他的留言了。

PTL_L

猴子爸 發表於 23-7-25 12:30
正如意见都可以有不同种类：有些是善意的，有些是挑剔的，有些是无聊的，有些是恶意攻击的。看你怎样看他的 ...

討論區存在的目的意義就係咁，反之，意義就失去了，亦唔需要再上EK搵參考喇！咁大個人，自己識過濾，啱睇咪睇，唔啱睇可以唔睇。

Charlotte_mom

medicine 發表於 23-7-25 10:33
討論區見過唔少,只要版主唔like,可以好快揾到位去ban.
我一向唔忌尼啲,ban咪ban.至於理據,各人自有判斷.

如果版主唔like就可以ban，我ban 咗好多人好耐啦
做人做事對得住良心好d, 我唔想再維持呢種無聊嘅對話，公道自在人心，你鍾意點就點啦