仁立紀念小學家長區 (2) - 聖公會仁立紀念小學 - 教育王國

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 聖公會仁立紀念小學 › 仁立紀念小學家長區 (2)

1 ... 10 11 12 131415 16 17 18 ... 176 下一頁

發新帖

樓主: 黃巴士	go 仁立紀念小學家長區 (2) [複製鏈接]

Rank: 7 Rank: 7 Rank: 7


	13222

261^#

發表於 07-9-24 09:57 |只看該作者

原文章由 黃巴士 於 07-9-23 17:57 硐表

我囝都係對英文有抗拒.
平時都有用拚音, 同csy ma剛才生動的方法去加深佢地印象. 好似climb 策字imb cl 跟住I AM BB.咁去教佢記. QUIET, QU, I AM ET.
AROUND似GROUND咁, 但係發覺攪掂到默書, 日后好快佢就唔記 ...

用Longman隻CDR真係有幫助架（我囡試過因為之前已睇過不只一次，識讀，俾老師叫起身讀．所以佢而家臨瞓都聽課文隻CD代替咗講故事）．

我借過俾男班長媽咪去copy（之前仲有剩係聽既CD都請佢幫我cop過），呢位媽咪非常好人同樂於助人（佢都會再參選PTA，請投我地一票），您試吓聯絡佢，俾兩張空碟請佢幫您抄

Rank: 8 Rank: 8


	15364

262^#

發表於 07-9-24 10:26 |只看該作者

原文章由 csy_ma 於 07-9-24 09:57 硐表

用Longman隻CDR真係有幫助架（我囡試過因為之前已睇過不只一次，識讀，俾老師叫起身讀．所以佢而家臨瞓都聽課文隻CD代替咗講故事）．

我借過俾男班長媽咪去copy（之前仲有剩係聽既CD都請佢幫我cop過），呢位媽咪非常好人同樂於助人（ ...

cys-ma,

Thank you!!!! 您都係一樣咁好人&樂於助人.

各位,

25-27/9假期呀, 1/10右放假啦!!!
大家中秋節快樂!!!!!

黃巴士

Rank: 7 Rank: 7 Rank: 7


	13222

263^#

發表於 07-9-24 10:49 |只看該作者

原文章由 黃巴士 於 07-9-24 09:56 硐表

cys-ma,

真係好多謝您抽出自己的空閒時間, 使我地家長更了解學校情況.

黃巴士

黃巴士：

我地只係交流，資訊互換而已

近排，以前常出沒既家長，包括版主都不常出沒，假如唔係因為仲有您同Sandy響度搭嗲，我諗自己好快會似暑假時咁，都唔記得上黎睇吓喇

而且，就因為我會講出黎，所以先至有機會聽更多和知更多

咁既情形，似乎我應該倒轉頭講多謝－－都係講定多謝先，要請各位家長10月投我一票個噃

不過知大家星期六下午都好忙，如果冇時間，都唔駛特登黎捧場．因為好似我咁，有需要時會抽到時間去、唔係太有興趣話事，但俾人踢多幾下都會去做番d野，打字又ok快既家長唔多，我諗學校都唔會釘我出黎

（因為到場既家長唔多，老師票佔過半咁滯，雖云我地大可以相信老師既專業操守，加上投票採用不記名制，絕不可能出現配票既情況，但選出學校可能唔係咁like既家長既可能性仍然唔多）

（又及：我去年既得票率響入選者中好似係倒數第一，叮噹馬頭既，竟係歷屆司庫鄭先生，我開會後先知道點解

）

[ 本文章最後由 csy_ma 於 07-9-24 10:56 編輯 ]

Rank: 3 Rank: 3


	133

264^#

發表於 07-9-24 11:44 |只看該作者

csy_ma
我想問我可以點樣投標呢?

