讀小學後，大細b已沒有分別？

longlokma

原帖由 Olympian 於 14-02-24 發表
回覆 藍藍媽 的帖子

哈哈哈﹗其實我自己細個係11月大B，都成日怪阿媽唔早一年替我開學。但係佢話當年我面 ...

所以話，比較什麼大B细B好無謂，其實是用来自我安慰的藉囗，與其花心神去研究别人大B细B的成绩及发展，不如花心思去了解自己孩子的强弱點，再加以栽培吧，每个孩子也是独立个体，何必跟他人比較？

eviepa

我第一次接觸做大B有著數的理論，是在中二上課時老師講的。

不過從我自己有限的視野裡，看到的景象卻似乎相反。我小學讀雞校，同學的平均年齡最大；中學去了一間不錯的學校，中學的同學平均明顯小得多；我每升一個階段、換一間學校，同學的平均質素越高，但同學平均年齡卻越來越小。

無論小學、中學、預科，我都看不到一個大B讀書較強的格局，反而看到細B有可能成績稍微高一點的現象。

當然，我個人的視野有限，所見的只是幾百人，未必可以作準。不過，大概是隨機的幾百人中看不出大B有著數，我的判斷是，很有可能大B的優勢並不是很明顯。因此，十幾年前我要決定女兒做大B還是細B時，為了省下白花花的十幾萬元鈔票，亦希望女兒早一年投入工作兩個因素起到了決定性的作用。

我的判斷可能錯，不過大家可以參考。

Apple_Orange_T

而家乜都要早學，幼園讀小學，小學讀中學……如果細b在月齡上比大b提早學幾個月，我也在想可能是好事，只不過在表達能力上和大小肌肉發展暫時未能追上而已，且細b和大b相處下可能拿捏得更快，但至於是否被心理影響就不大清楚了。

shadeslayer

eviepa 發表於 14-2-24 19:12
Shadeslayer,

我無立場既，因為我唔知早一年讀，確實影響有幾大。只係基於窮等人家，慳得就慳既原則，提出 ...

Eviepa,
香港孩子只有九月至12月的孩子才有得擇大小B，其實唔知香港咁怪，家長有得選。

eviepa

shadeslayer 發表於 14-2-24 22:42
Eviepa,
香港孩子只有九月至12月的孩子才有得擇大小B，其實唔知香港咁怪，家長有得選。
...

呢個問題好易解決，小一自願留級就可以。

longlokma

原帖由 eviepa 於 14-02-24 發表
呢個問題好易解決，小一自願留級就可以。

学校未必批准的，留级也有quota啊

eviepa

我覺得「大B論」係成立嘅。大B由於嚮幼稚園同初小階段有相當大嘅優勢，因此覺得自己比人哋醒一D。而呢種感覺好有可能一生受用不絕。

我個女唔單止係細B，讀幼稚園時無論語言能力、自理能力同肢體活動能力都比一般細B更差。啱啱讀小學時有D自卑。

小一時，我由老婆手中接過培養阿女嘅責任，首要任務係培養佢嘅信心。我深信欣賞讚賞鼓勵係培育自信最佳方法，實行日日讚。阿女畀我讚得多，讚到飄飄然，畀我水到佢真係以為自己好叻，於是行為上盡量做叻學生嘅嘢，最後得成正果。

學校畀唔畀到成功感，我哋好難控制。但係嚮屋企，我哋絕對有能力畀到成功感仔女，視乎你肯唔肯做。

kakamamama

回覆 Apple_Orange_T 的帖子

我覺得就無咩大分別

Rachelmummy2008

同意男孩女孩成長的分別。
至於大细B，我認為陪伴孩子從O歲開始怎樣去教養是有影响的。
讀幼稚園之前的一段時間最容易被忽略。
陪伴小女成長頭兩年已經開始從日常生活中著重大小肌肉，自理等，小女是細囡，N班畫綫條大部分没有出界，跳舞跟上大一年的女孩。
最近在網頁看小學的運動會，她自信地說想參與呢！

Olympian

回覆 eviepa 的帖子

Search "relative age and school performance". You will find lots of journals about this topic and lots of interesting findings.

