仁立紀念小學家長區 (2) - 聖公會仁立紀念小學 - 教育王國

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 聖公會仁立紀念小學 › 仁立紀念小學家長區 (2)

1 ... 69 70 71 727374 75 76 77 ... 176 下一頁

發新帖

樓主: 黃巴士	go 仁立紀念小學家長區 (2) [複製鏈接]

Rank: 3 Rank: 3


	449

1441^#

發表於 08-9-26 19:03 |只看該作者

原帖由 csy_ma 於 08-9-24 17:26 發表

佢地就係特登寫得唔清唔楚，等家長以為係學校要求既，就會俾錢佢地駛:;pppp:

所以，家長都係睇清楚D，凡係學校需要學童購買既補充教材，都會以學校通告既形式通知，亦即係，會有校長既簽名，否則就唔駛點理

另外，想話俾新既家長 ...

我女仍未適應, 佢唔中意返學, 傳統教學确實幾沉悶, 規矩又嚴, 見到日日都有人俾老師鬧, 佢就好驚(雖然佢冇范錯), 佢又慢熱, 朋友唔多個, 所以返學對佢來講係苦事.
今日小一家長分享會時同老師傾過, 希望老師留意吓佢, 遲D會適應.
我都幾擔心, csy_ma, 你有咩好辦法指點吓我? thanks a lot!!

Rank: 7 Rank: 7 Rank: 7


	13222

1442^#

發表於 08-9-26 23:21 |只看該作者

原帖由 YYJC 於 08-9-26 19:03 發表

我女仍未適應, 佢唔中意返學, 傳統教學确實幾沉悶, 規矩又嚴, 見到日日都有人俾老師鬧, 佢就好驚(雖然佢冇范錯), 佢又慢熱, 朋友唔多個, 所以返學對佢來講係苦事.
今日小一家長分享會時同老師傾過, 希望老師留意吓 ...

YYJC：

以下既方法，有D係我試過，亦有聽其他家長分享既，不過每個小朋友都唔同，都唔知啱唔啱妳囡囡。

唔中意返學：睇黎妳未必有去到中秋仁紀夜噃？要報名參選家教會又過咗期。。。妳最好抽時間送佢返學或放學，留意吓有乜同學仔住附近既，得閒約吓同學仔響假期出黎玩。咁可能會適應得順利D。

幫佢報佢鍾意既課餘活動，等佢可以多個機會識朋友仔，同埋響學校玩D佢鍾意既野。

預備多D零食，等佢響小息時多與人分享。咁做好類有D收買成分，不過，小朋友係最直接（或者叫最勢利）既，咁應可以令妳個囡很受歡迎，咁咪易D識朋友仔咯。

得閒帶住佢同佢驚既老師傾吓偈，好多時老師惡都係得個樣，佢見到媽咪同惡老師有計傾，有得笑，咁就唔會咁驚......

Rank: 3 Rank: 3


	449

1443^#

發表於 08-9-27 17:29 |只看該作者

csy_ma
好多謝你嘅分享.
請人食嘢, 最易做到, 即刻行動.
正想同佢報課外活動, 佢想學跳舞, 但要着跳舞衫, 我驚冬天會凍親

帶住佢同老師傾偈, 呢個辦法幾好, 不過要約老師睇怕唔係咁易. 你覺得好多老師唔係真惡ga?
你ge建議, 我會揾機會賞試, 感謝你ge幫忙

Rank: 5 Rank: 5


	3117

1444^#

發表於 08-9-27 21:25 |只看該作者

請問咩叫"陶笛" ??
易學嗎 ? 大約學幾耐先識得吹出聲 ?

thx.

Rank: 7 Rank: 7 Rank: 7


	13222

1445^#

發表於 08-9-29 20:53 |只看該作者

原帖由 YYJC 於 08-9-27 17:29 發表
csy_ma
好多謝你嘅分享.
請人食嘢, 最易做到, 即刻行動.
正想同佢報課外活動, 佢想學跳舞, 但要着跳舞衫, 我驚冬天會凍親
帶住佢同老師傾偈, 呢個辦法幾好, 不過要約老師睇怕唔係咁易. 你覺得好多老師唔 ...

冬天凍果陣時，就唔需要換跳舞衫。搵老師未必一定要約，接放學同老師傾兩句就得。通常，低年級既老師未必要上高年級既補課，不過，當然係預咗約好d喇

Rank: 7 Rank: 7 Rank: 7


	13222

1446^#

發表於 08-9-29 21:05 |只看該作者

原帖由 somimi 於 08-9-27 21:25 發表
請問咩叫"陶笛" ??
易學嗎 ? 大約學幾耐先識得吹出聲 ?

thx.

