荃灣中學(觀後感)

cj712644

sameiyi :

我去過可風既簡介會, 感覺非常好, 絕對是一間唔錯既中學, 校長好有 heart, 學生好 sincere, 成績水平很高, 辦學理念非常清晰, 有教無類. 很多同學都表示讀得很開心.

可風校內設施很新, 很齊全, 好過荃官.

如果我揀, 第一會係可風, 第二係荃官.

sameiyi 寫道:
hi, sorlo,rclamlam , 我問過班主任, 佢話亞女間小學Banding高, 兩次拉平考20名內都可以試誇區傳統英中, 亞女拉平兩次係15,16左右, 所以我真係想試林護, 不過自覺亞女唔係非常標青, 所以心大心細, 問下各位意見.

其實我想揀荃官或林護除左成績好之外, 我都識幾個小朋友讀這兩間中學, 見倒佢地成績好之外, 都好有禮貌, 而可風我就冇識人係果度讀, 以前我既年代可風真係我既首選, 但近幾年聽D家長comment係話成績同校風都唔及林護同荃官, 而我又真係冇朋友D仔女讀可風, 係唔太清楚這間學校既情形下, 見亞女今次考得好, 所以想考慮荃官或林護, 但又擔心比佢五年級下學期個名次拉低, 所以心大心細   

RT

Hello, sameiyi,

嘩,你囡囡好叻呀,可以係咁短時間內由二十幾名升上頭三名,可喜可賀!!!
其實我覺得, 以現在你囡囡既名次,加上你學校亦係荃灣區中學校長喜歡既學校,其實荃灣區3間英中入圍既機會好大, 而荃官我上次聽佢地既簡介會, 學校既意思好明顯係要揀最top既學生, 最好重要有學業外既才能, 咁你囡囡既鋼琴八級同劍橋英文正好大派用場, 假如面試臨場表現中規中矩, 都十拿九穩...
重有, 你囡囡既優勢係成績突飛猛進,而唔係下跌緊,而校長亦多數會體諒小朋友細個時未識諗,到依家先發力,所以亦係一個point
今年有多一個選擇,我既意見同rclamlam一樣, 你可以考慮一下可風作後備, 其實呢間學校無論係成績同校風,一的都唔輸洩得過荃官, 反而我覺得係某的層面上,例如小朋友全面發展,佢重優勝過荃官,每年大學入學率都差唔多去到100%,係唯獨是名氣冇咁大,所以可以諗吓
林護都係好學校,不過名氣亦係太大,競爭者太多,五年級既成績可能會有的影響,我唔係太建議你選擇

tkkmama

sameiyi:

嘩, 一次第三名, 一次廿名 拉平先十五,六, d分又係差好少乍, 成績都唔錯呀, 加上有其他打底, 考林護加荃官都唔失禮啦, 去馬啦....   

可風.....你唔好考慮住啦....

RT

yunman 寫道:
大家好!

我都參加過荃官的簡介會, 見到有些學生由小學老師帶去參觀(如:浸xx,天x,兩間官x...等), 但我個女個間學校就無老師帶,唔知荃官係咁同呢幾間小學聯系好d,係自行收生時會收多d呢??

係簡介會有家長問過呢個問題,但荃官校長好斬釘截鐵咁話,聯系小學係冇特別優待,即是唔會收多的或者優先考慮,咁又係既,佢旨在吸收精英,係自行收生一定揀的最叻既學生啦

RT

yunman,

我諗你攪錯左喇, 佢地列左幾點出黎,話需要乎合其中一點就可以參加面試, 你所講既係其中一點,其餘各點如下 :
荃官收生資料
學額：60名
篩選面試準則：
1.    品行優良
2.    以下項目，須符合一項或以上：
2.1  依教統局提供的「內部成績次第名單」以位列高者為首選
2.2  兄、姊於本校畢業/現就讀本校
2.3  父母為本校員工/於本校畢業
2.4  具備特別的才能/成就

入學評選準則：
1.    面試表現
  (主要評核學生的語文水準，通識，學習技巧及時事常識等項目)
      (1) 英文面試  40%  (以小組討論形式進行)
      (2) 中文面試  30%  (以個別會見形式進行)
2. 學業成績  10%
3. 課外活動及社會服務  5%
4. 特殊才能/成就  10%
5. 父母對學校或家長教師會活動的參與  5%

不過以你小朋友既名次,如果係教統局既「內部成績次第名單」唔係太高,咁就唯有睇下有冇其他特別的才能,假如冇真係可能要考慮另一間好的
重有一點,中學唔同小學,唔係話有兄弟姊妹係度讀就一定入到,呢點一定要注意,免得浪費左一個機會....

rclamlam

yuman,

你自行有兩間, 你咪試下第一志願荃官, 第二先揀第二間啦, 可以試下.