[ 本文章最後由 JOY_JOY 於 07-9-24 11:45 編輯 ]

Rank: 7 Rank: 7 Rank: 7


	13222

265^#

發表於 07-9-24 12:00 |只看該作者

講開，都唔記得咗問其他班既家長：您地有冇人參加中英普通話朗誦？

我果班情況比較特別，英文由P1英文老師揀咗全班Top3去獨誦，粵語我個囡有份，但係我問佢有冇其他同學，佢又話冇（唔過佢講野唔係好作得準）．

奇就奇在，我囡中文成績好似係幾唔好，傾偈又唔算最大聲（舊年就好似搵咗個真係好鍾意同人、包括成年人如我傾偈既去），所以點解揀佢，都唔係好明

最有可能既解釋係：獨誦要家長俾參賽既錢（$70），仲要自己送到去比賽場地，管接管送，而且係響平日上課時間，學生仲會miss咗d堂，而老師又要逐個打電話問家長．要老師去物色d咁閒、又唔會囉唆點解錢要自己俾既家長，可能都有d難度
－－我聽到咁情況，都覺得係有d麻煩，但因阿囡幾鍾意講野，想俾佢練膽，所以應承．跟住聽老師既口吻，好似鬆口氣咁，唔通佢之前已俾家長拒絕過？
不過，假如唔俾咁多壓力個囝囡，純粹要佢地參吓賽，俾$70蚊換個對住咁多人講野，原來會腳仔軟既體驗，參加吓都係好事

．

上周五返學校幫手搞今日既佈置，咁啱校長得閒，講開，佢話P6有班因老師肯鼓動d學生參加，結果有18個人肯報名參加獨誦（好似係英文，因為果位老師教英文，仲唔係精英班添）

．

P6咁大，已經識怕羞識緊張，聽講之前叫佢地，有d都唔肯參加．老師肯多作鼓勵，即是孭多教18個人點參加比賽即責任，個"鼓勵"真係唔講得笑

．我講起自己個班既情況，校長就話，其實同校際音樂比賽一樣，家長可以自己要求參加朗誦比賽（反正錢又係自己出）．

咁其實大家都有好處－－因為唔駛老師逐個打電話咁辛苦．好似粵語獨誦，係就係要老師執吓d朗誦技巧，但起碼讀音就唔駛老師煩，有個幾兩個月時間，家長同小朋友每日背一次，唸到口簧就得．小朋友怕羞怯場既，咪俾多幾年佢試．既然呢d野冇限額既，愈多人參與，勝出率自然就會高d

．

老師方面，雖然話要帶多d人去參賽，但又冇叫佢地一定要贏，俾番個責任學生自己，叫佢地背熟d，大聲d咪得咯．唔似集誦咁，要咁多時間排．慳返搵人參加既時間，同報咗名要收錢的時間，應該唔差得幾遠，但好可能換黎全班朗朗讀書聲同風氣，都應該幾好玩（有d學校甚至搵咁黎做宣傳添）．

至於家長，我諗會有想去，亦有唔想去既（呢間學校既家長幾難估，有d唔會有時間玩平日接送，有d卻會特登去上出便NET訓練既英文獨誦課程)．但問題係，家長唔知幾時要報名，就如音樂節既樂器比賽咁，小朋友聽唔到開咪宣布，分分鐘就錯失咗一年一度既機會（今年既音樂節比賽，好似已於上周報完名），可唔可以出張通告話俾家長聽可以自由參加這兩個大既校際節？似乎要請校方在下年度多加考慮既

他校參考：聽講，浸聯極之鼓勵學童參加校際音樂節，氣氛使然，幾乎每位學童都至少參加一項樂器比賽（佢地有管樂團同一生一體藝計劃）

Rank: 7 Rank: 7 Rank: 7


	13222

266^#

發表於 07-9-24 12:31 |只看該作者

原文章由 JOY_JOY 於 07-9-24 11:44 硐表
csy_ma
我想問我可以點樣投標呢?

