Happylily2012 發表於 13-6-4 02:39 
34網派到領島！忍咗2日，見到朋友慶祝派到第一志願，終於都喊！
老公話前日幫我編第一志願叩門信時都喊了！ ... 想用第一身既故事同失望的家長打打氣：
兩年前的這個時候, 我也很失望、失落，面試的結果也令我有一刻懷疑女女的能力。 自細覺得小女有語言天份, 但很早熟
, 懂事。比較慢熱, 見到些惡D或冇禮貌既人就唔多想答人。
當時沒有去考出名的幼稚園, 只在區內讀普通學校。又冇cert又冇獎, 報小一時只報了5-6間私小和直資學校，可能性格原因, 全部2nd都冇, 只有兩間waiting；15分又連區內自行都落選。當時諗一直覺得叻既女女點解冇間收, 真係好似係天堂跌落hell!
到冷靜落黎，都明白考小一既setting係唔一定揀到叻人，應該揀咗Ｄ外向既人，唯有接受大抽獎既結果, 深信小朋友如有天份, 最终可憑實力考到好既中學。 十二月一間對其學制有些顧慮的直資收了, 最終决定放棄大抽獎。六七月叩津校又in都冇得in。 大抽獎後既八月, 心儀既私校最终才說有位，所以不要太早灰心啊！ 一年後既暑假，同一個人沒有出外補習，沒有獎牌；去考名津校小二插班試間間都收，到佢同我講唔鐘意尼間, 唔想去嗰間。
我既故事想話俾大家聽, 唔好俾這遊戲打擊你對孩子既信心，佢地揀既其實同大抽獎冇乜分別。唔可能在5歲做到talent identification吧!
重點係無論去到那間小學, 我哋有6年時間引導孩子好好學習，有書緣既中一都可以去到理想既學校，不要在考小一階段氣餒或失望呢。
再正面啲諗，我地目標係引導小朋友努力學習, 用自己既能力去爭取插班；小二未有位, 小三再試；小三冇位,小四再試；最終小五都可能未有位，但可能就係這個目標令到小五、六成績很好，考到一間很好的中學呢！我真係相信學無前後，達者為先呢。 | 
發表於 13-6-4 17:05