RT

yunman,

唔知你係咪必定要揀荃官呢? 你囡囡有冇代表學校參加比賽呢?又或者曾經參加過公開賽攞獎?因為恕我直言,由於今次自行收生係全港性既, 咁即是係無分區域, 而你囡囡p.6既呈分試拉低左,無形中影響左佢係教統局個成績次第排名,咁真係要好睇申請個幾百位學生既成績係點,然後先至抽出200人乎合條件既面試, 咁就算揀左你囡囡出黎,都唔係太樂觀, 因為荃官都講明, 要有個人成就才考慮,以現在你囡囡既成績,可能會輸洩左的(我並不是講你囡囡成績唔好,而係太多人揀荃官,第一階段唔係咁易入者)

rclamlam

RT,

但係點都好過報林護啦, 荃官應該機會仲大過林護.

RT 寫道:
yunman,

唔知你係咪必定要揀荃官呢? 你囡囡有冇代表學校參加比賽呢?又或者曾經參加過公開賽攞獎?因為恕我直言,由於今次自行收生係全港性既, 咁即是係無分區域, 而你囡囡p.6既呈分試拉低左,無形中影響左佢係教統局個成績次第排名,咁真係要好睇申請個幾百位學生既成績係點,然後先至抽出200人乎合條件既面試, 咁就算揀左你囡囡出黎,都唔係太樂觀, 因為荃官都講明, 要有個人成就才考慮,以現在你囡囡既成績,可能會輸洩左的(我並不是講你囡囡成績唔好,而係太多人揀荃官,第一階段唔係咁易入者)

RT

比較起來應該係荃官易入的,不過yunman個囡囡考20名, 唔建議佢考呢二間中學, 不如考的冇咁有名氣既學校, 咁機會大好多..
不過話說回來, 如果堅持要入荃官既,就算面試唔收都可以博大抽獎,到時反而有利於yunman個囡囡,因為到時候冇分band1頭或尾, 一視同仁, 但假如係第一輪已經揀左其他英中,咁又會係冇左個機會,所以真係好睇你地係咪好想好想入呢間學校....

RT

yunman,

假如囡囡好想入荃官, 咁你咪比佢去試吓囉, 難得小朋友自己有主見,咁佢係面試既時候會儘力的架, 況且今次有2個自行申請既機會,假如真係唔得重有多個選擇, 唔使咁擔心...
有冇同班主任商量一下呀?因為班主任係最了解你囡囡情況既, 加上每間小學都好重視p.6派位成績, 所以我地的意見只能作為參考而班主任既意見先係最合適既

Mandy2002

其實自行收生一向都係全港性(即是係無分區域)，為何今年會競爭較大?[quote]
RT 寫道:
yunman,

唔知你係咪必定要揀荃官呢? 你囡囡有冇代表學校參加比賽呢?又或者曾經參加過公開賽

RT

我打多左"今次"二個字

mrs_lee

今年的競爭會較大，因為可以選兩間，變相好的學校就會收到比往年多的申請，選擇亦自然多了。我這推論成立嗎？

RT

yunman,

Sorry, 我當日冇去到何傳耀簡介會,比唔到意見你,我諗要睇下其他家長有冇意見可以比你喇.

mrs_lee,

今年可以揀二間, 肯定出名的既學校會多左人去申請, 變成一的成績冇咁好既學生就更難選擇,好似荃官咁,如果多左人投考,咁可能成績差小小既連面試機會都冇  

不過有的野我都唔係好明, 舉個例子假如有學生係自行分配學位時,同時比二間學校收左, 而佢一定係派去第一志願啦, 咁第二志願個間學校, 原先已經決定左收60個名額咪小左1個? 如果間學校唔好彩既, 60個名額可能有大半學生揀係後備個間,咁佢咪要預多好多後備學生??究竟的學校係幾時先知有幾多學生係自己選既呢??

mrs_lee

RT,
我估計學校交去的收生人數一定會多於30%。