請問粉嶺上水區小一派位?

朗媽

hinhei,

我諗現階段唔會揀神召會，我識o既人亦唔揀神召會，佢?多數揀嘉福榮真、于良發同曾梅千禧。

希望hin hin 同 longlong 有機會做同學啦！！！

歌莉亞

請問嘉福榮真同上水榮真那一間較好 ?我個女出年升小一，都打算選這兩間其中一間。

朗媽

歌莉亞,


According to the previous post, 嘉福榮真 is better than上水榮真

朗媽

wenwen821,

有無去到參觀嘉福榮真？？？學校資訊設備真係唔錯，我最鐘意早會時o既視象會議，學生唔洗響操場集隊，直接上課室，唔洗響操場夏天熱辣辣，冬天凍冰冰。

你有無參觀禮堂？ 禮堂響四樓，但老師無帶我地上去。

朗朗依家話要讀嘉福榮真，因為有 Lego 學會，真係俾佢激死。

wenwen821

朗媽,
我都有去參觀嘉福榮真, 都覺得學校設施幾好, 校舍又新, 我問過位風紀妹妹多唔多功課, 佢話每日四至五樣, 假期前八至九樣, 暑假就無功課, 參觀完之後令我改觀左. 帶我地個老師都無帶我地上去禮堂喎! 係喎, 點解呢間學校無安排講座?

朗媽

wenwen821,

你指咩講座？？？

你之後仲會去邊間小學參觀？

朗媽

May,

你有無去參觀嘉福榮真？原來飯盒係學校個 canteen 供應 $14 一個。

wenwen821

朗媽,
因我之前參觀d小學都有安排去禮堂聽校長講解關於學校的運作, 仲有比家長發問問題, 但呢間就無.
我下星期二會帶女女同幾個同學和家長去大埔阮鄭夢芹小學參觀, 因學校有個暑期活動日歡迎k2小朋友人參加, 你有無興趣?

cato

各位媽咪朋友 :

請問大家點睇鳳溪小學，于良發，靳茂生及宣道呢?

以上幾間小學都是我在一個中心上家長學堂時個導師提議, 他是一個資深的社工, 曾在部份學校做過註校社工或講座.

而我仔仔現在讀的鳳溪幼稚園程度非常深，功課壓力比較大，他好活潑好動，所以我想選一間比較適合他的學校.

請各位比比意見.

hinhei

朗媽

我有去參觀呀!我哋係幾間幼稚園一齊參觀的.都係無去禮堂.
我個仔睇完都係話要讀呢間.因我哋只係睇咗呢間!
原本無諗住去睇架,但係都決定咗選呢間,咁就去睇吓囉!
設備係幾好!

呢間學校功課係唔多,但係就好多Project做.讀呢間要比心理準備就係做亞媽一定要有足夠時間幫個仔or女囉!

朗媽, 你咁都留意到$14一個飯盒!!!!!!!!!!!!!!!
我有朋友個女係另外個間榮真讀,佢話個度啲飯盒差到唔係人食!!唔知呢間同唔同囉!不過都無所謂,咁近,唔食佢個啲攞飯比個仔都好方面!

朗媽

May,

Ha Ha Ha, 有家長問外咪知飯盒 $14 一個囉，個老師都話佢自己都係食 Canteen d 飯盒。佢話學校少功課，但有 Project 做，不過佢話唔洗擔心，d Project 唔太難做，同埋會同學生講解吓先，唔會旨意哂家長。

wenwen821

hinhei,
我都有問過帶我地個老師做Project問題, 佢話一年只做兩次, 上學期一次, 下學期一次. 不過下年就唔知會唔會改喎.
請問你地有無睇到今年佢地升中派位,
鄧顯12個, 陳融9個,東華三院甲寅年12個, 田家炳15個,派得都唔差喎.
band 1: 55.9%
band 2: 31.7%
band 3: 12.4%
第一志願: 69.66%
第二志願: 16.55%
第三志願: 6.9%
(希望我無抄錯, 如有請更正)

hinhei

但要留意,六年級有四班,一班都起碼...........我估都有四十個啦!咁成百二人..................

不過大致上呢間小學都唔錯!
但係真係好多人選囉~~~~~~~~~睇吓好唔好彩!
heheheeeeeeeee

希望下年大家可以做同學仔啦!

wenwen821

係呀, 我都覺得呢間小學幾好, 但係真係好難入, 聽講今年開始沙頭角會撥埋入粉嶺區, 我地競爭又大左. :-|

朗媽

wenwen821,

去o左參觀大埔阮鄭夢芹小學?  What do u think about this school????

朗朗有個同學的媽咪都話會去參觀大埔阮鄭夢芹小學, 她會考慮大埔d小學.

wenwen821

朗媽,
我參觀o左阮鄭夢芹啦, 呢間都幾好, 但係就舊d, 同埋未轉全日. 不過大埔中學網好d, 今年佢地中學派位:
聖公會莫壽增會督中學有51個,
羅定邦中學38個,
王肇枝中學22個,
迦密柏雨中學14個,
恩主教中學13個,
救恩中學8個,
沐恩中學6個.

煩媽咪

各位媽咪:
我想請問勒茂生及上水榮真,哪間校風較好呢?可否提供意見,煩請幫忙!
:cry:     :-| [quote]

cycynk0414

Astrid ，我都係陳式宏上午校畢業生，你邊年畢業??

Astrid 寫道:
我女將會讀佛教正慧 (前陳式宏上午校) , 我好 like 佢地既校舍, 校長既教學方針 ......... 仲有, 我係畢業生, 多人地 5 分, 第一輪已經入到 .... 唔使頭痕      

我原本想報神召會小學 (我女讀緊神召會幼稚園), 頭一兩年都仲係咁諗, 不過 .......... 我覺得佢地 d 程度低左 d ...... 所以最後都無 choice 佢地  (我地入左做 member, 所以都係多人地 5分)

我唔主張讀惠州, 佢地迫到 d 學生傻 ...... 備默備幾課, 仲有背 ..... 死得 !!!  至於宣道, 可能好多人都知佢少班機會小, 第一輪無咩家長博, 不過, 我見兩個肯博都入到, 有個仲係5分都無 !!!

朗媽

cycynk0414,

你囝囝下年都要揀學校，諗住揀番正慧嗎？

朗媽

wenwen821，

你會選大埔d小學？我都覺北區d中學無出面d咁好，但長途跋涉返學又怕佢辛苦。