浸會大學附屬幼稚園

wilsonmama

上星期六我參觀幼稚園時, 有位老師話所有K3的學生都可直升浸小, 點解他們(老師)講的會有出入呢?

關於學費, 今早send email問浸幼, 回覆約$3,000.

Wilsonmama

Hei001

我聽講座時,園長話浸小一定優先考慮浸幼學生,仲有輕輕帶過,話應該可以直升,到時便可以一條龍直上中小學喇!各位有聽講座的家長,我講得對嗎?唔知有無聽錯呢!!!     

purplehouse

吓！點解個個老師都唔同講法？我同老公都聽到話唔可能全部收番晒浸幼學生，但就會優先考慮。   

kae

Hei001 寫道:
我聽講座時,園長話浸小一定優先考慮浸幼學生,仲有輕輕帶過,話應該可以直升,到時便可以一條龍直上中小學喇!各位有聽講座的家長,我講得對嗎?唔知有無聽錯呢!!!     

你無聽錯，我都係聽到園長話浸小一定優先考慮浸幼學生,仲有輕輕帶過,話應該可以直升,到時便可以一條龍直上中小學喇!，佢重話到05年2至3月便有公佈，最緊要係佢取錄左先姐，到時先考慮讀唔讀都未遲啦。如果係我只會相信園長講的資料。

重有佢地的老師全部係contract形式請返來的，你地覺得會唔會對工作士氣有影響呢？

cindymama

由於20/11/04當天人多,我入不到去聽講座,只有落去三四樓參觀學校個批人
昨天我收到浸幼的老師打電話來說講座將會再次安排於27/11/04 4:00pm
有無邊位同樣收到電話呢?

亞史

cindymama:


我都有收到call  :

childbe

I also received this call and reserved the seat. As I had already asked so many questions last time in the tour after couldn't get in. Maybe I will not go.

kae

請問27/11會去第2次簡介會的家長，明天可否問下園長是否小學學位未能夠收哂全部原校幼稚園生呢？相信大家對呢個問題都好疑惑 ，可否幫忙一下呢？謝謝。

kae

ka媽

請幫我問下, 浸小學費係唔係不會超過$3,000-, 另外浸小學生可唔可以參加政府派位抽籤先, 有多個選擇都好.

多謝各位!

ka媽

請問邊位有去11月27日的講座呢, 有關內容, 講多D嚟聽下啦!

purplehouse

我27號有聽講座，主要分以下三部份：

Part 1:
羅園長講解有關2-6歲孩子成長發展狀況、家長如何選擇幼稚園、之後介紹浸幼，浸幼主要以廣東話教學，每星期有30分鐘英文及普通話堂，亦有宗教堂，上午班返08:30-11:30，下午班返1:00-4:00，唔使着校服，自己帶茶點，每班25人，2位班主任，師生比例1:13。無工課、無考試、無測驗，老師只會對學生進行觀察、記錄，之後進行評估寫報告。

收生標準：主要同家長面談，睇吓你認唔認佢哋教學信念，唔會問小朋友問題、另外居住地點，羅園長話家長亦要考慮此因素，因太遠可能對小朋友唔太好，佢哋希望1個鐘內可到達學校，不過唔係遠就一定唔收，有兄弟姊妹是舊生就優先考慮。如合資格的人數比收生人數多，會用電腦抽籤，所以好公平。羅園長又話如選擇上、下午班均可的機會率會高D，因大部份人都選擇上午班，但其實下午班D小朋友係吸收力好D。而今年暫時最少會收上、下午名2班，即100人左右。

至於小學及中學就好多未落實，唯一肯定就係2006年開辦及地點在沙田石門，[size=large]有足夠嘅學位收番晒所有浸幼學生。

Part 2:
睇video，內容係介紹浸幼嘅環境及學生嘅學習情況。

Part 3:
Q & A

大致係咁多，如有錯漏，請有聽講座嘅媽咪代為更正。

由於反應熱烈，所以截止申請日期押後至2004年12月2日，各位媽咪重唔快D。     

kae

purplehouse

你講得好清楚呀，謝謝。

kae

kae

purplehouse

你講得好清楚呀，謝謝。

kae

cindymama

purplehouse

你真係講得好清楚, 但我諗三年幼稚園每月$3100學費對我來講無問題, 可是, 上到小學明明有九年免費教學, 無理由仲大拿拿每月交三仟多元學費, 我寧願將嗰三仟多元給囝囝去學琴, 學小提琴, 或者踢足球等等的課外活動啦, 所以我想我未必讀了, 因為驚囝囝第日難識認傳統小學

