九龍塘英藝(Zenith)

Care_Bears2009

如無意外，我都會俾亞仔返英藝，貪佢校舍新，老公話interview 時全校staff 都當家長貴賓看待，感覺吾錯。
加上校舍近mtr, 返放學既時間對我地呢d在職父母來講仲可以帶／接到小朋友好好！
最重要係老公話去交留位費時沿途見有小朋友唱住歌勁開心咁chur住返學，相信校園生活應很開心！

shokobb

英藝我都交左留位費, 仲考慮緊讀唔讀, 因為始終係新校, 不過我自己去過學校兩次, 感覺真係好好, 老師好nice, 好有 heart, 聽完你地講既 comment 更加令我心動, 另外, 我仲有九龍塘迦南 am offer, 真係唔知點揀呢~

cclemon2009

請問pn學費??

summother

原帖由 cclemon2009 於 11-12-1 14:50 發表
請問pn學費??

我個囡返緊PN國際班, $5500/month, 1年12期

cclemon2009

Summother
我剛打電話去學校，$6900全曰班，好似ok.佢話5mins Mtr
吾使校車慳吾少bo！
十五十六tim

summother

原帖由 cclemon2009 於 11-12-1 15:11 發表
Summother
我剛打電話去學校，$6900全曰班，好似ok.佢話5mins Mtr
吾使校車慳吾少bo！
十五十六tim

但係全日班出年會有5-8%加幅, 半日班寫到明出年唔加價

beirut

原帖由 summother 於 11-12-1 15:04 發表


我個囡返緊PN國際班, $5500/month, 1年12期

Hello summother,

我都幫女女交左留位費,國際班,
請問一下讀國際班會唔會唔識廣東話呢?
平日係屋企婆婆都會同佢用廣東話溝通.

lalawowo

我交左國際班留位費。請問你小朋友普通話水平如何？我成日都擔心國際班只着重英文。我希望我個囝可以透過學習pth先打好中文底子(寫+講）

summother

Hi Beirut,

我個女未返學之前, 我係同佢以英文communicate, 所有佢只係識英文
由於係學校有2HRS英文, 1HR 國語, 因此佢一返O左學, 我係同佢講廣東話。 佢已經聽得明我O地講乜, 仲識講自己中文全名, 顏色, 食物。小朋友的語文能力真係好勁

Hi lalawowo,
我囡囡係9月B, 10月先開始返學, 宜家返O左2個月學已經
識用國語講生果, 爸爸, 媽媽, 哥哥, 姐姐, 弟弟, 妹妹, 人, 日, 水.....我覺得佢D中文程度同英粵班差唔多, 只你唔係用廣東話教

PiyoC

我今早去過學校, 見到啲小朋友都好開心似的, 一個小妹妹仲畫左張聖誕咭, 拖住個外藉老師送比office入邊既女仔. 相信佢哋平時都對小朋友好好.

想問各用家, 老師好嗎? 會否成日轉老師?
website話課程是採用歐美活動教學法, 即係點?

我見佢地有好大既戶外遊樂場, 是否每日都有得出去玩, 會全校一齊玩嗎?

giantkid

原帖由 PiyoC 於 11-12-9 10:52 發表
我今早去過學校, 見到啲小朋友都好開心似的, 一個小妹妹仲畫左張聖誕咭, 拖住個外藉老師送比office入邊既女仔. 相信佢哋平時都對小朋友好好.

想問各用家, 老師好嗎? 會否成日轉老師?
website話課程是採用歐美活動教 ...

佢地裡面有多一個戶外遊樂場俾小朋友玩，樓上二樓又有一間房係遊樂室，所以小朋友番學一定有得去玩。

至於轉老師問題，首先，我見我去年番playgroup 既老師到依家仍然係度教緊，所以我估轉老師既問題不太嚴重。不過，我又覺得其實轉老師又不大問題，小朋友番學為了學同適應新事物新東西，就算換老師都係一種適應，如果佢係度讀n1，出年轉去第二間讀k，所有東西都轉了，咪又係一種適應。因此，小朋友番學開唔開心才是最重要。

我見我小朋友日日都有功課做，可能有d 家長會覺得好誇張，但係我又覺得佢迫我同小朋友有一段親子時間去完成一件工作，等佢習慣番學係要做功課，對我黎講反而是一件好事。

PiyoC

多謝你意見. 始終佢係一間新校, 口啤唔係聽到咁多, 加上咁貴既學費, 最終都想有好的教育和學習環境比啲小朋友..

同意轉老師本身不是十分重要, 但恐怕亦唔想一年轉幾個老師, 會較難更進小朋友既進度.始終唔同老師有唔同既呎去衡量.

功課每天多嗎? 如一兩份也可以接受..

cathy0517

Actually, i pay the fee for York (PM) and Zenith (AM), i don't know which one i chould chose, actually, i want my son to join AM class

summother

原帖由 PiyoC 於 11-12-9 12:18 發表
多謝你意見. 始終佢係一間新校, 口啤唔係聽到咁多, 加上咁貴既學費, 最終都想有好的教育和學習環境比啲小朋友..

同意轉老師本身不是十分重要, 但恐怕亦唔想一年轉幾個老師, 會較難更進小朋友既進度.始終唔同老師有 ...

我個小朋友2個班主任SO FAR無轉過

至於功課方面, 每日1-2樣, 都係DRAW 下直線OR填色, 小朋友5分鐘內一定完成, 我個小朋友佢等我放工返到屋企會問我攞個書包, 佢原來好想溫習功課和做功課, 我諗D老師好有愛心教導佢O地, D小朋友先會咁自動自覺

老師會安排小朋友每日都會係戶外個playground玩 (除O左raining), 學校地下都有一個室內playground, 因此落雨D小朋友都有得玩, 咁先balance

cocochen2511

昨天在這裡看到關於zenith評語，之前一直無留意呢閒所以無報。見好多人都已經有offer, 打過去問還有無位。接電話的職員好有禮貌話可以明天過來interview,有pm位，但am已經full曬！
今朝c6同baby去，baby都幾合作，好順利地就完成左， 即刻收仲比埋英普班留位費660。

過左兩個月日日看信箱，但收到的是一封又一封得waiting. 見到網上很多媽媽都有心儀offer. 都幾大壓力，覺得自己無好好train up個仔。 其實仔仔在家好乖， 好好湊，只是好有個性，愛自己玩，不常聼指令，更不喜歡我們逼他做任何事！其實我都擔心他是不是有問題。但是他自己玩得好開心哦！之前interview一直表現不好, 無offer預作， 開頭都準備左一閒無名氣的屋村私校做後備。同指望出年waiting放位， 又報左迦南playgroup望有分加，多個機會都要試！

現在終于松一口氣！ 之後的就順其自然吧！我不要做怪獸家長！

[ 本帖最後由 cocochen2511 於 11-12-10 12:21 編輯 ]

cocochen2511

你好啊，同學仔媽咪！

cocochen2511

yes, they still accept PN, but only PM class availble or you can wait for am....call them to arrange interview, no need to mail application! save time
and very efficient! and they give offer right the way after interview if no problem