讀小學後，大細b已沒有分別？

shadeslayer

藍藍媽 發表於 14-2-26 13:48
我自己細個學跳舞做過超大B, 班中的小朋友多是細我一年的年頭B，我果陣好唔開心，同我媽咪講点解唔可以上高 ...伀

我不是挑戰你的感受，你的感覺是你的。我只是由道理上看。以嘲笑為不做大的理由，嘲笑亦可以係不做細的理由，是打和的。

藍藍媽

原帖由 shadeslayer 於 14-02-26 發表
我不是挑戰你的感受，你的感覺是你的。我只是由道理上看。以嘲笑為不做大的理由，嘲笑亦可以係不做細的理由 ...

所以我覺得如果能力上無問題，無需要做大，因無必要地做大亦有可能有其他問題要面對，並非完全無cost / risk

nieualma

藍媽媽講得實在太好! 我想在這題目內討論的人, 大多都是想講實際例子, 從而讓樓主有個小參考, 可惜偏偏有些人, 一定要用家長式語氣否定別人, 篤信什麼研究或數字或自己成功的經歷, 不接受凡事有兩面的事實, 而且用極其令人難以忍受的語氣和文字(無論中文或英文)以作挑釁, 相信只會令愈來愈少人參與討論! 這些不能接受別人觀點和不肯包容別人的性格, 我想他即使有再多的學問也是徒然!

chongnicole

xxx

藍藍媽

平心而論，其實我幾鐘意睇shadeslayer share 如何提高英文阅讀興趣的分享的…… 不過有時候又好似好堅持自己的睇法及希望别人認同…… 無話咁係好定唔好，每人性格不同…… 其實大家有大家的分享，讀者自會分析和作決定…… 大家继續開心分享啦！對我呢d新手父母好有用

四隻貓

我本身是十一月細b, 我成績一向中上，幼稚園和小學時更深受老師喜愛，有好多表演機會。人際亦從來沒問題，有不少朋友。
所以我從來不覺得做細b有什麼不好的地方，比別人細，到中學大學時更深得同學們照顧(特別是男同學)，當我是小妹妹。

所以我也沒有要九月出生的女兒repeat,她在學習和人際也沒什麼落後。我見她幼稚園的細b同學們一樣考到DGJS和St paul Co edu, 人際、自理、學術也很好，比不少大b更佳。
所以在我來說，從來不覺得細b要repeat.
家庭教育比一切更重要。

YanKanMom

細B大B上一般是女孩較男孩容易做細B. 但也非絶對, 其實很視乎個別孩子智力及身體的發展及能力. 我兒曾做細B, 由於身體上的發展及能力未能跟上, 結果改做大B. 所以認同如果孩子各方面的發展及能力不是超越自己的年齡, 最好不要冒險做細B.

藍藍媽

原帖由 四隻貓 於 14-02-26 發表
我本身是十一月細b, 我成績一向中上，幼稚園和小學時更深受老師喜愛，有好多表演機會。人際亦從來沒問題， ...

哈哈，我都係中細B，我都一樣好enjoy 做小妹妹…… 我諗一般女孩子都喜歡做小妹妺多過做大家姐…… 男仔則相反，鐘意做大阿哥去保護人

likim8160

回覆 四隻貓 的帖子

女孩子智力發展較快, 做細B問題不大, 但男孩子較遲開竅, 身心發展跟不上, 甚麼家庭教育也沒用, 我兒子就是這樣, 所以我讓他做大B, 反觀小我兒子一年的K3同班細B男同學, 就出了嚴重情緒問題, 參加學校活動不是大哭就是尖叫

shadeslayer

做細B的風險一定高於大B。要做細B承受了大一點旳風險，換來的是乜？我鼓勵大家想清楚。

day_bo

如K1要佢repeat，我頭痛緊點同阿囝解釋好?因個個下學年也升K2。其實我囝以大B身分再考幾間龍校無一間收，想做大B都唔得，除非原校repeat,但怕阿囝明顯知自己repeat會好唔開心。

魚王

我個人愚見，如己讀k或primary, 無必要千其不要留及。若現才報k,做大無妨。我幼時同表妹一同去in k, 大家同一年出世，學校比我讀k2,佢只可讀k1, 她十一月出世，我八月。她因比不開心，outcome 很差呢！我同事都比呀媽要佢repeat k3, 現在成日同我講有陰影！

lhingw

原帖由 Apple_Orange_T 於 14-02-20 發表
是否讀小一後, 大細b便沒有分別？

其實我覺得好睇小朋友本身，我小朋友12月B讀K2，基本上應該跟到班上大B，不過可能寫字揸筆真是弱些。如果各方面不是太差，我一定不會改做大B。與其做大B排頭位，我情願做細B 中游位置跟人跑。

ocean308

以我仔為例,細b在一年班會有分別,但二年級後適應小學生活後在學校的基本自理完全沒問題.但回到家仍然十分依賴.