請閱http://www.ocarinahk.com/index.htm
網址屬於陶聲社，正是學校課餘興趣班既主辦機構。

維基百科的解釋是:http://zh.wikipedia.org/wiki/%E9%99%B6%E7%AC%9B

據以前參加陶笛班既小朋友說，陶笛並不難學，上咗幾堂就識吹歌仔。且導師教得活而且有心機，教既歌仔又係小朋友熟悉既，所以佢地玩得好投入。

又如以前所說，陶笛班既導師暑假會走去四川災區同d不幸既小朋友分享音樂既，即係話都幾有heart，呢樣野可能係做老師最緊要有既。

Rank: 5 Rank: 5


	3117

1447^#

發表於 08-9-29 23:30 |只看該作者

原帖由 csy_ma 於 08-9-29 21:05 發表

請閱http://www.ocarinahk.com/index.htm
網址屬於陶聲社，正是學校課餘興趣班既主辦機構。

維基百科的解釋是:http://zh.wikipedia.org/wiki/%E9%99%B6%E7%AC%9B

據以前參加陶笛班既小朋友說，陶笛並不難學，上咗幾堂 ...

csy_ma,
多謝你分享.
但系今早已經要交回參加表格 (希望學校下次比多兩日諗諗), 冇choice便tick左珠心算, 唔知有冇機會改呢 ?

Rank: 7 Rank: 7 Rank: 7


	13222

1448^#

發表於 08-9-30 11:53 |只看該作者

原帖由 somimi 於 08-9-29 23:30 發表

csy_ma,
多謝你分享.
但系今早已經要交回參加表格 (希望學校下次比多兩日諗諗), 冇choice便tick左珠心算, 唔知有冇機會改呢 ?

Somimi :

請致電學校找朱雲興主任（負責課餘興趣班）老師商量。

Rank: 8 Rank: 8


	15364

1449^#

發表於 08-9-30 12:55 |只看該作者

原帖由 somimi 於 08-9-29 23:30 發表

csy_ma,
多謝你分享.
但系今早已經要交回參加表格 (希望學校下次比多兩日諗諗), 冇choice便tick左珠心算, 唔知有冇機會改呢 ?

係呀!! 多2日唸會好D.
因為囝囝都要夾學校&私人補課時間&校外其他活動(其他活動又要等CONFIRM), 佢又想現某D校內活動, 因為趕住要尋日交FORM, 所以無奈地"唔參加"

黃巴士


	3832

1450^#

發表於 08-9-30 13:12 |只看該作者

提示: 作者被禁止或刪除內容自動屏蔽

Rank: 3 Rank: 3


	449

1451^#

發表於 08-9-30 17:26 |只看該作者

原帖由 csy_ma 於 08-9-29 20:53 發表

冬天凍果陣時，就唔需要換跳舞衫。搵老師未必一定要約，接放學同老師傾兩句就得。通常，低年級既老師未必要上高年級既補課，不過，當然係預咗約好d喇 ...

csy_ma
唔該晒, 你好helpful呀

Rank: 7 Rank: 7 Rank: 7


	13222

1452^#

發表於 08-9-30 18:14 |只看該作者

原帖由 kswiss 於 08-9-30 13:12 發表
有冇人知三年級既旅行&親子日營,家長有冇得去呀?(因為而家都要plan下d年假啦!)

旅行，由小三開始已自己去，冇得親子了。
至於對象係小二至小四學童及家長既親子日營，好似唔係年年搞既，詳情可致電學校問詢。

09年3月12日為親子運動會，翌日為假期......今年學校更parents friendly，以往逐學期公布既學年校曆表，今年全年既已在學期初放咗響校網度：http://www.ylm.edu.hk/calendar.php

