荃灣中學(觀後感)

youma

我個姊妹好似係開校時入讀, 王少清係80年代開校, 都出過榜眼, 我估當時約莫band 3 (即係而家band2咁上下).  

cj712644

係呀, 個時係5個BANDING, 王少清係 band 3 咁上下架. 我妹夫都係果度畢業既, 佢果時係 band 3 生黎架.

rclamlam 寫道:
youma

你所講既係咩年代先, 我講既係有198X年個時呀, 個時係5個BANDING, 佢係熟BAND 3咁上下啦.

youma

安柱出過8優, 而家做緊醫生.

rclamlam 寫道:
安柱都好少出到10優啦, 而且我唔記得有無出過添, 但係呢間學校係好好既學校, 自行去年仲係1:13添, 所以唔一定有10優既中學先叫好中學.

cj712644

click here

yunman 寫道:
cj712644:

請問你所指的HKCEE摘A既數目是在哪裏公佈？
是否可信呢？

CoC

RT君：

小弟路過此地，發現 RT 君在此分亨 02/12/06 荃灣中學觀後感，可與君有碰面之緣？(我都有參觀)
閣下之分亨.....詳盡、中肯而不過火，相信是位資歷不淺的家長，值得向各學校推介；心信所有學校(包括辦學團體、校長、老師、家長)都希望所屬學校能不斷增值、自強不息，只是在客觀條件影響下，有不同的步伐吧。

明天，09/12/06 第二天荃灣中學觀校日，期待 你/妳 的分亨。 cOc

RT 寫道:
Hello, 各位,

好耐冇上黎,呢段時間都係週圍去睇學校, 上星期跟家教會睇左5間中學, 以下係我參觀完學校之後既一的感想:

1.荃官 : 唔使講都知係名校, 而校方亦都冇刻意去推銷自己學校, 立場亦都好清晰, 就係要尖子, 所以中游份子唔使考慮
不過唔知係咪老牌名校,感覺上好似冇咁進取,加上比我感覺學校重視尖子多的, 其他成績冇咁好既(其實都好叻)就冇咁在意
面試形式 :主要係小組討論, 不過唔使再睇校內成績, 因為佢地認為揀得出黎面試既都係精英 (上年約8個人爭1個位,睇落好似少人爭,不過唔好忘記申請既都要乎合佢地既基本要求)
總結 :如果全級考10名之內,加上有一技之長既可以考慮

2. 聖方濟 : 感覺上校風都唔錯, 加上新建既設施, 多左好多地方, 而老師既年資亦好耐, 男仔應該會讀得幾開心. 不過校長似乎唔係咁積極, 而近來會考成績好似有的退步, 同埋男校有好有唔好, 好既係資源分配會集中的, 但男仔一齊會比較曳(唔係壞),呢點要留意
面試形式 : 2個對1個,主要以廣東話問問題,亦有普通話同英文題,最特別係有2分鐘個人表演時間(上年約4個人爭1個位,如果淨睇男仔黎講算多人爭)
總結 :band 2中至尾既男仔可以考慮,如果運動(尤其是游泳叻既)會著數的

3.林百欣 : 除左環境幾好之外, 冇乜特別, 呢間比我既感覺較差, 整個簡介會都冇正副校長露面,又冇交代佢地去左邊, 好冇誠意, 要知道校長對學校係好關鍵麻, 你唔出黎講吓辦學理念,點推銷間學校都冇用
面試形式 : 冇介紹, 不過好強調如果係選佢地就早的揀,因為據講上年派位後有百幾人扣門, 佢地都係睇返選校名次黎收(上年約2個人爭1個位,都唔算差)
總結 :據聞學校正在増值緊,同時又係新校長,雖然唔知佢既辦學理念,但應該會幾積極,band 3頭既最佳選擇

4.呂明才 : 校方都知道先天不足, 成績同操行都乏善可陳, 冇乜賣點,所以好"乖巧"咁以視藝做賣點, 專攻一科, 成間學校由大門至課室放滿學生既作品, 睇落的作品又真係幾好幾靚, 老師都好落力介紹學校設施, 見到都係有心攪好學校既,可惜~~
面試形式 : 冇介紹, 我諗佢地都冇諗過有人會去面試,校長亦都知學校不足之處,冇去推銷,只係講左家長搵學校最好以學生成績配對,唔好盲目跟風
總結 :感覺學校係好想辦好,奈何學生資質太差,好多人都放到最尾,唉~~不過如果小朋友鐘意藝術既,學校都會比心機栽培既

