張祝珊

zashikibuta

服務同奬項實際點計分，其實我都唔清楚，只知去年有個申請人有過千張有關證書，最終是否成功考上就唔知啦！

ccspy

有冇咁誇張呀！成千張，咪要成箱先至得？

ccspy

我諗呢d係少數，三年獎項200分 = 40個冠軍，每年要有 13 個，唔易 woo!
三年課外活動及服務 100分 = 100 次，每年 33 次，依現時小學制度，服務差不多人人有份，只要玩多少少活動，亦不太難接近d

ccspy

張祝珊開放日：19/2/2012
時間：9.30am – 3.00pm
到時同我地d學生同家長傾下la

tommama

中文份卷個個都話深，請問知唔知同學大部份喺攞幾多分呀？

點解中文卷要深過英文卷咁多呢？

zashikibuta

因為新高中學制中文難過英文。

ccspy

E+小朋友d中文死穴 — 文言文！

zashikibuta

最弊小學無咩教過文言文，依家佢哋讀既文章係我中四先讀，以十二、三歲小朋友真係未必理解文中含意。

carson_ma

乜唔係小五小六開始教少少文言文？我記得我以前讀小學都有教

ccspy

今時唔同往日，d中文唔係由欣賞出發，而係當第二語文咁讀，學文法結構，無曬樂趣可言，好難提起小朋友d興趣。記得我以前讀詩辭文言，覺得好優美好玩，朗朗上口背誦唔辛苦，但係今日d教學法使到小朋友好抗拒，所以佢地認為難度好高

ANChan59

教育局長官意志強推母語教學，課程，學校及教師未能配合（唔関哂佢地錯），最終苦了孩子。

能否將母語學習變得活潑有趣？如果廣東話都唔掂，唔好講普通話。小兒的普通話老師教得好有趣，兒子興趣大增。

zashikibuta

回復 carson_ma 的帖子

我囡囡間小學只係略教，仲要係齋欣賞個隻，連四字成語都唔教，囡囡識得既成語係外邊普通話老師教咋！
而依家中一學論語、同詩經既修辭技巧、對文章內容分析、其表達既情感、深層道理，我都係中四學文學先作咁深入了解，當時我都唔係完全理解同懂得欣賞，所以我覺得對十二、三歲小朋友應該係深既。

ohnono

除中國語文外，中國歷史也竟成為當今最難讀，難考的科目。
最攪笑的是越母語教學，中文表達能力，中文思維分析能力越差！

zashikibuta

最慘係小學教既銜接唔到中學課程，中學又要等今年考完文憑試先知點教才可配合新學制，總知咩都摸索中。

cherrybear

F1-f2只係蜜月期，好好享受，多參與話動及多看課外書因一上高中就會好忙，忙到有氣無氣唞，同學閰競爭很大根本無需父母粗心，個個都自動自覺，讀書風氣非常濃厚，老師也很好很盡責及有豐富經驗，張祝珊真是一間非常好的學校

龍舌蘭

ccspy 發表於 12-3-8 12:14
今時唔同往日，d中文唔係由欣賞出發，而係當第二語文咁讀，學文法結構，無曬樂趣可言，好難提起小朋友d興趣 ...

為左升學, 到處打聽. 聽來的都是說中文/中史難應付.
本來中文中史(我讀書時)一D 都不覺難, 沒高分也不至於難合格.
見妳講這樣教, 想不難都變難了. 是不是中文科變左文學科?

zashikibuta

回復 龍舌蘭 的帖子

應該深過我以前中學讀既中國文學，睇埋高中文憑試範圍非常廣泛。

龍舌蘭

如是這樣, 學校/家長應該怎樣準備好才能幫小朋友呢?
小學都未教文言文, 連課本都只是有一兩首唐詩而已.

zashikibuta

都係個句「鼓勵小朋友多睇不同種類的中文、英文書」，因為語文基礎都係從多閱讀開始，如果仲係小學階段最好能一星期中、英文書各一本，深化語文基礎，升中後未必有時間做。