另外校網仲上咗中秋園遊會既照片花絮，今次竟然有caption，唔知邊位咁有心機

各位家長，得閒可以上去睇睇http://www.ylm.edu.hk/news.php

Rank: 7 Rank: 7 Rank: 7


	13222

1453^#

發表於 08-9-30 19:20 |只看該作者

今天係小三小朋友第一日補課，好彩既係，剛好明天是假期，所以放學後竟可"奢侈＂地跟同學仔食tea，再返屋企。到了家不到半個鐘頭，囡囡已經補充睡眠去了。

以後補課／上完校隊或興趣班後既生涯，可能係咁既：
3:45pm 打鐘了，放監了！
4pm左右　家長接送隊走出校門
5pm-5:30pm　終於到家了（我家住得遠，車程連轉車約需一個小時，假如深井開校巴線，五點半是校巴公司初步估計既到站時間）
5:30pm 回家後要立即開始做功課。現囡囡果班通常有8門功課，以每門功課需時20分鐘計，要8:10pm才可完成功課，當中還不能有休息時間。
8:10-9:10pm 小囡吃飯很慢，約需一小時。
9:10-9:25pm 唯一可以稍為放鬆的時間，是沖涼。小朋友愛玩水，如無規定，可以玩水半個鐘，所以我通常預設鬧鐘，限15分鐘鬆一鬆。
9:25-9:55pm 假如囡囡仲有精神，可以履行每天練琴半個鐘"規定"，不過，呢個規定響好早之前，都已變成皇帝的新衣，難以看到。繼續落去，不過係希望繼續留返個可學琴既機會而矣。
好勒，由於路途遙遠，翌日要6:30-45am起床，7am前出門，所以最好響10點上床瞓

。

以上時間表，如軍訓一樣，玩耍時間？NO! 溝通時間？NO! 看書時間？NO! 玩想像遊戲？別發夢了，早點去找周公吧。溫書？預習？對不起！做完功課已太累，除非那是不得不做的功課，否則免了罷！

開了課一個月（全日上課三個星期），我囡已有同學仔有逃課意欲，常常跟家長說不想返學（但佢其實好乖，經常利用小息做功課，成績也不錯）。家長唔想俾壓力，但係精英班既老師要求都好嚴，老師宣稱，默書低於90分既都要受罰

，而有10分既課外部分，小朋友其實難以溫習

（原來有D小朋友好叻，已識得＂貼"題目估今勻究竟會出D乜課外字，不過，就似乎趕盡一些唔小心，或者智力未到既小朋友，默書真係咁重要？點解到咗高年級，默書高分既，卷二又未必能攞高分？

）。

我回憶起自己小三既時候，功課不重，約一小時內完成。那時候剛開始可較順利地看書（那時可以跳班，為早點跟我哥一起上學，當老師的媽媽安排我早一年入學），既沒什麼可做，就不如看漫畫，或字書（後來我小五時已看原裝注釋版既《水滸》同《西遊》，所以中文OK），然後等家人齊集吃晚飯，邊可以看電視。當《歡樂今宵》主題音樂開始時，便是上床時間了。

現在，囡囡別班同學中也有一位如我當年一樣對字開始感興趣的小朋友，但佢家長要禁住佢睇書，因為咁會做唔掂功課。連報紙都唔可以訂，以免分咗心。
當同學仔家長放工回到嫲嫲爺爺家時，已約七點。同學仔做功課算快，通常尚欠一樣完事。然後，吃飯，一個鐘，到八點幾。立即走路十多分鐘回自己家。九點或九點前，沖涼，練琴半小時，近十點。
同學仔家長係盡責家長，會每日幫小朋友溫習或預習，OK，約十一點，可以睡覺。翌日要七點前上校車

。

作為家長的，還有什麼時間可以"奢侈"地跟子女聊天溝通？小朋友開學後的意義，就是不停地做功課、溫默書，還有周六日趕各種學術的非學術的課餘班，趕呀趕

。

我囡做功課期間如想跟我分享在學校的趣事或慘事，通常不出三句，就被我喝止，請她集中精神盡快完成功課。到上床時間想好好再說，沒兩句也給我喝止：封口拉拉鏈，早點睡！

人生，好像只剩下時鐘聲嗒嗒地響，不住地提醒他們：不能玩不能玩，要做做做功課，要溫溫溫默書，爭取好成績

。慢慢，追不上成績的小朋友，要不就造成惡性循環，測考課外的範圍愈來愈多，但自己連課內的還未能應付

，要不就乾脆半放棄，在家長理不到的範圍，讓自己鬆一鬆，竟意外地開心！

……如此循環下去，能怪很多小朋友厭學嗎？

我知道，小三TSA評估，對學校很重要。如他校一位校長所言，＂而家既制度係咁，有邊間學校敢唔谷？有邊間學校敢唔做野？"

但係，家長唔係學校既工具，在訴苦之餘，亦請偶然停一停時鐘，回到學習既基本點：求知。細心想一想，不要磨滅了小朋友求知的欲望，也給他們歇一歇再上路的機會？

[ 本帖最後由 csy_ma 於 08-9-30 20:57 編輯 ]