各位媽咪, 你地點睇呀

ka媽

purplehouse, 多謝你的詳盡資料!
我最想知的就係:-
"至於小學及中學就好多未落實，唯一肯定就係2006年開辦及地點在沙田石門，有足夠嘅學位收番晒所有浸幼學生。"
因為我囡06年小一就有著落啦!

kae

cindymama 寫道:
purplehouse

你真係講得好清楚, 但我諗三年幼稚園每月$3100學費對我來講無問題, 可是, 上到小學明明有九年免費教學, 無理由仲大拿拿每月交三仟多元學費, 我寧願將嗰三仟多元給囝囝去學琴, 學小提琴, 或者踢足球等等的課外活動啦, 所以我想我未必讀了, 因為驚囝囝第日難識認傳統小學

各位媽咪, 你地點睇呀

所以學校咪成日話要家長完全認同學校的理念，要考慮清楚呢間學校係咪係適合你的小朋友及乎合家長的要求，免得第日後悔又或者要轉校嘛。

kae

kae

ka媽 寫道:
purplehouse, 多謝你的詳盡資料!
我最想知的就係:-
"至於小學及中學就好多未落實，唯一肯定就係2006年開辦及地點在沙田石門，有足夠嘅學位收番晒所有浸幼學生。"
因為我囡06年小一就有著落啦!

恭喜哂。

ka媽

如果我唔讀浸小, 唯一原因應是學費太貴令我付不起,  :cry:

purplehouse

[/quote]

所以學校咪成日話要家長完全認同學校的理念，要考慮清楚呢間學校係咪係適合你的小朋友及乎合家長的要求，免得第日後悔又或者要轉校嘛。

kae

[/quote]

完全正確！不過係講座中羅園長話以往畢業生就讀傳統學校係無問題，只係適應期有長有短，佢話有家長同佢講番，話叫個仔串字，例如:book，個仔話唔識串，要求媽咪做字母紙仔，之後係一袋字母紙仔中就識得攞b、o、o、k四張字母紙串成book，羅園長話其實小朋友係識的，不過就要用另一種方法，所以讀傳統學校無問題。羅園長又話如果家長係要成曰拿自己個仔女同人哋的仔女作比較，睇吓大家今日學咗D乜字，咁浸幼就唔係咁適合，因為學校唔會學寫字。

ABCMAMA

我同cindymama的想法完全一致。

初初我好想好想囝囝入讀這所幼稚園，因為這所幼稚園的理念跟我理想的學習模式完全一致(就像我返大學時的教學模式一樣)，但无奈想深一层，畢竟現實就是現实，香港的教育制度(小學及中學)在現階段根本就未能衔接到這种教學模式(真是落得)，若我為小兒揀選這所幼稚園，我怕将來他不適应，反倒害了他。  

我覺得这所幼稚園的理念好还好，但我始终覺得它亦应该嘗試去配合這个现实的社会，好像無功課做就是我最不喜欢的，亦都是我最终决定不棟選這所幼稚園的主因。

我深知小孩在幼時的可塑性極高，適应力也極强，小時若不锻練，大時再要他受壓就會非常辛苦，故此有适量的功課做是应該的，否則待上了小學后一下子给他一大堆的功課、测驗，他就会覺得非常辛苦。

另一方面，學費也是一个考慮的因素，幼稚園的學費雖然可能比别的幼稚園贵，但相差也只不过是HK$1000-2500，况且只是付3年錢，問题真是不大，但小學要讀6年，明明有免費教育, 却要自掏腰包每月拿HK$3000-4000學費, 况且我还想我的爱兒發展其他興趣，例如學小提琴、學琴、學日文、德文、游泳、網球，這些都是需用錢去投資的，对于我这等中产階级來说如我将資金投資在囝囝的小學学费身上，那末就相等于减少將資金投放在囝囝的興趣上，还有，若他日我多生一个小孩，哎！真的想不下去，故此，思前想后，我还是决定放棄！

除非我中了六合彩，就當别論！

媽媽們！您們的想法又如何？大家交流罷！