5.廖寶珊 : 呢一間比我既感覺最好, 學生好有禮貌, 校長好積極, 辦學理念又好, 好感受到佢個份熱誠
聽家教會的人講以前呢間係band3學校, 校風好差,不過自從新校長到任後積極改善, 依家由band3升上band2
面試形式 : 都係小組形式面試,強調唔使吹谷小朋友黎面試, 不過我諗都冇人會聽(上年好似話有3百幾人申請,約8個人爭1個位,重誇張過一的band1中學)
總結 : 同梁省德一樣,校長係最關鍵影響學校既,不過今年2選1,肯定有的band1生會搵呢間作後備,所以係band1尾生既首選

今個星期會睇另外6間中學, 睇完再同各位分享

拷貝

期待其他中學的評價~~

beaclem

我都好有興趣知道下(純粹八卦)   

silviang

Dear RT

12月9日的荃灣區中學參觀後,感覺如何?

RT

Sorry,咁多位, 近排假期前比較忙的,等我整理一下再出post   
係呢, 假如有邊位家長都去過既,都歡迎發表意見,thx~~

lulumamee

〔可風〕點睇呀∼∼∼

拷貝

慢慢來~~
感謝你的分享

rclamlam

我聽我朋友去年話可風校長好好, 好有心辦學, 而且一向學校都有交流生, 以前電視都有介紹過, 荃灣區除左荃官, 可風係幾好架.

lulumamee 寫道:
〔可風〕點睇呀∼∼∼

sameiyi

Hi, rclamlam, RT,

又係向你地討教既時候, 亞女成績表出左, 全級頭三名, 可惜五年級考到二十幾至三十名咁後, 好彩基X小學banding都幾好, 頭60名都係band 1學生, 我想問佢兩次咁大分別, 可唔可以報荃官或林護試下?佢得鋼琴八級同考劍橋英文flyer14個盾, 而家讀緊ket ,呢D都唔算係咩強項, 因為大部分小朋有都有學琴同劍橋英文,所以而家都唔知去邊間好!   

sorlo

如果呢間學校頭60名都係BAND 1, 你係考頭三名，　加上有鋼琴八級同考劍橋英文flyer14個盾，　一定可以揀林護同荃官

大部份小朋友學琴，　去到小六係未必有八級，　你小朋友勝算應該幾高

rclamlam

其實兩次加埋都唔差啦, 可以試下荃官自行第一, 可風自行第二, 林護基本全級唔係頭5名都好難係自行入到.

sameiyi 寫道:
Hi, rclamlam, RT,

又係向你地討教既時候, 亞女成績表出左, 全級頭三名, 可惜五年級考到二十幾至三十名咁後, 好彩基X小學banding都幾好, 頭60名都係band 1學生, 我想問佢兩次咁大分別, 可唔可以報荃官或林護試下?佢得鋼琴八級同考劍橋英文flyer14個盾, 而家讀緊ket ,呢D都唔算係咩強項, 因為大部分小朋有都有學琴同劍橋英文,所以而家都唔知去邊間好!   

sorlo

flyers 十五個盾係滿分，所以十四個盾係好高分，同埋十一歲八級琴都算係強項，　你可以問下老師意見，　看是否值得一試

sameiyi

hi, sorlo,rclamlam , 我問過班主任, 佢話亞女間小學Banding高, 兩次拉平考20名內都可以試誇區傳統英中, 亞女拉平兩次係15,16左右, 所以我真係想試林護, 不過自覺亞女唔係非常標青, 所以心大心細, 問下各位意見.

其實我想揀荃官或林護除左成績好之外, 我都識幾個小朋友讀這兩間中學, 見倒佢地成績好之外, 都好有禮貌, 而可風我就冇識人係果度讀, 以前我既年代可風真係我既首選, 但近幾年聽D家長comment係話成績同校風都唔及林護同荃官, 而我又真係冇朋友D仔女讀可風, 係唔太清楚這間學校既情形下, 見亞女今次考得好, 所以想考慮荃官或林護, 但又擔心比佢五年級下學期個名次拉低, 所以心大心細   

sorlo

個人都係較喜荃官多過林護，　林護似乎較著重成績

rclamlam

SAMEIYI,

我會自行首志願揀荃官, 荃官印象點都好過林護, 而自行第二志願你問下老師意見啦, 可風都有開放日架, 你有無去看, 我女都有好幾個同學入可風, 間學校校風唔會差於林護/荃官, 而講成績, 當然公開試無荃官/林護咁高啦.

讀荃官學生會較開心.