Rank: 5 Rank: 5


	3117

1454^#

發表於 08-9-30 23:47 |只看該作者

原帖由 csy_ma 於 08-9-30 19:20 發表
今天係小三小朋友第一日補課，好彩既係，剛好明天是假期，所以放學後竟可"奢侈＂地跟同學仔食tea，再返屋企。到了家不到半個鐘頭，囡囡已經補充睡眠去了。

以後補課／上完校隊或興趣班後既生涯，可能係咁既：
3:45pm 打鐘了，放監了！
4pm ...

csy_ma,

以前識位家長都住深井的,
佢囡坐'劉生'車到麗城,
mami在麗城接她再坐minbus的.
至於返學, 佢坐村'爸'到荃灣mtr等'劉生'車.

其實, 我好明白, 大仔六年級時補足五日, 好彩佢做功課好快 (d字差d, 但冇法), 通常一個鐘可以, 若有dict就一早預備 ...... 加油丫 !!

Rank: 3 Rank: 3


	133

1455^#

發表於 08-10-1 10:57 |只看該作者

csy_ma
我想問下學校係唔係只會理A,B班d學生架??

我仔仔琴曰返嚟好唔開心咁同我講
奧數班只係俾咗A,B班d同學入
C,D,E班d同學就一個都入唔到
學校話係抽籤架點解咁啱可以只係A,B班d同學入晒??
我自己覺得咁嘅結果好唔公平喎
定係只有A,B班d同學先可以有資格呢??

JOY

Rank: 5 Rank: 5


	3117

1456^#

發表於 08-10-1 23:31 |只看該作者

原帖由 JOY_JOY 於 08-10-1 10:57 發表
csy_ma
我想問下學校係唔係只會理A,B班d學生架??

我仔仔琴曰返嚟好唔開心咁同我講
奧數班只係俾咗A,B班d同學入
C,D,E班d同學就一個都入唔到
學校話係抽籤架點解咁啱可以只係A,B班d同學入晒??
我自己覺得咁嘅結 ...

joy,
你仔是高年班嗎 ?
以往高年班是老師推選的, 而且是foc的.

Rank: 3 Rank: 3


	455

1457^#

發表於 08-10-2 10:46 |只看該作者

csy_ma,

冇錯香港教育制度係咁, 所以我都覺得啲小朋友幾辛苦, 日日好似我哋返工咁, 返到家仲要做成7/8樣工課, 但係冇法啦, 係HK讀書就係咁ka la! 我為有同隻囝講事實, 你趕唔上就要接受退後啲, 盡力做就得, 做好老師比的工作, 就係佢的責任. 不過我哋做家長首先唔好氣餒, 要幫佢哋去適應, 要比佢覺得返學唔係慘事, 可以係一間好的學校學習, 係我哋的福氣, 小學基礎打得好, 將來就容易掌握了, 小朋友好容易比我哋啲情緒, 所以應該多啲支持同鼓勵佢哋, 我哋家長們齊齊努力吧!

致於默書90分以下要罰, 係連帶要計平時唔守規矩, 已經入了黑名單的同學仔, 所以我隻仔比較緊張

不過, 我就幾鍾意默書, 可以big佢溫習同溫熟啲字, 因為佢作文時, 成日都寫唔出啲生字ka. 乜課外文句都有得捉? 真係想學吓的方法

原帖由 csy_ma 於 08-9-30 19:20 發表
今天係小三小朋友第一日補課，好彩既係，剛好明天是假期，所以放學後竟可"奢侈＂地跟同學仔食tea，再返屋企。到了家不到半個鐘頭，囡囡已經補充睡眠去了。

以後補課／上完校隊或興趣班後既生涯，可能係咁既：
3:45pm 打鐘了，放監了！
4pm ...