fc926

見到好多討論理論上怎樣，實際上又怎樣，我相信真係因人而異，唯有分享自身經歷作參考。我k1是大B，自己都唔知點解K1考左第一名，跟住被老師建議跳級直上k3做左細B，K3及P1就變左中下游份子，後來P2再上（一直做班中細B)就追番上做上游，最後以算是唔錯的成績入大學然再讀上去。以我高中時期的同學為例，大部份名列前矛的都是9月後甚至之後一年1月出世，所以我的印象從來都是非常自豪自己是班中年齡最小的一群。

shadeslayer

其實再多的例子分享，也用處有限。因為結論一定係有好多細B跟唔上，要補習，家長孩子加倍努力才追得上。而又有不少細B打勝大B。

無論別人的B如何，家長要面對的是，孩子如果在九月至十二月出生，幼稚園應做大B還是細B。未讀之前，家長如何得知自己的啊B得唔得？如果做細無明顯好處（奶粉粥仔錢除外），究竟做細B博乜呢？

nieualma

回覆 藍藍媽 的帖子

同意你講法, 男女始於有別, 女仔當然介意年齡, 如果個男仔有女仔性格, 都要想清楚先好下決定

MrBeast

Apple_Orange_T 發表於 14-2-24 22:23
而家乜都要早學，幼園讀小學，小學讀中學……如果細b在月齡上比大b提早學幾個月，我也在想可能是好事，只不 ...

樓主你説有切身需要，Im only guessing, seems to me其實是想做細，對嗎？倒不如出另一個post on "請教細B家長如何令細B讀小學時和大B沒有分別"。

Rachelmummy2008

我有留意小女在校社交的表現，因為大部分同班的大過佢，我刻意的提醒她做大姐姐，看顧低班的小朋友。（學校可以做風紀）
另外去會所玩，她會和細過她的小孩玩，藉此可以令她在社交方面有進展。

魚兒小寶貝

識一個10月男B，由細開始已比較鈍，轉數比較慢，到左小學三年級成績唔好留班。變左大B後，成個人有衝勁及自信得多。

現同班有個超細男B（12月30），又係由細開始已比較鈍又輪盡，轉數比較慢，心散，個個郁緊佢就企響到唔知做乜，因為天生鍾意食，所以只有呢樣最叻。佢媽媽K1開始已向學校投訴，話老師比佢個仔既評估差，校長有開導佢，但佢難以接受。我當時建議佢，趁仔仲細，不如轉做大B，一係佢就只focus仔仔自己，唔好同人比。到左依家K3，10月時媽媽又向學校投訴話評估差。說實話，如同自己班比，佢真係差d，如同K2比，可能位置會在中游。如果我係佢，一早會同小朋友轉做大B。

藍藍媽

原帖由 魚兒小寶貝 於 14-02-26 發表
識一個10月男B，由細開始已比較鈍，轉數比較慢，到左小學三年級成績唔好留班。變左大B後，成個人有衝勁及自 ...

Agree.  所以細B家長可以在k1 時留意下自己小朋友同同學仔比會否好容易被比下去，如果真係差就不要勉強做細…… 勉強做細或做大都無幸福…… 家長要自己留意，無一條general rule can fit all kids

shadeslayer

原帖由 藍藍媽 於 14-02-26 發表
Agree.  所以細B家長可以在k1 時留意下自己小朋友同同學仔比會否好容易被比下去，如果真係差就不要勉強做細 ...

做大有乜勉強？比人嘲笑大？別人嘲笑，係別人唔啱。別人嘲笑年齡大，也會嘲笑年齡細，一樣的。重點係如何處理嘲笑，不是成為不做大的理由。

藍藍媽

原帖由 shadeslayer 於 14-02-26 發表
做大有乜勉強？比人嘲笑大？別人嘲笑，係別人唔啱。別人嘲笑年齡大，也會嘲笑年齡細，一樣的。重點係如何處 ...

我自己細個學跳舞做過超大B, 班中的小朋友多是細我一年的年頭B，我果陣好唔開心，同我媽咪講点解唔可以上高一班，我媽咪有同老師反映，老師話高一班的又比我大，學低一班可以叻d……我初時係比人叻，但唔覺得馨香，因為這是必然的……之後比細B追過就更唔開心，最後無再學了…… 這是我親身經歷，你無須challenge 我作為一個五六嵗小朋友的感受…… 亦希望你可以包容一下其他人的意見