MrBeast

day_bo 發表於 14-2-26 22:45
如K1要佢repeat，我頭痛緊點同阿囝解釋好?因個個下學年也升K2。其實我囝以大B身分再考幾間龍校無一間收，想 ...

最好都係轉校，如真的找不到比現時更好的，有一心理e生同我説：一些k1還不是太aware, 未必知乜事，任你作，但我覺得老師到學年尾會提，唔想博可慢慢找機會每日講d，eg, 功課難，做得辛苦，中期評估有乜要做好些⋯
Ps, 個 tone 要係關心個隻 and not 負面批評, obviously.

Olympian

跟得上就唔好repeat，升上去先。如果K2真的跟唔上老師會同你講，到時先諗。通常幼稚園K2多位，repeat轉校都較易。

YanKanMom

我兒當年是轉校重讀K3. 自己當年也是未想清楚, 心想孩子若做細B, 表現不理想才做大B. 其實K1-K2時也知兒子不是讀得太開心, 但問過原先的幼稚園兒子需否重讀, 學校卻說毋須. 直至小一面試時, 其中一間小學校長建議兒子重讀K3, 他說不是擔心其學術跟不上, 而是在社交自信上的欠缺可能會阻礙孩子的成長(兒子是內向慢熱型). 他還介紹了幾間著重全人發展的幼稚園予我們考慮, 並說要重讀最好在幼稚園階段, 上了小學心理的影響會更大. 校長也說以他的觀察, 大細B一般到四年級已沒有什麼分別, 視乎孩子是否那種遇強越強的人, 抑或是遇強便退縮的人. 事實上現在兒子同班中也有不少表現出色的細B. 現今回顧, 只能說每個孩子皆不同及各有特質, 女兒與兒子同讀一間較重學術的幼稚園, 女兒沒有問題, 兒子卻不適合.當年考慮讓兒子重讀時, 丈夫最初也不太願意的, 因他覺得孩子在學術上跟得上而忽略了孩子其他方面的需要. 其時我亦問過一位朋友的意見, 她的兒子是十月B, K1是在九龍塘一間名幼稚園就讀, 但不適應, 之後轉了一間普通幼稚園重讀K1至K3, 小一時考到英華,男拔及聖保羅男女. 朋友說她知道自己兒子的實力, 相信做大B對他更有利, 故很果斷便做了重讀的決定.

MrBeast

Kg 深淺個range 可以好大，k1 k2 評估的項目和ranking 能真的reflect 今天小一須要的能力嗎？再者there is a big assumption if kg teachershave the necessary training to give appropriate advice (no offend intended and certainly some have experience to make good judgement calls).

除非是一些clear cut 的case, eg 早產，發展遲緩，我自己通常都唔會advise either way, 只會比一些大圍資料當事人自己考慮。

Doris_Ray

我自己細個係細b，幼稚園發展真係差啲，但去到小學，個gap已經縮小，最後亦順利考到中大，first honor畢業。
到我個女，佢都係10月細b，今年讀緊 k1，無論言論、認知發展的評估都係中上；我今年同佢去咗考龍校，收咗；但考嗰時，因為唔確定佢k1讀成點，所以即使龍校收咗，人人叫我轉，我同老公end up都唔想。因為，我個女好清楚明年係讀k2，如果由k1讀起，佢會好唔開心；另外，我最怕佢失去學習興趣。我覺得無須刻意話佢知佢細過人，應該多鼓勵佢、比多啲機會佢。

藍藍媽

原帖由 Doris_Ray 於 14-02-27 發表
我自己細個係細b，幼稚園發展真係差啲，但去到小學，個gap已經縮小，最後亦順利考到中大，first honor畢業 ...

真係好矛盾…… 我個女都係十月細B，今年九月讀k1, 間學校除了不是龍校外，其他我都好鐘意，英普、鼓勵閱讀、有學卷、 仲要係全日班，方便婆婆照顧，都諗緊出年去唔去考龍校……