- 在線時間
- 22 小時
- 最後登錄
- 22-9-24
- 國民生產力
- 60
- 附加生產力
- 337
- 貢獻生產力
- 0
- 註冊時間
- 04-12-6
- 閱讀權限
- 10
- 帖子
- 195
- 主題
- 62
- 精華
- 0
- 積分
- 592
- UID
- 36172
|
Dr. T, 你好,
我個女5歲多, 讀k3
幼稚園老師來電, 傾近來個女的情緒和行為問題, 老師說她聖誕前的幾日, 她表現不開心, 問她有什麼不快事發生, 她答沒有但眼濕濕想哭, 有一日下午, 她在學校不能入睡, 於是老師和她傾談, 問她有什麼心事, 她哭得很厲害, 她終於肯說感到唔開心的事, 她說她什麼都沒有/失去了, 金魚無了, 婆婆無了, 爸爸媽媽都無了, 老師問她為什麼要這樣說, 她答金魚死晒, 婆婆唔同佢住要返大陸住, 爸爸媽媽要去外國, 以後都見唔到, 於是老師同佢解釋, 身邊的人和物最終都是會離開自己, 教佢什麼是生老病死, 要佢唔好亂諗野, 教佢要珍惜現在擁有的, 想番現在什麼開心的事 ......
老師以為佢講的事是真的, 其實, 金魚只是死了一兩條, 之前因為婆婆做了小手術, 所以同我地暫住幾日, 然後返回自己家, 沒有去大陸住, 差不多每星期日都會去婆婆家吃晚飯, 我和老公沒有打算去外國唔返, 亦無試過放低佢自己去旅行
當老師知道實情之後, 她都覺得我個女想得太多, 多到有些過份, 甚至超越佢的年紀, 而且思想很負面, 佢可以因為小小的事情可以聯想到很多很遠和很壞, 以致影響佢的情緒和行為
放完聖誕節假期後返學, 老師發覺她同小朋友相處出現問題, 佢會霸佔住佢最要好的同學, 有其他同學想同佢的要好同學坐, 佢會大聲罵人, 叫人走開 or 唔比人行近, 老師立即捉佢埋一邊, 教訓佢, 又再同佢解釋一番, 佢又好似好些, 但無幾耐佢又再嚟過
其實由佢3歲開始, 我地已經發覺她的思想與同齡的小朋友好唔同, 時常諗埋一邊, 又諗得好多好長遠, 但又係好負面的, 所以, 佢細細個已經無了童真, 時常鬧情緒, 身邊的大人又誤解佢, 唔明白她的人, 又覺得佢好小姐脾氣, 又話我地太縱佢
經過幾年的努力, 仍然改變唔到佢的想法, 我和老公真的唔知可以點教佢, 好怕她將來會出現社交問題, 又怕佢會有抑鬱, 將來有唔如意的事就話要去自殺, 佢之前試過當眾表現得唔好, 比姑媽大聲罵了幾句, 就好唔開心, 還撞自己的頭埋牆, 那時, 我立即帶她離開, 安撫她之後, 向她解釋
請問, 佢會唔會有什麼問題? |
|
發表於 09-12-4 21:46