假如您係家教會成員，當學校出通告問10月6日（星期六）既會員大會您有興趣黎時，剔會到．到時又出席，就可以投票．

就算您唔係家教會成員，到時都可以出席，但係冇投票權．

舊年其實我冇去睇點票（當時禮堂有講座，點票移咗去另一間房），但係老公有（佢返夜，話齋坐聽講座好易瞓），見我既得票率響近家長既投票箱都OK，響近老師果邊就死晒

．都明解既，小一家長唔知乜頭乜路就大言不愧，扮晒代表咁搭建空中樓閣:tongue: ，上年就算選唔到，都只能講聲抵死

，好彩都似乎都有老師投我票

，否則就鐵定落選

PS：今年個Talent Show既提議係我諗咗好耐，又問過吓相熟既PTA家長，當時諗住響周五課後／周六上午搞，佢地剩係話唔好搞咁密．咁啱上次見到校長，順便又問埋，原來佢都想搞好耐

，但係老師個個都咁忙．．．仲話佢讀中學時，間學校就有類似既野，都不知幾開心．．．跟住佢提議響午息搞，話場地會好安排d（陳太搵家長義工可能都易d），所以我先咁提．連個咁Sharp既名，不敢掠美，都係佢既提供既

所以希望今次可以搞得成，好希望仁紀既學生，會視表演為好玩，而唔係緊張

．但最最重要既，係需要您地既意見和參與

Rank: 3 Rank: 3


	133

267^#

發表於 07-9-24 14:11 |只看該作者

原文章由 csy_ma 於 07-9-24 12:31 硐表

假如您係家教會成員，當學校出通告問10月6日（星期六）既會員大會您有興趣黎時，剔會到．到時又出席，就可以投票．

就算您唔係家教會成員，到時都可以出席，但係冇投票權．

舊年其實我冇去睇點票（當時禮堂有講座，點票移咗去另一間房），但 ...

明白晒la thank you ＾＾

JOY

Rank: 4


	926

268^#

發表於 07-9-25 18:32 |只看該作者

中秋節快樂呀

Rank: 3 Rank: 3


	455

269^#

發表於 07-9-25 20:11 |只看該作者

各位中秋節快樂

原文章由 sandy816 於 07-9-25 18:32 硐表
中秋節快樂呀

Rank: 3 Rank: 3


	458

270^#

發表於 07-9-26 01:38 |只看該作者

csy_ma

咦, 獨誦, 我女話佢果班無老師叫去參加wor? 有份參加好呀, 可以訓練大膽d.

另外, 你中文好, 我有事請教

中文第三課中, 澆水, 老師照課文教讀音[驕], 點解我查字典係, 音[囂]? 我細時, 老師教音[妖], 究竟那個音才正確?

謝謝.

原文章由 csy_ma 於 07-9-24 12:00 硐表
講開，都唔記得咗問其他班既家長：您地有冇人參加中英普通話朗誦？

我果班情況比較特別，英文由P1英文老師揀咗全班Top3去獨誦，粵語我個囡有份，但係我問佢有冇其他同學，佢又話冇（唔過佢講野唔係好作得準）．

奇就奇在，我囡中文成績好 ...

Rank: 3 Rank: 3


	458

271^#

發表於 07-9-26 02:03 |只看該作者

在過去一年, 多得你時常上來報料, 我地班家長先對學校更加了解.
你既熱心, 又幫忙解答問題, 我好希望你能再次入選PTA.

努力呀.

原文章由 csy_ma 於 07-9-24 12:31 硐表

假如您係家教會成員，當學校出通告問10月6日（星期六）既會員大會您有興趣黎時，剔會到．到時又出席，就可以投票．

就算您唔係家教會成員，到時都可以出席，但係冇投票權．

舊年其實我冇去睇點票（當時禮堂有講座，點票移咗去另一間房），但 ...

Rank: 7 Rank: 7 Rank: 7


	13222

272^#

發表於 07-9-26 12:56 |只看該作者

原文章由 lucy 於 07-9-26 01:38 硐表
csy_ma

中文第三課中, 澆水, 老師照課文教讀音[驕], 點解我查字典係, 音[囂]? 我細時, 老 ...