[ 本帖最後由 wp-bn 於 08-10-2 11:16 編輯 ]

Rank: 7 Rank: 7 Rank: 7


	13222

1458^#

發表於 08-10-2 11:03 |只看該作者

JOY_JOY :

響課餘興趣班招生通知既第一頁第五項講明：趣味奧數班，同西方土風舞班 (校隊)、芭蕾舞(B)(C)班 (校隊)、中國舞(A)班 (校隊) 一樣，係＂收生需經甄選＂。

我都聽講過學校想培養一隊奧數校隊（之前響高年級，今年擴至小三），既然係咁，要經老師挑選並不出奇。放響興趣班個表度，估計係因為某D校隊唔駛錢（如老師出任導師既排球、足球班之類），而奧數因要搵外援要家長科款而矣。

莫講話參賽預備隊，有時某D俾高年級參加既學術班，假如基礎唔好走去上，學習效果都幾成疑。最近我就試過想幫一位小六既朋友仔執執中文作文，請佢俾小五既功課我睇吓程度，卻發現佢可能寫得差過我剛升上小三既囡囡

。咁情形，如果要靠一學年每周一次，加埋都可能係得廿幾次既課餘補課，效果都似乎難以樂觀。

Rank: 7 Rank: 7 Rank: 7


	13222

1459^#

發表於 08-10-2 11:25 |只看該作者

wp-bn、somimi：

謝謝兩位既安慰。我都係因為囡囡同我講數，先謂要睇完某本書，見我扯火，又改口要睇完某本書既某章節，但我都要硬著心腸唔俾，先至傷心而發。

可能小二時已習慣咗只有五六門功課既＂他條＂，對比小三殺到黎，某日只五門功課已頓感皇威浩蕩的情況，真係幾透不過氣

。我囡唔專心同貪玩之餘又極之犬儒，老師話咩都信十足，所以都有幾大壓力。都幾驚佢既壓力變成憎恨（我已經同佢講，佢唔鍾意可以幫佢申請調去非精英班，但佢又因為鍾意某D老師同同學，唔制）。

當然，做功課慢都係一個問題。都冇法咯！唔小心，改正要改完再改又重改，自然費時。不過，唔小心呢樣係慣性，小朋友一定要付出代價後，先至有望會改，改得到，對日後處事為人都好有好處。

唉！只好好似wp-bn咁講，惟有要自己同阿囡都盡量適應

（可能係因為自己要求低，通常阿囡各科都響80分以上就收貨）。小學打好個基礎後，希望到時佢已培養到自發學習既習慣，咁就搵間唔駛谷既另類中學俾佢

Rank: 8 Rank: 8


	15364

1460^#

發表於 08-10-2 12:46 |只看該作者

原帖由 csy_ma 於 08-10-2 11:25 發表
wp-bn、somimi：

謝謝兩位既安慰。我都係因為囡囡同我講數，先謂要睇完某本書，見我扯火，又改口要睇完某本書既某章節，但我都要硬著心腸唔俾，先至傷心而發。

可能小二時已習慣咗只有五六門功課既＂他條＂，對比小三殺到黎，某日只五 ...

改完又改, 可能已經係小朋友一貫嘅犯錯模式!!
好似我由小二講到依家都要佢記得數學要寫名數(元, 隻,份....), 囝囝仍然都會寫吓又唔記得, 好在老師都出左條好"橋", 每次漏寫名數, 都要重新再做多次. 我依家都忍心唔提佢改功課, 等佢本作業俾老師改到花灑. (因太多錯)等佢試吓罰&跌嘅滋味!!! 第日溫書, 等佢自己都留意到錯d麥???

我之前都驚會影響佢操行, 又可能自己面子問題(驚俾人話-麥果囝咁"un皮"). 但唸深一層, 細個唔教, 大個都唔受"你"教!!! 小小嘅罰可能會轉化成推動力, 令佢更積極呢!!!

至於默書- 我都覺得ok架, 因為始終同遲早佢地都要溫, 好過到測驗式考試至將所有野塞入腦, 都消化唔到.

我反而希望未夠90分, 真係會罰佢.
可能每個小朋友個性唔同, 囝囝自學性唔高, 因受唔住引誘, 經常唔尊心, 表面上好似唔care分數, 但實際上對默書成績都會同人比較, 因為骨子裹都有要求.

功課量方面-真係各有唔同, 囝囝功課都近似小二量, 多功課時多在明/後天是假期才多少少, 都真係唔多!!!
每日走快兩步, 起初可能會辛苦d, 但係習慣左, 第日可能會自覺地走得快.

其實各家長有各家長嘅擔心, 唔谷又驚佢地跟唔上, 谷又驚小朋友辛苦, 可能依果就係教學同現實嘅矛盾.

黃巴士

‹ 上一主題|下一主題 ›

1 ... 69 70 71 727374 75 76 77 ... 176 下一頁

發新帖

熱門主題

最高瀏覽主題

Copyright © 2002 - 2024 Baby-Kingdom.com Limited, All Rights Reserved.
有關我們
使用條款
免責聲明
私穩政策
廣告查詢