露西：

謝！朗誦節好似係睇老師會唔會肯揀多d人．但係我睇其他學校既宣傳，獲獎既都有成20幾個，參加既自然唔止

．
其實好似校際音樂節咁，可以開放俾學生自由參加都係好事，但係低年級小朋友真係唔係好信得過－－聽講有個小朋友，家長明明提佢參加音樂節比賽，但開咪宣佈時，佢竟然因為報名既音樂室響六樓，嫌行得遠，又冇咗個小息玩，就唔去報

！

自然，呢兩樣未必係全校性活動，出通告可能浪費紙張，但下次可唔可以至少響黑板寫上，讓低年級既家長提醒小朋友留意？

另，我中文唔係好好，讀音更是弱項，都係信字典好d．

我囡話佢老師叫讀「囂」，同我既印象相同，而教科書中標「驕」，相信係根據粵音字典既權威粵音韻彙：
http://arts.cuhk.edu.hk/Lexis/Canton/
就好似國語辭典（台灣教育部）會作為我地通常既詞語解釋範本一樣，粵音韻彙通常亦為粵音方面既標準．所以老師同教科書都冇錯．

至於我囡話讀「囂」，我都唔會糾正佢－－因為中文都幾煩，異體字多，異音字都唔少，究竟邊個係正確？根本就未有統一標準

．

以前做文字媒體，每一個編輯部都有一本厚厚既統一字表依循，佢地都話有佢地既考究同道理．好不幸我轉咗好多間有唔同標準既文字媒體，自己亦參與過更新這些標準，覺得只要唔係距離約定俗成太遠（我有d同事贊成恢復古字，如「衝擊」應作「衝激」，就唔係好接受得到)，只要響同一篇文章、同一份刊物／機構中統一，就可以了．

例如依照我既常識，「會議紀錄」中紀錄作名詞，應為糸部，「把重點記錄下來」中記錄作動詞，應為言部．不過仁紀PTA主席同老師話會議紀錄，佢地習慣寫作「會議記錄」，咁我響呢度以及與學校有關既文字上，便用「記錄」（簡體字係統一為「記錄」，等於「訂」字基本在簡體上絕跡，因為被「定」字代替了）．但用響其他地方就唔會跟，因為咁會俾人圈出為錯，如此罷了:-|

就算五十年不變，到我地囝囡長大果代，粵音既影響大概都會愈黎愈細．除非係讀古詩同研究古音韻學（粵音較接近古音，所以好多古詩用粵音讀更啱音），否則廣州話既命運大概會跟上海話一樣，成小圈子交流既親近密語．而普通話既標準相當統一，唔駛擔心

（我反而好、十分唔想統一學簡體字，真係有d唔係好接受中文變成咁！）

[ 本文章最後由 csy_ma 於 07-9-26 13:08 編輯 ]

Rank: 3 Rank: 3


	458

273^#

發表於 07-9-28 02:30 |只看該作者

thank u.

原文章由 csy_ma 於 07-9-26 12:56 硐表

露西：

謝！朗誦節好似係睇老師會唔會肯揀多d人．但係我睇其他學校既宣傳，獲獎既都有成20幾個，參加既自然唔止．
其實好似校際音樂節咁，可以開放俾學生自由參加都係好事，但係低年級小朋友真係唔係好信得過－－聽講有個小 ...

Rank: 7 Rank: 7 Rank: 7


	13222

274^#

發表於 07-9-28 13:33 |只看該作者

開學不久便連放三天假，讓人感到十分開心．因此，竟有時間在上網聽故事．順便也再向各位推介：
中華里－大榕樹下：講歷史故事，廣州／普通話版
http://www.chinalane.org/listing/storytree.html
中華里－漢文書屋－詩歌天地：古詩／童謠，廣州／普通話版
http://www.chinalane.org/listing/poem.html

另國語辭典網址：http://www.sinica.edu.tw/~tdbproj/dict/
加上上次講過的粵音韻彙，應可減少查紙上字典所花的時間．

另有興趣讓小朋友學中樂的家長，不妨有時間同小朋友一起到：
燦爛的中國文明－中國古代音樂及樂器－古今古樂演奏會
http://www.chiculture.net/php/frame.php?id=/cnsweb/html/0506
看看及聽聽，讓小朋友看看喜歡哪門樂器的音色（這網站受優質教育基金資助，讀者對象是中學生，但因不同編輯的風格不同，有時內容未必易讀，不過當中有遊戲和互動電視環節，亦可適合高小學生看）


	3832

275^#

發表於 07-9-28 13:46 |只看該作者

提示: 作者被禁止或刪除內容自動屏蔽

Rank: 4


	926

276^#

發表於 07-9-28 18:18 |只看該作者

請問有冇媽媽知道點解剛派返黎本中默.會有兩個詞語響"認讀字詞"同"應用字詞"個範圍果度冇既(綠苗兒.顏色)?係唔係老師叫小朋友自己圈架?

[ 本文章最後由 sandy816 於 07-9-28 18:19 編輯 ]

Rank: 8 Rank: 8


	15364

277^#

發表於 07-9-28 19:12 |只看該作者

原文章由 sandy816 於 07-9-28 18:18 硐表
請問有冇媽媽知道點解剛派返黎本中默.會有兩個詞語響"認讀字詞"同"應用字詞"個範圍果度冇既(綠苗兒.顏色)?係唔係老師叫小朋友自己圈架?

SANDY,

亞仔班以前小一時, 已經有出課文詞, 所以我一向同佢溫唔單係課后或應用字詞, 仲會抽d課文裡嘅字詞同佢溫.
佢地有時寫手冊係寫默課x詞x, 但係無話係課后詞, 所以要留意吓,可能係課文詞都唔定.

黃巴士

Rank: 8 Rank: 8


	15364

278^#

發表於 07-9-28 19:19 |只看該作者

ALL,

請指教 :－
我想問吓英文作業STEP. P.21, 有幅圖(第2圖)係唔淮開消防水龍頭, 應該點寫呀????

DON'T SWITCH ON ???????????. 定係　？？？？．　唔識呀？？？？

黃巴士

Rank: 7 Rank: 7 Rank: 7


	13222

279^#

發表於 07-9-28 19:24 |只看該作者

原文章由 kswiss 於 07-9-28 13:46 硐表
csyma,

冇上開嚟真係會冇呢個'引'常常上嚟,而且好似你講,好多媽媽都冇出現講野,我都少咗上嚟睇.

可能,我地今年已經係二年級既家長,好多野都上了軌道,唔似得好似上年咁,對學校,課程,等等都要上嚟傾,上嚟問,再互相安 ...

係，舊年真係有難捱既時候，so far今年都順順利利，就算連續中默，下個星期又英默，都好似例行公事咁．可能囝囡大咗，有d野就懶得跟．．．
假如唔係Lucy講起，唔上粵音韻彙個網，真係都唔知本教科課點解話要讀「驕」．同不嬲習慣唔同，聽黎有d怪，不過點都怪唔過「時奸」，咪由得去咯

結果您報咗幾多個興趣班？拉丁舞同小演員撞咗，真係好可惜:cry:

Rank: 7 Rank: 7 Rank: 7


	13222

280^#

發表於 07-9-28 19:27 |只看該作者

我地班老師好似剩係話默二、三，冇話只限詞語

原文章由 黃巴士 於 07-9-28 19:12 硐表

SANDY,

亞仔班以前小一時, 已經有出課文詞, 所以我一向同佢溫唔單係課后或應用字詞, 仲會抽d課文裡嘅字詞同佢溫.
佢地有時寫手冊係寫默課x詞x, 但係無話係課后詞, 所以要留意吓,可能係課文詞都唔定.
...

‹ 上一主題|下一主題 ›

1 ... 10 11 12 131415 16 17 18 ... 176 下一頁

發新帖

熱門主題

最高瀏覽主題

Copyright © 2002 - 2024 Baby-Kingdom.com Limited, All Rights Reserved.
有關我們
使用條款
免責聲明
私穩政策
廣告查詢